Y A O H Ú S H U A



          Ang Totoo At Kumpletong Sampung Utos



1.  Anee (o Ako) si YÁOHU Ulhím, ang iyong Walang-Hanggang Maykapal, 
na humango sa iyo mula sa lupain ng Egipto, sa lugar ng iyong pagkakaalipin.  

Huwag kang magkakaroon ng mga palsipikadong maykapal sa harapan Ko.

2.  Huwag kang magkakaroon ng mga estatua, mga rebulto, imahen, monumento 
at iba pang mga nililok na kawangis ng anyo ng anomang nasa langit, 
o ng nasa ibaba sa lupa, o ng nasa tubig sa ilalim ng lupa:

Huwag mong yuyukuran sila ni paglilingkuran man sila: 
dahil Anee, si YÁOHU Ulhím, ang iyong Walang-Hanggang Maykapal, 
ay isang mapanibughuing Maykapal. 

Na Aking pinarurusahan ang kasamaan ng mga magulang sa kanilang mga anak, 
hanggang sa ikatlo at sa ikaapat na salinlahi ng mga napopoot sa Akin;

Ngunit pinagpapakitaan Ko naman ng kahabagan 
ang libu-libong umiibig sa Akin at tumutupad ng Aking mga utos.

3.  Huwag mong babanggitin ang Shúam o Ngalan ni YÁOHU Ulhím, 
ang iyong Walang-Hanggang Maykapal, sa walang kabuluhan; 
dahil hindi ituturing ni YÁOHU Ulhím, ang Walang-Hanggang Maykapal, 
na walang sala ang sinomang bumanggit ng Kaniyang sagradong Shúam 
o Ngalan sa walang kabuluhan.

4.  Iyong ipagdiriwang ang araw ng Shábbos o Sábado, upang ito ay ipangilin, 
tulad ng iniuutos sa iyo ni YÁOHU Ulhím, ang iyong Walang-Hanggang Maykapal.

Magtatrabaho ka dapat sa anim na araw sanlinggo, 
at iyong isasagawa ang yaohod (lahat) ng mga dapat mong tapusin!

Nguni't ang ikapitong araw ay Shábbos o Sábado para kay YÁOHU Ulhím, 
ang iyong Walang-Hanggang Maykapal: sa araw na iyan ay huwag kang gagawa 
ng anomang gawa, ikaw, ni ang iyong anak na lalake ni babae, 
ni ang iyong mga tauhang lalake ni babae, ni ang iyong baka, 
ni ang iyong asno, ni anoman sa iyong hayop, ni ang iyong taga ibang 
lupa na nasa loob ng iyong mga bakuran; upang ang iyong mga tauhang 
lalake at babae ay makapagpahinga rin namang tulad mo.

At iyong gugunitain na ikaw ay naging alipin rin sa lupain ng Egipto, 
at ikaw ay inilabas ni YÁOHU Ulhím, ang iyong Walang-Hanggang Maykapal, 
mula doon sa pamamagitan ng isang makapangyarihang kamay at unat na bisig.

Kaya't iniutos sa iyo ni YÁOHU Ulhím, ang iyong Walang-Hanggang Maykapal, 
na ipangilin mo ang araw ng Shábbos o Sábado.


5.  Igagalang mo at bibigyang importansya ang iyong tatay at ang iyong nanay, 
tulad ng iniutos sa iyo ni YÁOHU Ulhím, ang iyong Walang-Hanggang Maykapal; 
upang ang iyong mga araw ay lumawig at upang palarin ka sa lupaing ibinibigay 
sa iyo ni YÁOHU Ulhím, ang iyong Walang-Hanggang Maykapal.

6.  Huwag kang papatay (Do not murder!).

7.  Huwag kang makikiapid.

8.  Huwag kang magnanakaw.

9.  Huwag kang sasaksi sa di katotohanan laban sa iyong kapuwa.

10.  Huwag mong iimbutin ni pagnanasaan man ang asawa ng iyong kapuwa; 
ni huwag mong pagnanasaan ang bahay ng iyong kapuwa, ang kaniyang bukid, 
ni ang kaniyang katulong lalake, o babae, ni ang kaniyang baka, 
ni ang kaniyang asno, ni anomang bagay ng iyong kapuwa. 

                   
                              - Deuteronômio 5:6-21, Banal na Kasulatan


'YÁOHU' - ito ang Aking Shúam o Ngalan magpawalang-hanggan na itatawag sa Akin
at Ani ay gugunitain sa bawat sali't-salinlahi. - Éxodo 3:15,  Banal na Kasulatan


Si YÁOHU UL ay Espirito kaya't Siya'y dapat sambahin 
sa espiritwal na paraan at sa katotohanan!

'Sa panahong iyon, Aking dadalisayin patungo sa purong Hebreo 
ang pananalita ng Aking mga tauhang nagsisipanumbalik sa Akin, 
upang sila ay sama-samang makatawag sa Shúam o Ngalan ni YÁOHU Ulhím 
at Siya'y sambahin nila ng may pagkakaisa.' 

                    - Zafna-YÁOHU (Sofonias) 3:9, Banal na Kasulatan


'Ang kaligtasan ay hindi matatagpuan kanino pa man dahil walang ibang ngalan
ang ibinigay sa silong ng langit upang tayo ay maligtas maliban sa iisang
Ngalang: YAOHÚSHUA!'  

                      - Mga Gawa 4:12, Banal na Kasulatan