You may click to DOWNLOAD THEN SAVE the FULL TEXT Cebuano version now....

Shua-oléym (kalinaw) ol Shúam YAOHÚSHUA hol-MEHUSHKHÁY!

Palihog lang ablihan ninyo karon ang inyong mga panghuna-huna ug salabutan ug kasing-kasing ug nagtuo kami nga ang 'RÚKHA-YAOHÚSHUA' ang magtudlo, magtabang ug magdala kaninyo ngadto sa hingpit nga kamatuoran, karon ug hangtod sa kahangtoran, samtang nagbasa kamo niini nga naggikan kang Gaúl YAOHÚSHUA hol-MEHUSHKHÁY! Magpadayon kita sa pagdawat niining Iyang mga pulong....

Kon ang ngalan sa atong Makagagahom mao ang 'Yahweh,' kinahanglan nga tawgon ang Iyang katawhan nga mga 'Yahwehdim' apan sayop kini. Lahi ug kakataw-anan kini alang sa paminaw sa mga Israelita nga gitawag nga 'Yaohudim' sa ilang pinulongan. Mao man galing nga 'Hudio' ang angga nila kay gikan man sa 'YaoHudio' ug dili 'Yahweh-dio.' Tataw kaayo di ba?

Masiguro gayod nga sayop ang angga nga 'Jehovah' tungod kay walay letra nga 'J' sa pinulongang Hebreo. Ug ang angga nga 'Jehova' gimugna lamang sa mga tawo. Tungod kay kadtong upat ka letra sa (tetragramma) orihinal nga Balaang Kasulatan pabali nga gibutangan ug mga 'vowels' sa pulong nga 'adonay' nga naghisgot sa usa ka pagano nga gisimba kaniadto. Busa, natingob ang maong ngalana nga gimugna. Apan dili kini ang tinuod nga Ngalan ni Magbubuhat!

Ania ang maayong pananglitan mahitungod sa ngalan nga 'Jehovah' nga gihimo. Pananglitan ang pulong nga 'portugal' ug unya kuhaon ang mga 'vowels' sa pulong nga 'florida' ug pabali kini nga ibalhin sa mga 'consonants' niini ug mahimo kini nga bag-ong hinimo nga ngalan nga 'partigol'! Mokatawa ka gayod apan mao gayod kini ang kakataw-anay nga paagi sa pag-puli sa tinuod nga Ngalan ni Magbubuhat.

Daghan gayod ang napatuo sa maong dakong kasaypanan ug daghan gihapon ang naangin sa pagsimba nini. Makaluluoy gayod. Ang tinuod nga kahulogan sa pulong nga 'yehova' sa karaang Hebreo nga sinultihan mao ang kalaglagan, kawad-on ug kapildihan! Tungod kay walay letra nga 'j' Hebreo nga sinultihan. Busa ang tinuod nga Ngalan ni Magbubuhat mao ang 'YÁOHU' ug dili ang gisadong ngalan nga 'jehovah.' Klaro kaayo!

Ang sinultihang Hebreo mao ang pulong nga gihatag sa atong Magbubuhat didto sa mga primerong tawo nga Iyang gibuhat didto sa tanaman sa Eden, kini ang kinaiya nga sulti sa mga tawo! Ang karaang Hebreo mao ang orihinal, hinlo, ug walay sagol nga laing sinultihan ug kini mao ang labing una nga pulong sa tawo!

Mao nga ang tinuod ug labing husto nga Ngalan ni atong Magbubuhat mao ang 'YÁOHU.' Ug dili na kinahanglan nga hisgotan ang lain pa nga paglitok sa 'tetragramma' o kadtong upat ka letra nga magtingob sa Ngalan ni atong Magbubuhat sa Balaang Kasulatan Hebraica kay layo na man sa tinuod ug klaro nga sayop.

Sayon lamang ang pagpamatuod niini pinaagi sa pagsusi sa mga Hebrew-Chaldee Lexicon ug mga Concordances nga didto makaplagan ang mga kahulogan. Pangitaa lamang sa Concordance number 5796 sa mga Hebrew-Chaldee Dictionary o sa bisan unsa pang maayong concordance. Mahibaloan gihapon ninyo kini pinaagi sa pagpadayon niining maong pagtulon-an nga dili na bililhon ang mga spelling sa mga ngalan sa mga espirituhanong binuhat.

Ang bililhon mao kadtong pagsampit ug naggula ug gitawag sa atong baba, ug kang kinsang espiritu nga dili makita inig sampit na sa maong ngalan, bisag unsa pa ang spelling niini. Tungod kay ang kahulogan sa karaang Hebreo nga pinulongan sa kanding mao ang 'az' ug 'eyz' naghisgot gihapon kini sa mga daotang espiritu sa kanding bisan unsa pa nga spelling ang gamiton, sama sa: 'ahz' o 'ehyz' 'aaazz' o 'ace' labi na gayod kon mag-ampo na sa mga dili makita nga espiritu!

Tagda ninyo kining mga mosunod nga pulong nga 'deus' 'diyos' 'theos' nga puros naghisgot sa usa ra ka dili nakit-an nga espiritu sa espirituhanong natad, ug dili na bililhon bisag unsa pa ang lain-laing spelling nga gamiton, tungod kay kon sampiton na ang mga pulong mao gihapon tingoga ang madungog pareha lang gihapon.

Timan-i ninyo kini maong kamatuoran pag-abot sa mga hilisgotan mahitungod sa dili makit-ang natad sa espiritu: kon ang duha ug labaw pang mga pinulongan nga dili mausab ang posisyon sa dila o ngabil o tilaok sa baba, nagpasabot kini nga pareho lang kahulogan ug ang hisgotan nga espiritu.

Pananglitan, kon sampiton ni bisan kinsa ang ngalan sa dili makita nga si satanas, motubag gihapon siya bisag ang spelling nga imong gamiton mao ang: 'zatanas' 'sathanas' o 'sadanas.'

Nan, si bisan kinsa nga mosangpit sa ngalan nga 'yehshua' nagpasabot kini nga ang tinuod niyang gitawag mao ang karaang kanding nga nagtinakuban, kini mao ang moduol ug motubag tungod kay dili niya nahibaloan nga ang gisampit na diay niya mao ang kanding nga nagpakaaron-ingnon nga manluluwas. Kini mao ang katumanan sa laraw sa kaaway, ang manglinla ug manlimbong sa kadaghanan aron siya ang dawaton isip manluluwas, apan ang tinuod bakak diay nga manluluwas.

Klaro gayod nga sayop nga tawagon nga'yahshua' o 'yehshua' ang tinuod nga Messias. Ang tinuod, orihinal ug klaro nga Ngalan sa tinuod nga Messias mao ang: YAOHÚSHUA (mao kini ang paglitok: yao-hoo-shua, ug ang undak naa sa ikaduhang punto nga 'hoo'). Ang Ngalan nga YAOHÚSHUA nangahulogan sa: ang gahom sa YÁOHU UL nga magluwas!

Kay kini maong ngalan ang tinuod ug orihinal nga ngalan sa Messias ug gidala ug kalakip ang Ngalan ni Amahan nga YÁOHU UL. Apan kon masayop ug ang gamiton mao ang 'yahshua' o 'yehshua' klaro gayod nga mawala na ang Ngalan ni Amahan nga YÁOHU UL, kay mogawas gayod nga ang ngalan diay sa amahan nga gidala sa Anak mahimo na nga kakataw-anay nga ngalan nga: 'yaso' ug 'yeso'.

Timan-i: ang mga tingog ug paglitok sa 'az' ug 'ez' nangahulogan kini sa karaang kanding, busa ayaw kamo palimbong! Busa, tuohi ug dawata ang orihinal ug tinuod nga Ngalan ni bugtong tinuod nga Messias: YAOHÚSHUA! Ug dili si yehshua, dili gihapon si yahshua, ug mas labaw nga dili si ye-zeus.

Pananglitan: Gitawag nga 'chicklet' ang chewing gum o kaha kadtong kamera nga gitawag nga 'kodak,' ug kadtong toothpaste nga gitawag nga 'colgate' ug uban pa. Klaro kini nga pagpanglimbong, nga magpadulong kini sa kakuyaw tungod kay maghisgot kini sa mga bakak nga magbubuhat o 'lo-ulhim' (mga rebulto ug estampa) bisag nahibalo ka o dili!

Busa kinahanglan nga atong panalanginan, daygon, iisa ug simbahon ang Iyang bugtong ug usa lamang ka Ngalan - 'YÁOHU' ug dili si 'khuda.' Dili kini pinasikad sa kon unsa ang imong gihuna-huna, kondili diha sa kon unsa ang gisampit sa imong baba. Mahitabo ang kaluwasan pinaagi sa atong pagpadayag o pagsampit sa atong baba!

Kay nag-atubang ka ug tinuod nga nakig-sulti sa kon kinsa ang imong gitawag. Mahimo nga nagtuo ka nga maka-istorya nimo ang imong higala apan kon sayop ang imong gi-dial nga numero sa telepono, lahi nga tawo ang makatubag, ug kon maayo pa siya nga magtinakuban, basin ug malimbongan pa ikaw nga siya gayod ang imong higala. Sama gihapon kini sa atong pag-ampo ug pagpakig-istorya sa atong dili makita nga Magbubuhat!

Ginadili pag-ayo diha sa Balaang Kasulatan nga dili angay sangpiton ang ngalan sa mga bakak nga magbubuhat o 'lo-ulhim' sa karaang Hebreo nga pinulongan, sa atong mga baba; sabta ninyo karon kining mga nahisulat sa Balaang Kasulatan:

'Pamatia ang tanan kong gisulti kaninyo; ayaw kamo pag-ampo ngadto sa ubang mga bakak nga magbubuhat ni maghisgot bisan sa ilang ngalan.' - Exodo 23:13 - Tanakh (Balaang Kasulatan Hebraica)

Dili makauulaw ang masayop: ang makauulaw mao ang magpabilin sa kangitngit human makaplagan ang tinuod nga kahayag. Timan-an nato pag-ayo. Kon isalikway ang kahayag, ang mahimong sinugdanan sa hingpit nga kangitngit sa inyong huna-huna! Busa magsugod na kamo karon nga motawag sa putli, bugtong,tinuod nga Ngalan ni tinuod Magbubuhat - 'YÁOHU' ug dili ang 'diyos' o 'zeus.'

Kinahanglan nga makaila kamo sa tataw kon kinsa ang inyong tinuod nga gitawagan, gisimba ug giisip nga Magbubuhat, ug kon kinsa gayod ang gisampit sa inyong mga baba! Kay kon unsa gani ang inyong sangpiton mao kadto ang motubag ug moduol kanimo!

Si Shemiramis ang inahan ni Nimrod, o Tammuz, diha sa mga milagroso nga pagano nga relihiyon sa mga karaang kaliwatan.

Niadtong milabay nga panahon didto sa dapit Babilonia, pangkasagaran na lamang diha sa katilingban sa mga pagano ang pagsimba sa adlaw. Ug si 'Shem-esh' ang idolo nga naghulagway isip adlaw. Ginadili pag-ayo ni YÁOHU UL ang pagsimba sa adlaw, sa bulan, sa mga bituon, bisan pa diha sa mga kalanggaman, bisag salampati pa sila o bisan pag unsa pa nga matang sa mga mananap. Simbahon lang nato ang Nagbuhat ug dili ang mga binuhat!

Kay gitagna namang daan diha sa Balaang Kasulatan nga sa mga ulahing adlaw nga ipasikad na lamang sa kadaghanang tawo ang ilang pagsalig sa mga milagro ug mga gibuhat sa mga tawo, ug apil na ang mga pagtulon-an sa diablo? Busa pagbantay kamo kay si satanas mao ang gitawag nga 'diyos' niining kalibotana! Tin-aw nga nahisulat kini sa 2 Corinto 4:4 diha sa Balaang Kasulatan.

Unsaon niya pagpasimba sa kadaghanan diha sa iyang kaugalingon? Pinaagi lamang sa pagpanlimbong!

Apan naa na kamo karon sa Tinuod nga Kahayag nga walay lain kondili si Molkhiúl YAOHÚSHUA (pagsangpit: mol-kee-ool yao-hoo-shua, ang mga undak naa sa punto nga 'ool' ug 'hoo') nga mao ang Tagapagpagawas ug Messias! Ang Kamatuoran! Ug walay unsa man nga kangitngit diha Kaniya!

Tungod kay niadtong gihubad ang Balaang Kasulatan sa pinulongang Griego, ug ang orihinal nga ngalan nga 'YAOHÚSHUA' ilang gilisan ug 'Iesous' aron masabtan sa mga Griego kaniadto tungod kay dili kini nalahi sa ilang gisimba nga si 'Zeus' ug si 'Dionysius'- nga kini mao ang ilang mga idolo o mga bakak nga magbubuhat.

Ug mahitungod sa pulong nga 'iesous' dinhi naggikan ang pulong nga 'jesus' o 'hesus' sa tinagalog nga pagkasulti. Sayop gayod kini nga paagi tungod kay wala man nagsugo ang Makagagahom nga usbon ang Iyang Ngalan ug Ngalan ni Iyang Anak.

Ug ang usa pa ka hinungdan ngano nga ilang giilisin ang Ngalan: tungod kay naglisod sa paglitok ang mga Griego sa tinuod nga Ngalan ni atong Manluluwas nga si 'YAOHÚSHUA' - busa naghuna-huna sila nga mas maayo pa nga ilisan nalamang kini aron sayon lang litokon, apan wala nila huna-hunaa nga gidulaan na diay nila ang tinuod nga Ngalan ug pinaagi Niya nga gibuhat ang mga butang nga binuhat.

Dili gayod gitugotan ang maong pag-ilis ug naghuna-huna sila nga husto ang ilang gibuhat. Kay matod pa ni propeta Yarmi-YÁOHU sa Jeremias 8:8 - Unya moingon pa gayod kamo, 'Maalam kami ug gihuptan namo ang sugo ni YÁOHU UL' apan nasayod kamo nga giusab ang balaod sa maluibong mga eskriba.

Busa kinahanglan gayod nga mahimo kita nga tinuod nga maalamon ug dili pagsagulon ang atong kinasingkasing nga pagsimba sa mga naandan sa mga Griego diha sa mga bakak nga magbubuhat o 'lo-ulhim' (mga rebulto ug estampa)! Timan-i gayod ninyo, kay matod pa sa Balaang Kasulatan nga ang kaluwasan nagagikan man sa mga Judio ug dili sa mga Griego.

Busa kinahanglan nga atong simbahon ang tinuod nga Balaan sa Israel - 'YÁOHU' ug ang tinuod nga Messias - 'YAOHÚSHUA' - ug himuon nato nga tinuod nga Manluluwas ug Pangulo sa atong kinabuhi! Walay laing ngalan ang gihatag ilalom sa langit aron maluwas ang katawhan, gawas sa ngalan nga,'YAOHÚSHUA!'

Dili makaplagan ang kaluwasan kang bisan kinsa, usbon ko pag-usab, wala gayod kang bisan kinsa! Walay laing ngalan ang gihatag alang sa atong kaluwasan gawas sa nag-inusa ra nga Ngalan - 'YAOHÚSHUA'! 'Manganak siyag lalaki ug nganli siyag YAOHÚSHUA - kay luwason Niya ang Iyang katawhan sa ilang mga sala.' - Man-YÁOHU o Mateo 1:21 - Balaang Kasulatan.

Ug ang pulong nga 'Shaddai' maoy naghisgot sa mga 'seducing spirits' nga gitawag sa Ingles, nga nangahulogan sa mga daotang espiritu nga motintal sa kadaghanan ngadto sa immoralidad-sexual nga giingon. Kay si bisan kinsa nga mogamit niining maong paganong titulo, gipalihok niya ang mga daotang espiritu nga naay kalabotan sa kalaw-ayan, pagpanapaw ug kahugawan.

Bisan gani ang mga nagdiwata hanas sa paggamit niining maong titulo ug kanunay nila nga gigamit kini sa pagdiwata, pagpamalbal, faith healing, pag-orasyon, ug sa pagpanagna ug pagsimba kang satanas.

Sa karaang Hebreo nga pinulongan, ang pulong nga 'el' nagpasabot sa 'kanding.' Ug ang pulong nga 'shad' nahisama sa pulong nga 'sat' ug kini mao ang primerong tinago nga ngalan sa dragon, nga mao si 'satir.' Busa dayag kaayo ang tinuod nga kahulogan sa titulo nga 'El Shaddai' nga nagpasabot sa 'Ang kanding nga puno sa pagsupil.'

Busa ayaw kamo katingala kon ngano nga dako ug sayon ra ang dalan nga gipangulohan ni 'El Shaddai' kay nakatagna na man daan ug nahisulat sa Balaang Kasulatan nga lapad ug sayon ra ang dalan padulong sa impierno ug daghan ang nagsubay dinhi. Makaluluoy gayod ang mga nalinla sa diablo. Mahayagan unta sila....

Kinahanglan nga susiha una ninyo usa pa ninyo dawaton aron inyong malikayan ang mga lit-ag ug pagbitik sa kaaway. Ayaw gayod kamo ug pataka lang kuyog sa kadaghanan kay kadaghanan maoy pangkasagarang nagpadulong sa nagdilaab ug nagbukal nga kalayo ug asupre! Pagbantay kamo! Bisan gani ang mga langgam giklaro una nila ang ilang kaunon una pa nila kini tunlon, ug kamo mas labaw pa kamong maalamon kaysa mga langgam! Magpakamaalamon gayod kamo diha kan Mihushuayao (Manluluwas) YAOHÚSHUA hol-MEHUSHKHÁY.

Ang tinuod nga titulo sa Makagagahom nga YÁOHU UL, sumala sa karaang Hebreo, mao ang 'UL SHUA-ODÁI' nga nagpasabot sa: ang Labing Gamhanan ug Labaw Pa sa Kaigoan ang Pagluwas! Haolul-YÁOHU Ul Shua-odái!

'UL SHUA-ODÁI'- paglitok: ool shooa-odai, ang undak naa sa 'ool' ug 'dai.'

Timan-i nga diyutay ra ang kalainan tunga-tunga sa tinuod ug sa bakak. Bisan gani sa paghimo ug palsipicado o dili tinuod nga kuwarta nga papel mao kini ang paagi. Wala kamo'y makaplagan nga kuwartang palsipikado nga tulo ka pisos, tungod kay walay ingon nianang kuwartaha. Kay himoon sa usa ka palsipikador nga sigurohon niya nga ang iyang himoon nga kapareho sa tinuod nga kuwarta nga papel, mailhan lamang kini nga dili diay tinuod pinaagi sa pagsusi pag-ayo sa kalainan niini.

Ug mao gihapon sa espirituhanong natad ug sa paagi sa pagsimba sa mga tawo. Dili gayod magsulti si satanas nga layo siya sa tinuod, kondili magpakaaron-ingnon siya nga kapareho sa tinuod ug diyutay ra ang kalainan, apan ang maong linla toa ang kamatayon kang bisan kinsa nga malimbongan niini! Busa pagmabinantayon gayod kamo pag-ayo!

Nahatagan na kamo sa pasidaan! Unsay mapahimuslan ni bisan kinsa bisan pag maangkon niya ang tanang bahandi, kabantog ug gahom niining kalibotana apan kon ang kapuli niini mao ang iyang walay kataposang silot sa impierno? Unsay mapahimuslan ni bisan kinsa bisan pag makadaog siya sa tanang matang sa lalis ug debate apan kon mohigda diay siya ug mohabol ug mga itlog sa ok-ok ug ulod?

Si bisan kinsa nga mogamit niining tituloha ug mosangpit niini, molihok ug motubag gayod ang daghan kaayo nga mga diablo ug magpakaylap sa tanang matang sa kahugawang sexual ug pagpanapaw. Ngano man? Tungod kay mao kadto ang buluhaton sa maong mga daotang espiritu!

Ang matarong ug husto nga titulo nga angay gamiton sa Ngalan sa Magbubuhat mao ang 'Ulhím' (ool-heem, ang undak naa sa 'heem').

Ang sayop nga pagbaton sa pulong nga 'elohim' sa Balaang Kasulatan ug nahitabo kini niadtong ilisan sa mga eskriba ang tinuod nga Ngalan ug mga titulo sa orihinal nga nga Magbubuhat, nga gisulti ug nagpasidaan si propeta Yarmi-YÁOHU bahin niini (Jeremias 8:8). Sayon ra ang pagtuki niini diha sa bisan unsa nga Hebrew-Chaldee Dictionary, Concordance o Encyclopedia.

Sa karaang Hebreo, ang pulong nga 'ruah' nagpasabot sa 'daotan' sumala sa Hebrew-Chaldee Lexicon numero 7455, Gesenius. Ug ang pulong nga 'akko' nagpasabot sa 'kanding nga ihalas' (wild goat), kon imong sangpiton ang ang mga pinulongang 'Ruak ha-Qodesh' - ang tinuod nimong gisampit sa dili makitang paagi maoa ang 'daotang kanding nga ihalas' nga walay lain kondili si satanas, o si 'satir' - ang tigtakuban, ang dragon, ang bitin, ang nagtintal sa kalibotan.

Pasidaan: Dili nagpasabot nga matarong ug husto ang tanang Hebrew-Chaldee Lexicon ug ang nahisulat dinhi. Kinahanglan gihapon ang pagsusi sa lain pang mga libro mahitungod sa karaang Hebreo, pinaagi sa paggiya ug pagtudlo ug pagpahayag ug pag-una sa 'RÚKHA-YAOHÚSHUA.'

Ang tinuod ug matarong nga titulo sa Balaang Espiritu sa YÁOHU UL mao ang 'RÚKHA hol-HODSHÚA' (paglitok: roo-kha hol-hod-shooa, ang undak naa sa 'roo' 'hol' ug 'shoo').

Mahimo gihapon nga tawgon Siya nga: 'RÚKHA-YAOHÚSHUA' o Espiritu ni Molkhiúl YAOHÚSHUA. Paniguroha lang nga inyong litukon kini sa hustong paglitok ang maong mga tinuod nga titulo tungod kay daotan gayod ang magpasipala sa orihinal nga Ngalan ni YÁOHU UL. Si bisan kinsa nga magpasipala sa orihinal nga Ngalan klaro nga silotan gayod ni YÁOHU UL! Busa pagbantay kamo!

Usab, mahimo lagi nga lahi ang imong gihunahuna kaysa gisulti sa imong baba. Ania ang maayong pananglitan bahin niini: Naglaraw ka nga mokaon sa usa ka dako nga hotel tungod kay nakadawat ka ug bonus sa imong gitrabahoan. Ug sayo pa sa buntag nagplano ka daan nga mokaon ka sa imong paborito nga pagkaon nga 'pancit canton' sa maong dapit, tungod kay mao kadto ang labing maayo nila nga sud-an.

Busa sa pagkagabii na ug pagkahuman sa trabaho ninghapit ka didto, inig lingkod na nimo miduol dayon ang waiter kanimo aron kuhaon ang imong order. Tungod kay nagdali-dali ka ug daghan ka pang lain nga gihuna-huna bahin sa imong trabaho, inay nga pancit canton ang imong isulti, ug dili nimo namatikdan nga 'pancit lug-lug' diay ang imong nasampit. Tug-ani kon unsa ang idalit kanimo sa waiter. Husto lagi. Pancit luglug lagi ang imong madawat ug dili ang pancit canton.

Nagmahay ka gayod pag-ayo tungod kay nakawang lamang ang imong paghulat kay nasayop ka man sa imong gisangpit nga order. Ug bisan pa nga dili kadto ang imong gihuna-huna, ug ang isulti sa waiter kanimo mao ang: 'mao man kini ang imong gisulti mao gihapon ang idalit kanimo!' Lagi 'no!

Sama gihapon kini sa espirituhanong paagi nga dili makita. Kon kang kinsa pa nga titulo ug kang kinsa nga Ngalan ang gisangpit ug gitawag nimo siya gihapon ang motubag ug moduol kanimo! Dili importante kon unsa ang imong gihuna-huna! Mahimo nga tinuod ug kinasingkasing ang pagtawag mo sa Makagagahom, apan kinasing-kasing nga kasaypanan. Pagbantay gayod kamo kay nagtago ug malimbongon gayod ang nag-atang kaninyo aron malinla kamo.

Apan makasiguro kamo nga luwas kamo kanunay diha kauban ni Gaúl YAOHÚSHUA hol-MEHUSHKHÁY gikan sa tanang matang sa bakak, ug sayop nga paghubad ug sa mga pagpanglinla sa karaang kanding. Busa tinuod gayod nga si Molkhiúl YAOHÚSHUA ang bugtong paglaom sa tibuok kalibotan!

Tungod kay matod pa sa nahisulat, 'Malaglag ang Akong katawhan tungod sa kakulang sa kahibalo,' sulti ni YÁOHU UL diha sa Hosea 4:6. Apan nagdawat na kamo karon sa kaalam nga naggikan ni YÁOHU UL, busa layo na kamo sa kalaglagan!

'Tawgon ninyo Siya nga 'YAOHÚSHUA' kay luwason Niya ang Iyang katawhan gikan sa ilang mga sala!' - Man-YÁOHU o Mateo 1:21.

Ug nagsalig Siya nga ilhon nimo Siya sa Iyang tinuod nga Ngalan ug tawgon Siya ug tinuod nga mosimba Kaniya, kay Siya ang Abughuan! Ayaw kamo pagbaton ug laing mga idolo o bakak nga Magbubuhat gawas Kaniya!

Ibutang nato nga inay nga 'jehovah' ang ngalan nga nahimong bantog, ug giilisan nila ang tinuod nga ngalan ug giilisan nila kini ug 'saturn' ug daghang mga tawo ang nagsugod sa pag-ampo kaniya ug gitubag gihapon ang mga pangaliya pinaagi sa pagtawag sa maong ngalana, busa, nagpasabot ba nga si 'saturn' na ang atong magbubuhat? Tungod lamang ba kay milyones ang nagdawat kang saturn kay mao man kini namathan nga mga tradisyon, mga naandan, ug nagpasabot ba kini nga si 'saturn' na ang ngalan sa Magbubuhat? Dili gayod!

Nagsunod ang kapakyasan, modangat ang kalaglagan kang bisan kinsa nga naghunahuna nga gipanalanginan sila pinaagi sa pagtawag sa bakak diay nga ngalan,apan pagbitik lamang kini kon inyong susihon ang mga panghitabo! Ang kamatuoran, kamatuoran gayod ug dili kini angay ilisan, bisag unsa pa ang atong gihuna-huna nga mahimong ikapuli niini. Dili gihapon kini magsilbi! Ug ang bakak, bakak gayod!

Ug sa tinuoray, ang tinuod nga ngalan ni satanas o sa kaaway mao si 'satir' o 'satur' sumala sa Hebreo nga kasulatan. Ug pinaagi niining mong kahibalo klaro gayod nga isalikway na nimo ang pagsangpit sa ngalan nianang diabloha! Apan dili ba nga nagtan-aw man si YÁOHU UL sa kasingkasing sa tawo? Apan karon, ang maong pangutana mahimong kakataw-anay sa namati,dili ba? Busa ayaw na pag-apil sa mga nalimbongan, pagmakamaalamon ka gayod ug kanunay nagmata sa kamatuoran!

Kon dili bililhon ang ngalan alang sa atong kaluwasan, dili na lang unta kini gipahibalo sa katawhan pinaagi sa Balaang Kasulatan, ug kon dili nato kinahanglan nga mahibaloan kini alang sa atong kaluwasan, nganong gitugot Niya nga masulat ang Iyang ngalan nga labaw pa sa (6,000) sa 'Tanakh' o sa 'Balaang Kasulatan Hebraica'?

Kay mahimo man lagi nga motan-aw na lamang sa kasing-kasing sa katawhan ug luwason ang kasing-kasing sa mga naminaw Kaniya, ug dili na kinahanglan ang pagpahibalo kon kinsa Siya ug kon unsa ang Iyang Ngalan? Alang sa Magbubuhat nga wala namo hiilhi, bisag kinsa, bisan asa ka, luwasa intawon kami! Apan dili gayod Siya nagtago! Nagpaila Siya sa katawhan pinaagi sa Balaang Kasulatan isip pamatuod nga kon hain gani ang 'YÁOHU UL' toa Siya ug gipaila ang Iyang kaugalingon ug sa Iyang Balaan, mao ang iyang Messias!

Huna-hunaa ra gyud ninyo kini: unsa kaha ang mahimong balos sa imong katiayon kon kanunay niyang madungog nga imo siyang gitawag sa ngalan sa karaan mong uyab,inay nga sa tinuod niyang ngalan?

Himoon ba nimo nga magsige ka'g sangpit sa ngalan sa karaan nimo nga uyab diha sa atubangan sa tinuod mong katiayon karon? Dili gayod kay imo man nga gitahod ang imong katiayon ug malikayan nimo nga masakitan ni mangabugho siya.

Ibutang nato nga kanunay nimo siya nga gitawag sa ngalan sa karaan nimo nga uyab, maglagot gayod siya, masuko ug mangabugho! Ug unya magsulti ka niini, 'apan ikaw gayod ang sulod sa akong kasing-kasing.' Dili kini tuohan sa imong katiayon - tungod kay: 'kon unsa gani ang sulod sa imong kasing-kasing mao kadto ang mogula sa imong baba!' Ug ang itubag sa imong katiayon mao kini: 'kon unsa ang naggula sa imong baba nagpasabot kini nga mao kadto ang tinuod nga sulod sa imong kasing-kasing ug dili ahnee! Kay kon ahnee pa unta, motawag ka unta sa akong ngalan? Dili ba? Mao gani nga ikaw ang akong katiayon nga gitawag sa akong ngalan! Ug gigamit pa gani nimo akong apilyedo, dili ba? Sama gihapon kini kon makig-istorya kita sa 'YÁOHU UL' - ang Balaan sa Israel! 'Kay ang imong Magbubuhat mao ang imong bana, si YÁOHU UL nga Labing Gamhanan mao ang Iyang Ngalan; ang imong Manluluwas mao ang balaang Magbubuhat sa Israel, nga ginganlag YÁOHU UL sa tibuok kalibotan.' - Yaoshua-YÁOHU (Isaias) 54:5

'Ayaw kamo pagsimba ug laing mga rebulto o mga estampa o mga bakak nga magbubuhat, kay ang ngalan ni YÁOHU UL QAN-ÁH mao ang Abughoan.' - Exodus 34:14

'Ug matod pa ni Gaúl YAOHÚSHUA, 'Kon unsa gani ang nakapuno sa kasing-kasing, mao usab ang isulti sa baba.' - Man-YÁOHU (Man-YÁOHU o Mateo) 12:34

Mahibaloan gayod kon unsa ang sulod sa imong kasing-kasing, pinaagi sa imong gipanulti! Timan-i ninyo kini!

Ug alang sa inyong kasayuran daghan kaayo nga mga 'panginoon' ug mga 'dios' ug bisan gani ang mga 'mesias' kuno nga gibaligya sa nagkalain-laing relihiyon sa tibuok kalibotan.

KINSA man ang inyong giila nga Magbubuhat ug Hari? Ug Manluluwas? KINSA? Unsa man ang Iyang Ngalan? Ang ngalan mao ang panghisgot alang sa paghibalo kon kinsa ang tinuod nga gihisgot!

Ang usa ka ngalan mao pangkasagaran ug hustong paagi aron mailhan ang usa ka tawo!

'YÁOHU'- kini ang Akong Ngalan hangtod sa kahangtoran ug kini ang ngalan nga itawag nila kanako sa tanang kaliwatan.' Exodo 3:15, Tanakh o Balaang Kasulatan Hebraica

Si Molkhiúl YAOHÚSHUA mao ang Kamatuoran! Siya mao ang Dalan, ang Kamatuoran ug ang Kinabuhi! Walay laing ngalan nga gihatag sa ilalom sa langit aron maluwas ang katawhan! Walay laing ngalan!

Ang Ngalan nga YAOHÚSHUA mao ang labaw sa tanang ngalan!

'Ang kaluwasan makaplagan lamang diha Kaniya, kay wala nay laing ngalan sa tibuhok kalibotan nga gihatag ni YÁOHU UL ngadto sa katawhan nga makaluwas kanato.' - Mga Buhat 4:12

'Ug sa Iyang NGALAN ang mensahe mahitungod sa paghinulsol ug sa pagpasaylo sa mga sala kinahanglan isangyaw ngadto sa tanang nasod.' - Lucas 24:47

'Tungod niini gituboy Siya ni YÁOHU UL ngadto sa kinatas-ang dapit sa kalangitan, ug gihatagan siyag ngalan nga labaw sa tanang ngalan. Busa mangluhod ang tanang binuhat nga atua sa langit, sa yuta ug sa ilalom sa yuta - sa pagpasidungog sa Ngalan ni Ódmorul YAOHÚSHUA. Ug ang tanan magsangyaw nga si Ódmorul YAOHÚSHUA mao ang Manluluwas, alang sa himaya ni YÁOHU UL nga Amahan.' - Filipos 2:9-11

'Apan gisulat kini aron kamo motuo nga si Ódmorul YAOHÚSHUA mao ang Messias, ang Anak ni YÁOHU UL ug pinaagi sa maong pagtuo makabaton kamo ug kinabuhi diha sa Iyang ngalan.' - Juan 20:31

'Ang tanan nga motuo kang Ódmorul YAOHÚSHUA, dili silotan apan kadtong dili motuo Kaniya gisilotan na, kay wala man siya motuo sa bugtong Anak ni YÁOHU UL.' - Juan 3:18

'YÁOHU - kini ang akong ngalan hangtod sa kahangtoran, kini ang itawag nila Kanako sa tanang kaliwatan.' - Exodo 3:15

Busa ang Ngalan nga 'YAOHÚSHUA' lamang ang naay gahom alang sa pagluwas sa inyong mga kalag. Sa motuo ka o dili ba, nga ang adlaw mosubang ugma, mosubang gayod kadto. Sama gihapon niini ang atong pagtuo, nga si Molkhiúl YAOHÚSHUA mao ang usa lamang ka dalan padulong sa walay kataposang kalipay, tinuod gayod kini kay gipadayag na man daan ni YÁOHU UL nga mahitabo kini, bisag motuo ka o dili!

Bisag unsa man ang Iyang isulti klaro nga mahitabo gayod! Unsay kapuslanan sa Iyang gahom kon dili kini mahitabo? Ug ang atong gininhawa nagagikan man ni YÁOHU UL. Ug gipadayag ni YÁOHU UL nga walay si bisan kinsa ang makaduol Kaniya, gawas lamang kon naay tigpataliwala, diha sa Magbubuhat ug sa tawo - ug walay makahimo niini kondili mao lamang si Molkhiúl (Hari) YAOHÚSHUA hol-MEHUSHKHÁY!

Kinsa ang mosulay aron supakon ang Iyang pagbuot! Klaro nga kita gayod ang moduol o mosubay sa Iyang paagi ug dalan! Dili pinasikad sa kon unsa ang atong gihuna-huna mahitungod sa Iyang pamaagi. Siya lamang ang Labawng Makagagahom ug Siya lamang ang angay kahadlokan!

YÁOHU UL, ang nag-inusa ra nga Balaan sa Israel! Siya lamang ang labing importante nga inyong nailhan diha sa inyong kinabuhi ug sa bag-ong kinabuhi! Siya lamang ang Labing bililhon, Halangdon, ug Bantugan - YÁOHU UL sa Israel, ang tinuod nga Magbubuhat!

Kon nagpabilin siya sa iyang baruganan ug wala nagtuo, tug-ani ninyo kon asa siya karon! Apan ang mga pulong ug ngalan nga iyang gikasilagan maoy nagpabilin dinhi! Ayaw ninyo parehasi ang iyang gibuhat, tuohi lamang karon si Molkhiúl YAOHÚSHUA, ang tinuod nga Manluluwas sa tanang tawo!

'Ang tagsa-tagsa kaninyo kinahanglan maghinulsol, ug magpabunyag sa Ngalan ni Molkhiúl YAOHÚSHUA hol-MEHUSHKHÁY aron pasayloon ang inyong mga sala, ug madawat ninyo ang gasa ni YÁOHU UL nga mao ang 'RÚKHA-YÁOHU' o Espiritu ni YÁOHU UL.' - Mga Buhat 2:38

'Mga anak, nagsulat ahnee kaninyo kay tungod kang Molkhiúl YAOHÚSHUA gipasaylo na ang inyong mga sala.' - 1 Juan 2:12

'Manganak siyag lalaki ug nganli siyag - YAOHÚSHUA kay luwason Niya ang Iyang katawhan sa ilang mga sala.' - Man-YÁOHU o Mateo 1:21

'Hinuon, may midawat ug mituo kaniya; busa sila gihatagan Niya sa katungod nga mahimong mga anak ni YÁOHU UL.' - Juan 1:12

'Si YÁOHU UL nag-ingon, luwason Ko kadtong nahigugma kanako, ug panalipdan Ko kadtong miila Kanako nga YÁOHU UL. Kon sangpiton Ahnee nila, tubagon Ko sila; mag-uban Ahnee kanila kon sila naa sa kalisdanan. Luwason Ko sila ug pasidunggan. Gantihan Ko silag taas nga kinabuhi ug luwason Ko gayod sila.' - Salmo 91:14-16

'Ang atong panabang naggikan ni YÁOHU UL nga nagbuhat sa langit ug sa yuta.' - Salmo 124:8.

'Kinsa may nakasugid sa kahibalong langitnon? Kinsa may nakahakgom sa hangin diha sa Iyang mga kamot? O nakasalod ug tubig diha sa usa ka panapton? O nakatino kinutoban sa kalibotan? Kinsa man Siya, unsay Iyang NGALAN ug unsay Ngalan sa Iyang ANAK? Sultihi ahnee kon nakahibalo ka.' - Panultihon 30:4

'Ang nakaila Kanimo, YÁOHU UL mosalig Kanimo kay wala Mo man pasagdi ang midangop kanimo.' - Salmo 9:10

'O YÁOHU UL, among YÁOHU UL pagkahalangdon sa Imong Ngalan! Sangko sa kalangitan ang pagdayeg sa imong himaya.' - Salmo 8:1

'Si Moises miingon ni YÁOHU UL, kon adtoon ko ang mga Israelita ug ingnan ko sila, 'Ang Makagagahom sa inyong mga katigulangan nagpadala kanako nganhi kaninyo,' ug mangutana sila kanako, 'Kinsa may Iyang ngalan, unsa may akong itubag kanila?' Si YÁOHU UL miingon kang Moises, 'Ahnee mao Ahnee, ingna ang mga Israelita: Ahnee mao ang nagpadala kanako nganhi kaninyo.'

Unya miingon pag-usab si YÁOHU UL, kini ang isulti sa mga Israelita, 'Si YÁOHU UL mao ang UL sa inyong mga katigulangan, ang UL ni Abruham, ni YÁOHUtz-kaq, ug ni Jacob nagpadala kanako nganhi kaninyo.' Mao kini ang Ngalan Ko hangtod sa kahangtoran; kini ang ingalan Kanako sa umaabot nga mga kaliwatan.' - Exodo 3:13-15

'Gituyo pagpili ni YÁOHU UL ang giisip sa mga tawo nga walay kapuslanan aron pagpakaulaw sa mga maalamon, ug gipili Niya kadtong giisip nga huyang aron pagpakaulaw sa mga tawong gamhanan. Gipili Niya ang mga sinalikway ug tinamay ug gipakawalay bili sa mga tawo aron pagpaila nga walay bili ang giisip nga hinungdanon sa mga tawo, aron wala gayoy makapagarbo sa atubangan ni YÁOHU UL.' - 1 Corinto 1:27-29

Ug ang lain pa niini,...'Giilisan na sa mga eskriba ang mga nahisulat' labi na gayod ang Ngalan! Timan-i gayod ninyo ang nahisulat sa Jeremias 8:8, diha sa Balaang Kasulatan! Kay ang kahulogan sa 'eskriba' mao kadtong tighubad ug nagsulat sa mga kopya sa Balaang Kasulatan.

'Pagkaalaot ninyong mga magtutudlo sa Balaod! Gitipigan ninyo ang yawi nga maoy moabli sa pultahan sa balay sa kahibalo, apan kamo mismo dili mosulod ug gisanta ninyo ang buot mosulod niini.' - Lucas 11:52

Gikuha, gitagoan, gililong nila ang yawi sa kahibalo nga mao ang - NGALAN!

'Kay nag-ingon si Molkhiúl YAOHÚSHUA: 'Sulod kamo sa sigpit nga ganghaan, kay lapad ang pultahan ug sayon ang dalan paingon sa impiyerno, ug kini ang gisubay sa kadaghanan. Apan masigpit ang ganghaan ug malisod ang dalan paingon sa kinabuhing dayon, ug diyutay ra ang ang makakaplag niini.' - Man-YÁOHU o Mateo 7:13-14

Makasulod lamang sa langit pinaagi sa sigpit nga ganghaan - ug si Molkhiúl YAOHÚSHUA ang Ganghaan sa panon sa mga karnero. Walay si bisan kinsa ang makaadto ni YÁOHU UL kon dili moagi Kaniya - ug kini maong kamatuoran diha gipadayag sa Balaang Kasulatan! Usbon ko pag-usab, walay si bisan kinsa ang makaduol sa Labawng Makagagahom gawas lamang kon magpailalom kang Molkhiúl YAOHÚSHUA hol-MEHUSHKHÁY. Klaro ba kini? Klaro gyud! am-nám (Amen).

Ug mao gihapon, kon pangkasagaran na diha kaninyo ang pipila ka mga nahisulat nga panghitabo sa Balaang kasulatang Hebreo, klaro nga nakahibalo na gihapon kamo nga ang kadaghanan mao pa ang pangkasagarang sayop! Nalipay kanunay si YÁOHU UL diha sa diyutay lamang! Sa diyutayng bahin lamang!

Busa ayaw gayod ninyo ipasikad ang inyong walay kataposang kaugmaon diha sa mga pabo-paborito, mga uso, sa mga tradisyon, sa mga namathan ug mga tuo-tuo sa kadaghanan. Diha sa lamang sa Balaang Kasulatan ninyo ipasikad ang inyong kaluwasan ug walay kataposan, aron makasiguro kamo! Ug sa husto nga NGALAN, nga ato karon nga gitul-id tungod kay sayop ang pagkahubad sa mga ngalan nianang mga Balaang Kasulatan nga gibaligya karon. Gipangulohan ni satir ang kalibotan, nga mao ang maisog nga kanding!

(Sa pinulongan sa Aleman ang tawag sa 'god' mao ang 'gott,' nga 'goat' o kanding sa Ingles.)

Timan-i gayod ninyo kanunay: Sigpit ang dalan! Diyutay ra ang makakaplag niini! Molkhiúl YAOHÚSHUA hol-MEHUSHKHÁY (ang Messias nga Nazaretnon) mao ang Iyang putli ug orihinal nga Ngalan! Ang tinuod nga Labing Maayo! The original is the best!

Niadtong gihubad ang Balaang Kasulatan sa pinulongang Griego, makaguol gayod nga isulti apan tinuod, kay ang Ngalan sa atong Magbubuhat ug ang Iyang Messias, gihubad o gitranslate gihapon! Labing kusog nga linog ang nahitabo niadtong gihubad ang Ngalan. Bisan gani ang yuta nalisang usab sa nahitabo.

Ug sa tinuod aron mahimong matinud-anon sa mga orihinal nga paghubad sa mga kasulatan, ug ang husto nga paagi mao ang 'TRANSLITERATION' aron dili mahubad nga sobra ug dili sad kulang ang mga Ngalan, letra por letra ug dili mausab. Nan, ang mga Ngalan kinahanglan nga hubaron sumala sa tingog sa tingog, ug hustong paglitok labi na gayod kon naghisgot sa Ngalan ni atong Magbubuhat ug sa Iyang Messias. Apan guol kaayo nga hunahunaon kay dili kini ang nahitabo. Kay bisan gani ang ngalan ilang giapil paghubad ug nausab ang tanan!

YAOHÚSHUA ang Ngalan nga labaw sa tanang ngalan. Kinahanglan nga dili kini hubaron sa pulong nga 'iesous' nga kapareho sa 'zeus' ug tungod niini nailisan gihapon ang espiritu nga naa sa luyo sa labing gamhanang Ngalan!

Timan-an nato pag-ayo: Nga ang ngalan mao ang naghulagway sa tanan nga gahom sa usa ka tawo nga naa sa luyo niini. Kon usbon ang mga ngalan, magbunga kini sa pagkausab gihapon sa batasan ug hulagway ug ang kinaiyahan mismo sa mga naa sa luyo nianang maong ngalan. Ug ang lain pa niini, gitugotan ba ni YÁOHU UL nga usbon ang Iyang nag-inusa ra ug labing Balaan nga Ngalan?

'Kini ang Akong Ngalan hangtod sa kahangtoran (hangtod sa kahangtoran!). Ang ngalan nga ilang hinumduman ug itawag nila Kanako sa tanang kaliwatan.' - Exodo 3:15

Tinuod man nga sa matag ngalan ug sinultihan naay katukma nga kahulugan niini. Pananglitan: diha sa ngalan nga 'James' mahimo kini nga 'Santiago' pag-abot sa sinultihang Kastila, ug ang ngalan nga 'George' mahimong 'Gorgonio' pag-abot sa pinulongan sa mga Pilipino, ug lain pa niini. Apan kining tanan maoy pagsugod sa mga naandan ug nabatasan sa mga tawo, alang sa ilang kaugalingong kapuslanan aron dali lang kini nga sabton. Apan dili kini nagpasabot nga magkapareho ang kahulogan niini. Lahi lang gihapon!

Hinumdumi ninyo kon giunsa ug giklaro ug hingpit nga sugo ni YÁOHU UL mahitungod sa mga butang labi na diha sa mga kahulogan sa mga ngalan. Pamalandunga ninyo kon ngano man nga giilisan ni YÁOHU UL ang ngalan nila Abruhám ug Jacob ug kon giunsa Niya gidid-an nga nganlan ug laing ngalan si Juan Bautista nga inyong mabasa sa Lucas 1:59-64, mao gihapon diha sa pag-ilis Niya sa ngalan ni Pedro. Ngano man?

Tungod kay dako ang kabililhon sa mga ngalan! Naghulagway kini sa tibuok kinaiyahan, batasan, reputasyon, katakos, gahom, ug diha sa kinatibuk-an sa usa ka tawo nga gihisgot niini! Ug pamalandunga nga ang Ngalan ni Messias maoy gipili mismo sa YÁOHU UL, pinaagi sa pagpadayag sa Iyang anghel diha kang Maria! Kinsa man kita aron usbon ang Iyang mga pamaagi? Mahitabo unta ang Inyong pagbuot YÁOHU UL ug dili ang mga gikawilihan lamang sa mga tawo! Busa kon atong gamiton ang mga ngalan nga giusab daw naglakaw gihapon ka sa huyong-huyong!

Malipay gayod si YÁOHU UL kon ang tawo mismo mao ang magpahiayon ug magtuman sa Iyang Ngalan ug dili diha sa laing paagi. Timan-i ninyo, Siya mao ang Labing Gamhanan! Usa pa, unsaon nimo pagtino o pagsiguro nga nagsimba ka ni YÁOHU UL, apan kon ikaw nagtawag sa mga gihubad nga mga angga nga pangkasagarang giisip nga kini ang Iyang Ngalan, apan sa laing bahin dili Niya kini tugoti, ug dili gihapon Siya ang gihisgot sa giusab nga angga?

Sama ra kini sa imong pagsulay nga makig-istorya ka sa imong higala diha sa telepono apan lahi nga numero ang gi-dial nimo! Ug usa ka nagtinakuban lamang ang motubag ug linlahon ka sa pikas linya: ang Abril mao ang adlaw sa mga pagpanlinla ug mahimo kini nga matag-adlaw kanimo, dili ba? Pagbantay gayod, kay gihatagan ka na ug pasidaan.

Timan-i ninyo, nga ang tinuod nga Ngalan kinahanglan nga dili hubaron ug dili angay usbon, 'transliteration' lang unta ang kinahanglan. Dili magsobra ug dili sad magkulang ug mahimo nga letra por letra ang paghubad sa mga ngalan diha sa Balaaang Kasulatan sa nagkalain-laing pinulongan!

'Apan kinahanglan pa ba nga atong ilisan ang mga Ngalan ni Magbubuhat ngadto sa mga ngalan sa pangkasagarang lo-ulhim (mga rebulto ug mga estampa) sa mga tawo aron dali lang mabenta ang Balaang Kasulatan nga gi-imprenta?'

Pananglitan, didto sa usa ka dapit o isla taliwala sa dagat, nga naay katilingban sa mga tawo nga naanad na sa ilang gisimba nga si 'BEL.' Ug pinaagi sa sayop nga paghubad nga nahitabo, ug aron makabaton ug kaugalingong kopya sa Balaang Kasulatan ang maong mga tawhana sumala sa ilang kaugalingong sinultihan; ug mahimo nga kini ang masulat:

'Sa pagsugod sa kalibotan, gibuhat ni Bel ang langit ug yuta!'

Katingalahan gayod ang mahitabo ug dako nga kabuang ang mao buhat, dili ba? Makalilisang gayod kay bakak gayod kaayo ang mahitabo.

Ug sa lain pang klarong pananglitan mao kini: sa lain nasod nga dapit, nga ang katilingban sa mga tawo didto, namathan na nila ang pagsimba sa ilang gisimba nga si 'jee-zeus.' Busa kon tumanon pag-usab ang paagi sa mga nasayop nga maghuhubad sa Balaang Kasulatan, mahimo nga kini maong sinultihan ang klaro nga masulat sa Balaang Kasulatan sumala sa pinulongan nianang katilingban: 'Si jee-zeus ang dalan, ang kamatuoran ug ang kinabuhi.'

Makalilisang gihapon kini sama sa una. Nganong dili man? Tungod ba lamang kay pangkasagaran na lang kini nga madungog mao nga ato na lang dawaton isip kamatuoran sa walay pagtuki kon tinuod ba kini o dili?

Mahimo nga mangatarungan ang uban nga lahi ang spelling busa dili mahimo nga magkapareho. Ibutang nato nga husto ang maong pangatarungan. Ug sulayan nato nga hatagan nato ug ngalan ang imong anak lalaki ug ngalan nga 'zey-tahn' mosugot ka kaha? Kay lahi man ang spelling niini? Dili ka gayod mosugot! Dili ka palimbong.

Sama gihapon niini nga bisag lahi ang spelling, apan kon ang mga tingog sa pulong nga mogula sa atong baba nga maghisgot sa mga bakak nga Manluluwas, dili gayod kini angay dawaton kay dako kaayo nga bakak, dili ba? Ug usa pa, nganong dili nalang nato tawgon ang tinuod Niyang ngalan nga klaro man nga nahisulat diha sa orihinal nga kasulatan nga Hebreo, ug sayon ra man ang pagsusi niini hangtod karon?

Unsa ba diay ang mawala kon atong tawgon ang Magbubuhat ug ang Messias sa Ilang tinuod nga Ngalan? Ug usa pa, kinsa man ang nagtudlo kanato aron ilisan ang Ngalan ni Magbubuhat ug sa Messias diha sa paghubad sa Balaang Kasulatan sa nagkalain-laing pinulongan? Naa ba silay pasikaran alang pagbuhat niini? Wala gayod! Usa kini nga hilas nga nabatasan ug namathan lamang sa mga tawo. Nabatasan lamang kini sa mga tawo ug dili ni YÁOHU UL naggikan. Busa kinahanglan nga magmata na kita gikan sa dakong pagpanglinla nga gikan sa kaaway nga si satir o satanas.

Apan milyones ang nagbuhat niini? Himoon na lang ba nga tinuod ang bakak kay daghan ang nagdawat dinhi? Dili gayod! Ang kamatuoran mahimo lamang nga kamatuoran, bisan pag naay motuo kon wala. Ug ang bakak mahimong bakak gihapon bisan pag nagtuo dinhi ang tibuok kalibotan. Dili pinasikad sa gidaghanon ang kamatuoran sumala sa nagtuo niini. Kon himoon nga pasikaran mao ang gidaghanon sa pagtuo, mahimo nga agalon si satanas tungod kay mas daghan ang mga tawong daotan nga kanunay na lamang nagtuman sa iyang mga sugo. Nagpasabot ba kini nga siya na ang Magbubuhat tungod kay mas daghan ang nagtuman kaniya? Dili gayod!

Himoa na karon ang pagdapig sa kamatuoran. Himoon ba nato? am-nám!

Mao nga kinahanglan nga maghinulsol kita karon dayon, mangayo ug pasaylo ni YÁOHU UL, mahitungod sa atong pagsimba kaniadto sa mga bakak nga Magbubuhat o lo-ulhim (mga rebulto ug mga estampa) sa pinulongang Hebreo. Kay matod pa ni YÁOHU UL, 'si bisan kinsa ang makasala o magsupak sa Balaod Ko bisan pag nahibalo siya o dili, kinahanglan nga silotan.' Ngano man? Tungod kay katungdanan sa matag binuhat nga ilhon, pangitaon kon kinsa ang Magbubuhat aron tumanon.

'Malaglag ang Akong katawhan tungod sa kakulang sa kahibalo!' - Oseas 4:6

'Kon may magbuhat sa bisan unsa nga gidili sa ni YÁOHU UL, nakasala siya, busa angay siyang silotan bisan kon wala siya masayod niini.' - Levitico 5:17

Ang kahulogan sa 'guilty' mao ang usa ka tawo nga sad-an o angay silotan.

'Apan kon isugid nato ni YÁOHU UL ang atong mga sala, tumanon Niya ang Iyang saad ug buhaton ang matarong ug mopasaylo gayod sa tanan tang mga sala ug maghinlo sa tanan tang mga kalapasan.' - 1 Juan 1:9

'Nag-ingon si YÁOHU UL, ngari kamo ug maghusay kita. Bisag unsa ka pula ang inyong sala maputi kini kaayo, bisan pa kinig dagtom pula, maputi kini sama sa balhibo sa karnero.' - Yaoshua-YÁOHU (Isaias) 1:18

'Kon magmasinugtanon kamo, makakaon kamo sa mga maayong abot sa yuta, apan kon mosukol kamo ug dili patuo patyon kamo pinaagi sa espada. Kay si YÁOHU UL mao ang nagsulti niini.' - Yaoshua-YÁOHU (Isaias) 1:19-20

Busa paghunulsol kamo! Kay pinaagi lamang sa paghinulsol ug pag-undang maggikan ang kaluwasan! Undanga na ninyo ang pag-ampo ug pagsimba ug pagdayeg kang 'zeus,' 'diyos' ug kang 'god' o 'ginoo.' Tungod kay gikasilagan ni YÁOHU UL ang tanang matang sa pagsimba sa maong mga bakak nga lo-ulhim (mga estatwa, rebulto ug mga estampa).

Kay si 'zeus' o 'diyos' mao ang mga agalon sa kilat, bagyo, o tornado, kusog nga hangin ug lain-lain pang mga makadaot nga gikan sa kinaiyahan. Apan dili na maihap sa kadaghan ang naanad maong paagi? Mausab pa ba sa kadaghanan ang kamatuoran ngadto sa bakak? Timan-i gayod ninyo, nga dako ang dalan padulong sa kalaglagan ug daghan ang nagsubay dinhi. Usbon ko pag-usab: daghan ang misubay dinhi; apan sigpit ug malisod ang dalan padulong sa kinabuhi! Tin-aw ug klaro nga nahisulat sa Balaang Kasulatan kini.

Diyutay ra, diyutay ra, diyutay ra kaayo! Timan-i ninyo kini pag-ayo! Diyutay ra gayod!

Apan daghang mga tawo ang mituo sa Balaang Kasulatan sa maong paagi, nga basin isipon niyo nga husto. Mahimo gayod. Apan hain man padulong ug alang kang kinsa ang ilang kalag?

Alang ba kang 'adonis,' kang 'god' 'zeus' 'ginoo' ug lain pang bakak nga mga lo-ulhim! Walay kapuslanan ang pagpaningkamot ni bisan kinsa kon ang maong sayop nga paagi ang subayon; dako lamang kaayo kini nga pag-usik-usik, gawas lamang kon maghinulsol sila ug mobalik sa kamatuoran.

Busa sugdi na ninyo karon ang pagpahibalo sa uban ang tinuod nga kamatuoran nga naa sa Balaang Kasulatan nga mao ang: YÁOHU UL, ang tinuod nga Magbubuhat, ug si Molkhiúl YAOHÚSHUA nga mao ang tinuod nga Messias! Ug ipahibalo gihapon diha sa kadaghanan nga dili diay si 'zeus' ug si 'deus' ug si 'theos' ug dili usab ang 'ginoo' ang Magbubuhat - kondili si YÁOHU UL.

Mga bakak lamang diay kini nga mga Magbubuhat, mga palsipikado, nga naghatag ug katalagman pinaagi sa panahon o kinaiyahan (weather).

Karon nasabot na ninyo kon ngano nga nahimong panglinla ang mga sayop nga pangatarungan nga gituohan sa mga eskriba, aron matuman ang nahisulat nga ilang gikuha ang yawi sa kaalam. Ilang GIPAPAS ug GIKUHA ang orihinal nga Persona sa likod sa Basahon ug giisip na lamang nga gigikanan ug tinubdan sa tibuok Balaang Kasulatan mao ang nagkalain-laing bakak nga lo-ulhim - inay nga ang Balaan sa Israel mao si YÁOHU UL!

Busa hinulsolan na nato karon ang maong sayop nga paagi ug sukad karon kanunay na nato nga ilhon sa tininuod ang tinubdan sa tanang kinabuhi, ang tinuod ug ang kasaligang Persona nga naa nahisulat sa Balaang Kasulatan - nga mao si YÁOHU UL sa Israel! Daygon nato si YÁOHU UL, ang atong tinuod nga Magbubuhat! Ang tinuod nga Makagagahom!

Ibutang nato nga gitugotan sa matuod nga Magbubuhat ang maong sayop paagi nga hubaron ang ngalan sa Iyang Balaan, ug kon mao kini kinahanglan unta nga ang mahimong katukma o hustong pagkahubad sa Ngalang 'YAOHÚSHUA' sa pinulongang Ingles mao ang 'Joshua' ug dili 'jesus' dili ba? Busa sayop gayod bisan paghatagan ug higayon nga hubaron, sayop lang gihapon! Susihon nato karon kining mga pulong nga gikan sa Balaang Kasulatan:

'Ingna siya nga mao kini ang giingon ni YÁOHU UL nga Labing Gamhanan, ang Tawo nga ginganlag ang Sanga motubo sa Iyang dapit ug tukoron Niya ang Templo ni YÁOHU UL. Pasidunggan Siya ingon nga Hari ug magmando Siya sa katawhan. Usa ka Pari mobarog tupad sa Iyang trono ug maghiusa sila sa pagtrabaho diha sa kalinaw ug pagdinaitay.' - Zacarias 6:12-13

Kining mga pulong naggikan ni YÁOHU UL GAVÓHA (Ang Labing Habog!). Kon dawaton nato ang tawhanong paagi sa paghubad mamiligro ang atong pagsimba ug ang kaluwasan ug mahisama nga daw nagtukod ka ug balay sa balas! MAKAPAKUROG! MAKUYAW ug PELIGROSO!

Timan-an nato nga nakighiusa kita sa nagbuhat sa langit ug sa yuta! Hubaron o usbon ba sa tawo ang ngalan sa Presidente, mga hari, ug sa lain pang mga opisyal sa laing pinulongan, kon himoon man ugaling himoon lang kini nga Transliteration, aron maklaro!

'Kini ang Ngalan Ko hangtod sa kahangtoran!' ug 'walay laing ngalan ang gihatag alang sa kaluwasan!' Nahisulat gayod kini.

Busa atong simbahon ang Magbubuhat sa 'RÚKHA' (Espiritu) ug sa kamatuoran, kay mao kana ang matang sa pagsimba nga gipangita ni YÁOHU UL. Atong simbahon, daygon, pasalamatan pag-ayo ug himayaon ang Iyang NGALAN! Wala nay lain! Ug dili nato sundon ang mga gibuhat lamang sa mga tawo.

'YÁOHU, YÁOHU - pagkahalangdon gayod sa Imong Ngalan ni tibuok kalibotan!'

Among Amahan nga anaa sa langit, simbahon unta ang Ngalan Mo!

Ug kang kinsa nga ngalan nimo itugyan ang imong tibuok kinabuhi?

Kung lahi kini nga ngalan ug dili sa ngalan nga Molkhiúl YAOHÚSHUA - kinahanglan nga maghinulsol ug magbag-o na ikaw karon dayon!

Tungod kay walay laing ngalan ang gihatag ilalom sa langit aron maluwas ang katawhan gawas sa bugtong Ngalan nga YAOHÚSHUA! Walay laing ngalan! Walay laing ngalan! Walay laing ngalan!

Tanan nga kagamhanan sa langit ug sa yuta dili makalabaw sa maong ngalan! Wala gayod tuguti sa Balaan sa Israel nga hubaron ang talahuron nga Ngalan, wala gayod tuguti bisan pag gikinahanglan. Walay katungod si bisan kinsa nga binuhat sa pagpugos aron sundon ang ilang gusto, ug naandan diha sa Magbubuhat!

Si YÁOHU UL lamang ang tinuod nga Nagbuhat sa tanan busa dili na kita angay mobuhat pa ug lain nga bakak nga lo-ulhim (mga estatwa, rebulto ug mga estampa). Si YÁOHU UL mao ang Magbubuhat, kita ang Iyang mga binuhat. Dili na gayod kita magbuhat ug laing magbubuhat!

Si Molkhiúl YAOHÚSHUA lamang ang bugtong Anak sa atong Magbubuhat, ang Balaan sa Israel! Panultihon 30:4 ang nagsulti nga duna Siyay Anak! Si YAOHÚSHUA ang Iyang Anak!

Ang anak sa isda mao ang isda, ang anak sa tawo mao ang tawo ang anak sa UL mao ang UL!

Halaran nato sa pasidungog ang Iyang Ngalan nga Siya lamang ang angay pasidunggan, palihog lang! Sukad pa niadtong milabay nga libo ka tuig, anaa na man ang mga nabatasan ug tradisyon sa mga banay ug tribo sa mga pagano nga nagsimba ug nag-alagad sa diyutayng larawan o mga rebulto nga gitawag sa nagkalain-laing ngalan diha sa nagkalain-laing lungsod, ug mga dapit.

Usa ra ka larawan nga gikulit apan lain-lain ang ngalan, tinuod nga paagi nga pagano. Pila ba diay ang Magbubuhat? Ngano man nga pagkadaghan nianang mga bakak nga makagagahom? Dili gayod nato panag-ingnan ang maong hilas nga buluhaton sa mga pagano! Ayaw gayod kamo pag-uyon sa mga paagi ug mga tradisyon niining kalibotana, tungod kay si satanas o si 'satir' mao ang gitawag nga 'dios' ug 'ginoo' dinhi sa kalibotan! - 2 Corinto 4:4

'Si Molkhiúl YAOHÚSHUA mitubag, ug nganong naglapas man usab kamo sa sugo ni YÁOHU UL ug maoy inyong gisunod ang inyong kaugalingong pagtulon-an? - Man-YÁOHU o Mateo 15:3

'Ug miingon si YÁOHU UL, kay kining mga tawhana nagpasidungog Kanako sa pulong lamang apan ang ilang mga kasing-kasing halayo Kanako, ug ang ilang pagtamod sa mga sugo Ko sama ra sa ilang pagtamod sa sugo sa mga tawo. Busa balikon Ko pagbuhat ang mga butang kahibulongan; ug mahanaw ang kaalam sa ilang maalamon, ug dili na makasabot ang masinabuton.' - Yaoshua-YÁOHU (Isaias) 29:13-14

Ayaw gayod nato ibutang nga pangkasagaran lamang ang mga pulong ni YÁOHU UL tungod lamang sa mga nabatasan ug mga tradisyon nga namathan. Ngil-ad kini alang ni YÁOHU UL! Ug kabuang, kabakakan ug sa maong paagi maggikan ang mga katalagman ug kadaot sa atong kaugalingong kinabuhi ug panginabuhian. Si Molkhiúl YAOHÚSHUA hol-MEHUSHKHÁY ang tinuod nga Ngalan! Ang Tinuod mao ang labing maayo!

THE ORIGINAL IS THE BEST!

Karon nakahibalo ka na bahin niini, ug kini mao ang kanunay nga laraw ni YÁOHU UL nga atong Magbubuhat ang paputlion ang dila o sinultihan diha sa Iyang katawhan nga mibalik Kaniya, tungod kay kon inyong mahinumduman ang nahitabo kaniadto bahin sa tore sa Babel nga tinunglo ang dila sa mga tawo, gawas lamang sa orihinal o tinuod nga pinulongang Hebreo.

Dili kamo makalikay sa pagsulti ug Hebreo, kon kinasingkasing kamo nga nangita sa tinuod nga Magbubuhat ang Balaan sa Israel nga mao YÁOHU UL. Kay inig abli ninyo sa Tanakh o Balaang Kasulatan, naa na kamo dayon taliwala sa Hebreo nga sinultihan!

Kay bisan na lang molitok ug 'amen' Hebreo na man kini! Si YÁOHU UL mao ang gigikanan sa atong kinabuhi, ug nakigsulti Siya sa pinulongang Hebreo kang Adan ug Eba didto sa tanaman sa Eden.

Bisan gani ang mga anghel nga nagpakita sa mga tawo nga mabasa sa Balaang Kasulatan pinulongang Hebreo man gihapon ang gigamit, ug ang atong Manluluwas Hebreohanon gihapon, ang mga apostoles ug mga propeta silang tanan nagsulti ug Hebreo! Langitnon kini ug balaan nga pulong!

Mao gani nga nasuko pag-ayo si satanas (dragon) tungod kay gikasilagan niya ang bisan unsa nga balaan nga gikan sa atong Amahan nga YÁOHU UL; bisan gani ang unod supak usab dinhi apan kita naglakaw sumala sa 'rukha' o espiritu kay magtutuo na man kita ni Molkhiúl YAOHÚSHUA hol-MEHUSHKHÁY.

'Busa kamong mga dili Judio dili na mga langyaw o mga dumuduong kondili mga katagilungsod na sa katawhan ni YÁOHU UL, ug mga sakop na sa Iyang banay.' - Efeso 2:19

'Ang matuod nga Judio mao ang Judio diha sa kasingkasing sa pana-aw ni YÁOHU UL...kay si YÁOHU UL diha man nagtan-aw sa kasingkasing ug hunahuna nga nausab na!' - Roma 2:29

'Busa tungod niini nag-ampo ahnee sa Kanimo YÁOHU UL nga maoy naghatag sa matuod nga NGALAN sa tanang kabanayan sa langit ug sa yuta.' - Efeso 3:14-15

Busa kon nausab na ang imong kinabuhi o nabag-o na ang imong espiritu giisip ka na ni YÁOHU UL nga tinuod ka na nga Judio ug kon tinuod ba nga angayan ka na sa atubangan ni YÁOHU ABÚ (Amahan) isip kauban sa Iyang banay, ug dili ba mao man kini ang dako nga kahigayunan ang makasulti ug pinulongan sa Hari? Bulahan ka gayod! Ug gipanalanginan!

Dili kita angay mabalaka ni maghuna-huna nga lisod tun-an ang pulong nga Hebreo. Kon gusto naay paagi! Ug usa pa, naa kaninyo ang 'RÚKHA-YAOHÚSHUA' o ang (Espiritu ni Molkhiúl YAOHÚSHUA) nga Siya mao ang naggiya kaninyo ug naghatag kaninyo sa kakusgan karon ug kanunay.

Siya mao ang 'MENAOKHEM-NU' (ang atong Maglilipay)! Dili man nagpasabot nga kinahanglan natong makat-unan ang tanang pulong Hebreo kondili kadtong mga bililhon lamang nga gigamit nimo sa pag-ampo, pagsimba, ug pagdayeg. Pagkasayon tun-an niini, tuo ka lang!

Tangtanga ninyo ang mga mibabag sa inyong salabotan nga naggikan sa inyong unod! Buhata ninyo kini karon dayon! Ang nagpadayon sa pagbuhat ug paghanas magpadulong sa kalamposan! Dili gayod makalibog ang pagtuon ug Hebreo, ang makalibo mao ang imong paghukom kon magtuon ka o dili. Mahimong masayon ang tanang butang kon nakahukom ka na nga buhaton kini. Dili lisod ang pag-usab. Ang lisod alang sa kadaghanan mao ang mohukom aron mausab.

Ug tungod niini nga nakahibalo na kita nga kini ang tumong ni YÁOHU UL, walay makapugong kanato alang sa pagpakita Kaniya kon unsa kadako ang atong gugma Kaniya ug atong giila ang Iyang kaayo pinaagi sa pagbuhat nato ug labing maayo aron malipay Siya!

'Higugmaa si YÁOHU UL nga imong Magbubuhat sa tibuok mong kasingkasing, sa tibuok mong kalag, ug sa tibuok mong hunahuna. Kini ang labing dako ug labing importanting sugo.' - Man-YÁOHU (Man-YÁOHU o Mateo) 22:37-38

Busa magsugod na kita karon sa pagtawag ug paggamit sa tinuod nga Ngalan ni atong YÁOHU ABÚ (Amahan) ug sa Messias sa pinulongang Hebreo! Kini ang primerong lakang, mahimong masayon ang tanang butang kon nagsugod na! Matuman unta ang Imong pagbuot YÁOHU UL, ug dili ang amoa!

Ang Amahan: YÁOHU UL (Yao-hoo ool)

Ang Anak: YAOHÚSHUA hol-MEHUSHKHÁY (Yao-hoo-shua)

Ang Espiritu: 'RÚKHA-YAOHÚSHUA' (Roo-kha Yao-hoo-shua)

Kalan-on kini sa mga bata. Sayon ra kaayo kini! Timan-i ninyo: ang kanunay ug nagpadayon sa hustong pagbansay magpadulong sa kalamposan! Continual right practice makes perfect!

Kay ang dili mausab nga Ngalan ni Messias nga nabantog tungod kay pinasikad man sa Griego nga paghubad. Ang kaluwasan naggikan sa mga Hudio ug dili sa mga Griego sumala sa nahisulat. Ug usa pa, dili unta gihubad ang Labing Balaang Ngalan ni atong Magbubuhat, usbon pag-usab, dili unta giilisan ang Ngalan ni Magbubuhat pinasikad ug pulong sa tawo! Nabatasan na lamang kini sa mga pagano ug sa mga dili nahadlok sa pagsimba ug lo-ulhim o mga estatwa, mga rebulto ug mga estampa!

Dili man mga Griego ang tanan apan ngano man nga mitawag sila sa ngalan sa usa ka bakak nga magbubuhat nga Griego?

Kinsa may nagtudlo kanimo aron ilisan ang Ngalan ni atong Magbubuhat sumala sa pinulongan sa matag nasod o matag dapit? Asa man nato nakat-unan ang maong pagtulon-an?

Klaro nga dili kana gikan sa Tanakh o Balaang kasulatan! Gikan kana sa kalibotanong paagi! Mao lagi nga sukad karon mag-usab na kita ug magsugod na sa pagtawag sa atong matuod ug tinuod nga Magbubuhat! am-nám (mao kini ang 'Amen' sumala sa putli ug karaang Hebreo). Sayon ra kaayo!

'Usbon Ko ang sulti sa Akong katawhan nga mibalik Kanako sa sinultihang putli nga Hebreo, aron silang tanan maghiusa alang sa pagsimba ug pag-alagad ni YÁOHU UL!' - Sofonias 3:9

Busa ang ipadayag si YÁOHU UL, ang Balaan sa Israel!

Mahimo nga matingala kamo apan nahibalo ang matag nagtuon sa Balaang Kasulatan nga ang gihubad nga Balaang Kasulatan dili na mao ang giisip nga 'dinihogan' ug 'giginhawahan' ni YÁOHU UL. Ang maong paagi nahiuyon lamang sa mga orihinal nga kasulatan o manuskripo o authographs! Kon ang Balaang Kasulatan ang hisgotan, ang orihinal mao ang kanunay nga labing maayo! The original is the best!

Busa, unsay angay buhaton? Pangitaa ang kamatuoran ug ang kamatuoran ang maghatag kanimo sa kagawasan! Nagsulti ang Molkhiúl YAOHÚSHUA kanimo sa: 'Padayon sa pagpangayo, padayon sa pagpangita, ug padayon sa pagtuktok aron kita hatagan, aron atong makaplagan, aron ang pultahan paga-ablihan alang kanato! Si Molkhiúl YAOHÚSHUA mao ang Pultahan sa panon ug mga karnero ug mao kana ang angay natong buhaton!

Buotan kaayo si YÁOHU UL kanato kay Siya mismo ang nagpaila ug sa Iyang Balaan. Aron atong maipadayag sa matag-usa ang tinuod nga kamatuoran!

Nan, gihisgot nila ang ilang kaugalingon isip mga 'YÁOHUDIM.' Naay pipila ka mga Judio nga hangtod karon nagsangpit niini sa paagi nga maghulagway sa talahuron nga Ngalan sa Labawng Makagagahom. Ania ang mga pipila ka mga pananglitan: Eliyaohu, Khanamyaohu, Netanyaohu, Yaohukhanam, ug uban pa.

Ug bisan pa ang ngalan sa mga propeta sa Balaang Kasulatan ug sa ubang mga tawo ug mga dapit nga giingon dinhi, maoy nagpadayag lang gihapon sa Iyang dungganon nga Ngalan!

Paghubad sa Binisaya Gikan sa Karaang Hebreo

Busa nagpabilin ang kamatuoran diha sa Hebreo nga Kasulatan! Ang kinahanglan na lang natong buhaton mao ang pagpangayo ug sigurado nga hatagan kita ni YÁOHU UL sa kahibalo! Busa magpadayon kita sa pagpangita aron makakaplag kita! Ang mga Kasulatan mismo ang magpamatuod diha kaninyo bahin niining maong kamatuoran!

Hangtod karon nakahibalo ang pipila ka mga Judio sa husto ug tinuod nga paglitok sa NGALAN, apan wala silay kaisog sa pagsangpit niini kay nahadlok nga basin ug mapasipalahan nila ang talahuron nga Ngalan ni tibuok kalibotan. Apan kining paagiha mga tuo-tuo lamang nila, kay ang mga propeta nga gihisgot sa Balaang Hebreong Kasulatan nagpadayon man sa pagsangpit sa Ngalan ni Makagagahom pinaagi sa ilang pagpadayag niini sa katawhan, ang Ngalan kanunay nga gisangpit diha sa orihinal nga bahin Kasulatan, busa nganong mahadlok ka man?

Si YÁOHU UL mismo ang nagbuot pinaagi sa Iyang 'RÚKHA' o Espiritu)nga ang Iyang tinuod nga Ngalan masulat sa Tanakh sa unom ka libo labi ka sulti aron kanunay natong mahinumduman nga kini mao ang labing importanti nga pulong sa tanan! Ang gidili mao ang pagpasipala sa ngalan, ug dili ang hustong pagsangpit niini. Apan kon gisangpit nimo kini nga naay pagkahadlok ug pagtahod, dili kini sala, nasayod ka na ba? am-nám!

'Ayaw pasipalahi ang Ngalan ni YÁOHU UL, nga inyong Magbubuhat kay silotan gayod ni YÁOHU UL si bisan kinsa nga magpasipala sa ngalan ni YÁOHU UL.' - Deuteronomio 5:11

Giampingan pag-ayo sa mga Judio ang hustong paagi sa paglitok sa ngalan diha sa kasayuran sa mga dili Judio, aron malikayan ang pagpasipala sa ngalan. Tinuod kini, apan makasiguro nga dili kini nalimtan ug dili nawala ug klaro nga nasayod ang kadaghan niini kanila! Busa nahibaloan sa daghang mga Judio ang hustong paglitok sa Hebreo nga Tetragramma hangtod niining mga adlawa!

'Tungod niini ipahibalo Ko (YÁOHU UL) ang Akong Ngalan diha sa katawhan Ko ug mahibaloan nila ang gahom sa maong Ngalan, ug unya mahibaloan nila nga Ahnee, oo mao Ahnee, ang nagsulti kanila!' - Isaias 52:6

Aron malikayan nga basin mapasipalahan ang Ngalan, naghimo ug laing paagi ang mga relihiyoso nga pangulo sa Israel kaniadto, giilisan nila kini ug gipulihan sumala sa ilang nabatasan sama sa 'ha-shem' (ang ngalan), 'adonai' (agalon) ug lain pa. Karon, hain man ang limbong? Kay ang mga pulong nga gihisgot nga ilang gipuli, naggagikan man sa ilang katapad ug duol nga pagano nga nasod, panghisgot kini sa ilang karaang mga bakak nga makagagahom o 'lo-ulhim' (mga rebulto ug estampa)! Kinasingkasing ug matuod ang ilang tumong, apan kinasingkasing nga kasaypanan!

Ug sa tinuoray, daghan karon nga matinud-anon nga mga kalag nga nag-antos sa impiyerno, tungod kay nakulangan sa kahibalo!

'Malaglag ang katawhan Ko tungod sa kakulang sa kahibalo!' - Oseas 4:6

Sumala sa kahibalo ni YÁOHU UL, nga kini ang Iyang tinuod nga Ngalan nga pasipalahan sa daotang mga tawo, kini mao ang hinungdan ngano nga Nagsugo Siya sa kamatayon nga silot kang bisan kinsa nga magpasipala sa Iyang Ngalan:

'Kinahanglan nga patyon si bisan kinsa nga magpasipala sa Ngalan ni YÁOHU UL, angay batuon sa katilingban bisan pag langyaw siya o lumad nga Israelita. Kon pasipalahan niya ang Ngalan ni YÁOHU UL, angay siyang patyon!' - Levitico 24:16

Alang ni YÁOHU UL nga naay kahibalo bahin niini, igo na kining paagiha aron mapugngan ang matag-usa sa pagbuhat krimen o sala. Dili na kinahanglan ang paghunahuna sa laing ngalan aron ikapuli ug idugang kon unsa ang tumong ni YÁOHU UL aron dili mapasipalahan ang Iyang Balaan nga Ngalan. Pagbuot ni YÁOHU UL nga husto na o igo na kadtong mga pasidaan ug silot aron makalikay ang mga pangkasagarang tawo. Dili na kinahanglan nga dugangan pa sa tawo ang mga Sugo ni YÁOHU UL.

Ang mga pulong ni YÁOHU UL nga nahisulat maoy igo na aron pangulohan ang Iyang mga sakop nga naay katarong ug katul-iran! Dili na kinahanglan ang pag-ilis sa tawo. Busa balikan ta na ang paggamit sa Iyang orihinal nga Ngalan nga naay pagkamatinuoron, ug labaw nga pagtahod!

Kay ang tinuod nga kadtong gitawag nga 'tetragramma' nahisulat sa unom ka libo labi ka sulti (6,000) diha sa Hebreo nga Kasulatan ug nagpasabot kini nga ang Labawng Makagagahom - YÁOHU UL - ang nag-buot niini nga husto na aron makasabot ang mobasa sa Balaang Kasulatan nga kanunay naghisgot Kaniya, pinaagi sa Iyang bugtong ug usa lamang ka Ngalan, aron ilhon Siya isip Persona nga magpaila ug magpatuman sa Balaang Kasulatan o sa Molyao-Ul! Kini ang Ngalan Ko hangtod sa kahangtoran, ang Ngalan nga itawag nila kanako sa tanang kaliwatan - YÁOHU!

Sama sa regalo nga walay naghatag, wala gihapoy kapuslanan, ingon niini ang Balaang Kasulatan nga wala ang nagbuhat niini. Busa atong ibalik pag-usab ang Nagbuhat, nga mao si YÁOHU UL, ibalik nato kon asa Siya nahimutang sa Balaang Kasulatan o sa Tanakh!

Dili kinahanglan ang pagduha-duha kay Siya man ang naghatag ug kinabuhi ug gininhawa! Ang atong YÁOHU UL maoy usa ka 'RÚKHA' (o Espiritu), ug sumala pa Hebreo nga pinulongan nga ang pulong nga 'rukha' nagpasabot gihapon ug hangin.

Ug sa paglangkob ug ngalan sa mga Israelita, ug labaw nga mabasa diha sa Balaang Kasulatan ang bugtong nga Ngalan ni YÁOHU UL ug pangkasagarang sumpayan sa lain pang Hebreong pinulongan aron madayag ang paagi ni YÁOHU UL sa paghatag Niya ug kaluwasan ug panalangin sa Iyang pinili. Ania ang pipila ka mga maayong pananglitan:

Busa klaro kaayo nga YÁOHU ang husto ug kumpleto nga Ngalan sa atong UL, Makakagahom ug Magbubuhat!

Kinahanglan nga masayran ninyo ang kalainan sa 'ngalan' ug sa 'titulo.' Daghang mga titulo ang gigamit sa mga tawo kon maghisgot sila sa Magbubuhat, ug gikuha kini sa Balaang Kasulatan, ug ang uban dili gikan, ang uban nga mga titulo naggagikan sa mga pagano nga pagsimba sa mga bakak nga magbubuhat kuno. Ang ngalan, nga labaw pa sa espirituhanong natad, ug aron makasiguro kinsa ang gihisgotan.

Nan, ang ngalan mao ang panghisgot aron matino kon kinsa gihisgotan. A name is for proper identification! Ug ang titulo maoy pangsumpay o pangdugang sa kangalan o pangtahod sa ngalan kang bisan kinsa. Kon mogamit ug ngalan angay sumpayan ug dugangan sa titulo aron mopaila sa pipila ka mga ranggo o katungdanan sa usa ka tawo sumala sa ilang nahimutangan.

Pananglitan: ang ngalan mao ang: Juan dela Cruz, ang titulo mao ang: Mister, Arkitekto, Pangulo sa PTA, Gobernador, Doktor, Abogado, Mrs., Miss, Hari, Patrolman, ug uban pa. Ug ang pangkasagarang titulo mao ang: Pangulo, Senador, Mayor, Magbabalaod, Congressman, Barangay Chairman, ug uban pa.

Mao nga usa lamang ang ngalan, apan daghan ang titulo niini. Ang tumong sa ngalan aron mailhan, apan ang titulo maoy pangpaanyag o pahiyas.

Sama gihapon niana ang atong tinuod nga Magbubuhat, naay usa ka Ngalan: 'YÁOHU' - apan daghan ang mga titulo: Ang Labawng Makagagahom, ang Balaan sa Israel, ang Magbubuhat, ug uban pa.

Ug bisan pa diha sa Iyang Anak, usa lamang ang Ngalan: 'YAOHÚSHUA'! Ug ang mga titulo mao ang: Molkhiúl (Hari), Nuzrothiy (ang Sanga, ang Binhi), hol-MEHUSHKHÁY (ang Dinihogan ug Lana) mao gihapon ang Prinsipe sa Kalinaw, ang Pan sa Kinabuhi, Manluluwas, Manunubos, ug uban pa.

Sumala sa Balaang Kasulatan nga nagpahinumdom nga atong daygon, simbahon, iisa, himayaon, ug panalanginan ang Iyang Ngalan! Maayo man nga iapil ang bisan unsa nga titulo, apan kinahanglan nga kanunay nga iapil ang 'Ngalan' aron mailhan ang gihisgotan! Ug ang mga titulo maoy pangsumpay lamang aron labaw pang madayag ang talahuron nga katungdanan ni bisan kinsa nga gihisgotan!

Daghan ang ginganlan ug 'YAOHÚSHUA' diha sa Balaang Kasulatan, apan kinsa man ang imong gihisgotan? Kinsa man nga 'YAOHÚSHUA'?

Ang Messias ba o kadtong kaabag ni Moises? Mao gani nga gigamit nato ang titulo nga 'Molkhiúl,' 'Nuzrothiy' ug ang 'hol-MEHUSHKHÁY' isip pangtukma: ug aron makasiguro kon kinsa ang atong gihisgotan. Klaro kaayo? am-nám!

Nahigayon ba lamang nga nganlan gihapon ug 'YAOHÚSHUA' ang kapuli ni Mehushúa sama sa mabasa diha sa Balaang Kasulatan? Ug kining ngalana ba diay ang gihatag aron kapuli sa karaan Niyang ngalan nga 'HOSEA?' Ug timaan ba kini aron mailhan ang gisaad nga 'PROPETA' nga sugoon ni YÁOHU UL pagkahuman ni Mehushúa (Moises)? YAOHÚSHUA! Basaha dayon sa Deuteronomio 18:15-19.

'Si YÁOHU UL nga inyong Magbubuhat magpadala ug propeta sama kanako gikan sa inyong taliwala, ug kinahanglan nga motahod kamo Kaniya. Gihatag Siya ni YÁOHU UL kaninyo ingon nga tubag sa inyong hangyo sa dihang nagtigom kamo didto sa Bukid sa Sinai ug miingon kamo, 'ayaw na kami pabatia sa tingog ni YÁOHU UL nga among Magbubuhat, ni pakitaa sa makalilisang kalayo, aron dili kami mangamatay.''

'Niadtong higayona giingnan ahnee ni YÁOHU UL nga husto ang inyong giingon, busa miingon Siya 'magpili Aheeg propeta nga ila rang kadugo sama kanimo, Mehushúa (Moises). Ihatag Ko Kaniya ang mensahe Ko ug isulti Niya bisan unsa nga isugo Ko Kaniya. Kinsa kadtong dili mamati sa mensahe nga ipasangyaw Ko Kaniya, silotan Ko gayod.'

Buta lamang ang dili makakita niining maong kamatuoran ni ang nagbuta-buta!

'YÁOHU'

-

Magbubuhat, Makagagahom, Amahan, Halangdon, ang Balaan, ug Magbalantay sa Israel, ug uban pa.

'YAOHÚSHUA'

-

Messias, Magtutudlo, Manunubos, Manluluwas Hari sa mga hari, ang Sanga, Nazaretnon, ug uban pa.

'RÚKHA-YÁOHU'

-

Manglilipay, ang Espiritu sa kamatuoran, Maluluy-on nga Espiritu. ug uban pa.

Tagda nga naay usa lamang ka pangkasagarang ngalan sa Tulo ka Persona sa atong Magbubuhat o 'Creator Head.'

'Bunyagi sila sa Ngalan (dili nag-ingon nga sa 'mga ngalan') sa Amahan, sa Anak, ug sa Espiritu Santo.' - Man-YÁOHU o Mateo 28:19

'Balaang Amahan, bantayi sila diha sa gahom sa Imong Ngalan - ang Ngalan nga imong gihatag Kanako, aron sila mausa ingon nga Ikaw ug Ahnee usa lamang! Samtang Ahnee uban pa kanila gibantayan Ko sila pinaagi sa gahom sa Imong Ngalan, ang NGALAN nga imong gihatag Kanako.' - Juan 17:11-12

Pamalandunga ug timan-i ninyo pag-ayo kini: ingon nga Ikaw ug Ahnee usa lamang, 'Ikaw ug Ahnee' apan usa lamang! Tulo ka persona nga hingpit ang panaghiusa! Mao lagi nga ang atong Magbubuhat naay usa lamang ka Ngalan. Usbon pag-usab, usa ka ngalan lamang, apan daghan ang titulo. Ug karon nakahibalo na kamo kon unsay kalainan sa titulo ug sa ngalan! Pagkadako gayod nga tabang niini kaninyo!

Timan-i gayod ninyo pag-ayo: daygon, simbahon ang Iyang Balaan nga Ngalan, ug dili mga titulo lamang. Ang Ngalan mao ang pang-ila!

Ania ang pipila ka mga pananglitan sa mga Hebreohanong pinulongan nga kanunay natong magamit, labi na diha sa mga nakahibalo sa Balaang Kasulatan, kini mao ang: 'pantalon,' 'alibangbang,' 'pikas,' 'sabon,' 'amen,' 'Bethlehem,' 'Malchizedeq,' 'Zion,' 'Solomon,' 'Abruhám,' 'Lemuel,' 'Israel,' 'Jacob,' 'hali ngari,' 'molakaw,' ug bisan gani ang pulong nga 'Messias' ug 'Immanuel, ug kining tanan mga pulong nga Hebreo.

Tanan nga pulong sa tawo nga gisangpit karon, nagagikan man sa pinulonga Hebreo, tungod kay kini man ang gigikanan sa tanang pinulongan.

Ang Hebreo mao ang labing una nga pinulongan, ang pulong nga gihatag ni YÁOHU UL sa kalibotan. Nausab na lamang kini niadtong human tunglohon ang mga tawo ug nagkatibulaag sa tibuok kalibotan, niadtong gisilotan ang atong mga katigulangan didto sa Babylon, kay nagtukod man sila ug Tore ni Babel.

Ang atong karaan nga mga katigulangan, nagsulti gihapon ug Hebreo, sama ni 'Noe' nga nagsulti ug Hebreo, mao gihapon ang Messias nga naggikan sa kaliwat sa mga Hebreo, mao gihapon ang mga apostoles ug mga propeta. Dili nimo mawalay sapayan ang Hebreo ug masabtan ang Balaang Kasulatan sa tin-aw nga kahulogan! Makatagbo nimo kini sa usa ka paagi o sa laing paagi. Ug nagpamatuod usab kini nga ang kadaghanan sa mga basahon sa Bag-ong Kasabotan maoy sinulat sa orihinal nga Hebreo.

Tinuod gayod kay ang nagsulat niini mga Hebreo man ug kon susihon ang paagi sa pagsaysay sa mga nahisulat dinhi, makaplagan gayod nga Hebreo ang marka sa orihinal nga gigikanan niini. Ang Ngalan ni atong Magbubuhat naa sa Hebreo, ang Ngalan ni atong Manluluwas naa sa Hebreo, halos tanan sa Balaang Kasulatan nasulat sa Hebreo.

Busa bililhon kaayo kini alang sa pagkabalaan ug paghulma sa atong espirituhanong pagtubo, sa atong bag-ong pagkinabuhi kauban ni Molkhiúl YAOHÚSHUA hol-MEHUSHKHÁY! Apan dili kondisyon ang pagtuon ug Hebreo aron makadawat ka ug bag-ong pagkinabuhi gikan ni YÁOHU UL. Kinahanglan nga maipakatawo ka pag-usab sa espirituhanong paagi, ug pagkahuman niini, magsugod ka na sa paglakaw ngadto sa kalibotan sa mga Hebreo nga tawo ug sinultihan diha sa imong pagpadayon sa pagtuki sa mga nahisulat sa Balaang Kasulatan.

Ug alang sa mga karaan nga midawat sa Malyao-Ul o Pulong sa YÁOHU UL, nga ang pagtuon sa Hebreo maoy kabahin na sa espirituhanong pagtubo diha sa panimalay Niya, samtang gipaputli kamo gikan sa himaya ngadto sa kahimayaan, hangtod nga mahimo kamo nga kapareho sa Iyang gihigugma nga Anak - si Molkhiúl YAOHÚSHUA hol-MEHUSHKHÁY, nga Siya mao ang nagsulti ug Hebreo niadtong ania siya dinhi sa kalibotan! Ug hangtod karon!

Apan kinahanglan una nga magtuo ka sa Iyang Ngalan, aron makadawat ka ug kaluwasan, ug ang Iyang ngalan naa sa pinulongang Hebreo!

'Maluwas si bisan kinsa nga motawag sa Ngalan ni YÁOHU UL.' - Joel 2:32

'Ang kaluwasan makaplagan lamang diha kang Molkhiúl YAOHÚSHUA kay wala nay laing ngalan sa tibuok kalibotan nga gihatag ni YÁOHU UL ngadto sa katawhan nga makaluwas kanato.' - Mga Buhat 4:12

'Hinuon, may midawat ug mituo sa Iyang NGALAN; busa sila gihatagan Niya sa katungod nga mahimong anak ni YÁOHU UL.' - Juan 1:12

'Usbon Ko (YÁOHU UL) ang sulti sa mga tawo nga nagbalik Kanako, sa putli nga Hebreo aron silang tanan maghiusa sa pagsimba ni YÁOHU UL.' - Sofonias 3:9

Ug tungod kay mao man kini ang nahisulat, busa kini mao ang angay mahitabo!

O, Molkhiúl YAOHÚSHUA, tugoti kami nga maingon Nimo sa tataw!

Tabangi kami nga makasulti sa Inyong pulong ug tuguti nga maanad unta kami sa mga butang mahitungod sa Judio, aron matagad Ko pag-ayo ang punoan sa olibo nga gisumpay ahnee ug mahimong tinuod nga sanga!

'Usbon Ko ang sulti sa mga tawo nga nagbalik sa Ahnee magsulti sila ug putli nga Hebreo!' Sulti ni YÁOHU UL, Ang Balaan sa Israel - Sofonias 3:9.

Bisag unsa pa nga angga o etiketa ang itawag nila kanimo dili na kini importante. Ang importante mao ang kon kinsa ang imong manluluwas ug manunubos, kang kinsa nakasalig ang imong kaugalingong kinabuhi dinhi sa yuta ug sa bag-ong kinabuhi, kon kinsa ang tinuod nimo nga gidayeg ug gisimba; kini mao ang labing importanting butang diha sa imong kinabuhi!

'Ug kini mao ang kinabuhing dayon: nga ang mga tawo moila Kanimo YÁOHU UL, ang bugtong matuod nga Magbubuhat, ug kang Molkhiúl YAOHÚSHUA nga imong gipadala.' - Juan 17:3

'Gisulti Ko kini kaninyo aron dili kamo maluya sa inyong pagtuo. Hinginlan kamo nila gikan sa ilang mga sinagoga, ug moabot ang panahon nga ang magpatay kaninyo magtuo nga nagbuhat siya sa kabubut-on ni YÁOHU UL. Kini ilang buhaton kaninyo kay wala man sila makaila sa Amahan ni makaila Kanako. Apan gisultihan Ko kamo niini aron nga inigbuhat nila niini, inyong hinumdoman ang gisulti Ko kaninyo.' - Juan 16:1-4

Ang kinabuhi dinhi sa kalibotan nahisama sa pagpakig-uyon alang sa pagpakigbaylo o 'barter.' Kon ihatag nimo ang imong panahon sa pag-eskuwela, makakuha sa titulo o diploma. Kon ihatag nimo ang imong katakos sa pagpangalagad sa imong agalon, makadawat ug suhol o suweldo, ug ihatag nimo ang imong suweldo aron madawat nimo ang imong panginahanglan sa matag adlaw, ug uban pa.

Sama gihapon niini nga kon buot ka nga makabaton sa kinabuhing walay kataposan, o kinabuhi sa langit, kinahanglan nga ihatag nimo ang bisag unsa nga kapuli, pananglitan nga ibutang nato nga, ihatag nimo ang imong mga butang dinhi sa yuta o ihatag nimo ang imong kinabuhi. Angay nimong ihatag kon unsa ang buot nimong madawat. Kon buot nimo nga mag-ani, kinahanglan nga magpugas ka una.

Kini mao ang pangkinatibuk-ang patakaran o pasikaran sa YÁOHU UL nga gibuhat bisan asa nga dapit. Busa kon buot ka nga moapil sa lawas sa mga magtutuo nga giisip sa Makagagahom nga Iyaha, ug buot ka nga makighiusa ni Molkhiúl YAOHÚSHUA hol-MEHUSHKHÁY, kinahanglan nga imong isurender o ihatag ang daghang butang diha sa imong kinabuhi!

'Ug kadtong mag-amping sa iyang kinabuhi, kawad-an hinuon niini; apan ang kawad-an sa iyang kinabuhi tungod Kanako, makabaton niini.' Sulti ni Molkhiúl YAOHÚSHUA sa Man-YÁOHU o Mateo 10:39

'Sa samang pagkaagi, walay si bisan kinsa kaninyo nga mahimong tinun-an Ko gawas kon iyang biyaan ang tanan niyang katigayonan.' Sulti ni Molkhiúl YAOHÚSHUA sa Lucas 14:33

'Apan kadtong tanan nga kaniadto giisip ko nga bililhon, karon giisip ko na nga walay bili tungod kang Molkhiúl YAOHÚSHUA. Ug dili kay kana ra kondili giisip ko na ang yaohod (tanan) walay bili tungod sa kahibalo bahin ni Molkhiúl YAOHÚSHUA nga akong Manunubos nga labaw pa kaayo ka bililhon.

'Tungod Kaniya gisalikway ko ang yaohod (tanan) ug giisip kong basura lamang aron maangkon ko si Molkhiúl YAOHÚSHUA ug mahiusa Kaniya sa hingpit. Wala na ahnee magbaton sa pagkamatarong nga gipasikad sa pagtuman sa balaod, kondili sa pagkamatarong nga nadawat ko pinaagi sa pagtuo kang Molkhiúl YAOHÚSHUA - pagkamatarong nga gikan ni YÁOHU UL ug gipasukad sa pagtuo.

'Ang tinguha ko lamang mao nga maila ko si Molkhiúl YAOHÚSHUA ug masinati ko ang gahom sa Iyang pagkabanhaw, ingon man nga makaambit ahnee sa Iyang mga pag-antos ug nga mamatay ahnee sama sa Iyang pagkamatay, uban sa paglaom nga ahnee banhawon.' - Filipos 3:7-11

Unsa man karon ang madawat sa usa ka tawo human niya ibaylo ang tanan nga iyaha sa iyang kinabuhi?

'Busa dili angay nga ipasigarbo ang mga butang nga mahimo sa tawo. Sa pagkatinuod, kamo ang tag-iya sa tanang butang, ingon man kining kalibotana, ug ang kinabuhi ug ang kamatayon, ang karon ug ang umaabot, inyo kining tanan, ug kamo Iya ni Molkhiúl YAOHÚSHUA, ug si Molkhiúl YAOHÚSHUA Iya ni YÁOHU UL.' - 1 Corinto 3:21-23

'Tinuod kana, ug sultihan Ko kamo nga ang mobiya sa iyang panimalay o sa mga igsoon, o sa inahan, o sa mga anak, o sa mga uma tungod Kanako ug tungod sa Maayong Balita, makadawat ug labi pang daghan niining kinabuhi. Makadawat siyag ginatos ka mga balay, mga igsoon, mga inahan, mga anak, ug mga uma - bisan tuod ug lutoson siya; ug sa umaabot nga kalibotan makadawat siya sa kinabuhing dayon.' Sulti ni Molkhiúl YAOHÚSHUA sa Marcos 10:29-30 Maayo ba nga 'barter' o pagpakigbaylo kini? Dalaygon gayod! Klaro nga makig-baylo kamo! Gipangayo ni Molkhiúl YAOHÚSHUA ang TANAN diha KANIMO kay gihatag Niya ang tanan aron luwason ka! Ug tataw nga buhaton Niya pag-usab ang Iyang pag-antos alang kanimo, bisan gani ikaw ra ang tawo sa kalibotan aron luwason. Ingon niini ang paghigugma Niya kanimo!

Gihigugma ka ni YÁOHU UL! Tungod kay bililhon ka atubangan sa Amahan, YÁOHU UL! Kay ang atong YÁOHU UL mao ang gugma! Timan-i ninyo: Life is just an exchange!

'Busa pamati karon, YAOHÚSHUA, ang Pangulong Pari, Ikaw ug ang imong mga higala nga naglingkod sa atubangan Nimo, kay mga tawo man sila nga adunay maayong tilimad-on; timan-i nga paanhion Ko ang Sulugoon Ko (YAOHÚSHUA) nga ginganlag Ang Sanga, (Nazaretnon).' Sulti ni YÁOHU UL sa Zacarias 3:8

'Natumba siya ug nadungog niya ang tingog nga nag-ingon, 'Shaúl, Shaúl! Nganong gilutos mo man Ahnee' Kinsa ka ba, Sir? nangutanan siya. Ang tingog miingon, 'Ahnee si YAOHÚSHUA nga imong gilutos.' - Mga Buhat 9:4

'Nasayod kamo mahitungod kang Molkhiúl YAOHÚSHUA nga Nazaretnon nga gibuboan ni YÁOHU UL sa gahom sa 'RÚKHA-YÁOHU.' Miadto Siya sa tanang dapit ug giayo niya ang tanang gialihan sa diablo, kay si YÁOHU UL diha man Kaniya.' - Mga Buhat 10:38

Kay sa pagkatinuod, ang tinuod nga ngalan ni Mehushúa (Moises) mao ang: 'Mehushúa' busa tukma gayod ang yaohod (tanan)! Kay nag-ingon si YÁOHU UL nga ipadala Niya ang propeta sama ni Moises. Siya ang angay paminawon ug sundon, walay lain kondili si Molkhiúl (Hari) YAOHÚSHUA Nuzrothiy hol-MEHUSHKHÁY nga mao ang gisaad nga Messias, Propeta, Manluluwas, Hari, Maghuhukom sa yaohod (tanan)!

Karon nga nagtuo na kamo sa Iyang Ngalan ug gidawat ang tinuod nga Messias lakip ang mga kamatuoran nga gikan Kaniya, busa angay litukon, isulti, ug usbon ko pag-usab, nga kinahanglan nga inyong litukon sa kinasingkasing gayod kini mosunod nga pangaliya aron kamo makadawat karon sa 'RÚKHA-YAOHÚSHUA' o Espiritu ni Molkhiúl YAOHÚSHUA hol-MEHUSHKHÁY, diha sa inyong kasingkasing kon dili pa ninyo kini nabuhat kaniadto. Busa buhata kini karon dayon ug ayaw na saylo-i. Litukon ang mosunod nga pag-ampo:

Gawasnon na kamo karon, baskog, mauswagon, pinasaylo na, gipanalanginan, ug gipuy-an na sa 'RÚKHA-YAOHÚSHUA' diha sa inyong kasingkasing!

Daygon nato ug pasalamatan si YÁOHU UL, Ang Labing Halangdon sa yaohod (tanan)!

Ug sa inyong bag-ong kinabuhi, magsugod na sa pagtuman sa duha ka labing importanting sugo ni YÁOHU ABÚ (Amahan):

'Higugmaa si YÁOHU UL sa tibuok nimong kasingkasing, tibuok kalag, tibuok kusog, ug tibuok hunahuna!' Ug 'higugmaa ang imong isigkatawo sama sa imong paghigugma sa imong kaugalingon!'

Tungod kay kamo mga bag-ong magtutuo ni Molkhiúl YAOHÚSHUA hol-MEHUSHKHÁY, kinahanglan nga magpabunyag kamo sa tubig isip pagtuman sa Iyang sugo (Buhat 2:38). Makigsulti lang kamo kanamo bahin niini ug sa lain pang buluhaton nga imong tambungan sa lawas ni Molkhiúl YAOHÚSHUA hol-MEHUSHKHÁY.

Nagtuo kami nga ang 'RÚKHA-YAOHÚSHUA' mao ang naghatag karon sa matag usa kaninyo sa kahayag, kahibalo, kaalam, salabotan, pagpadayag, kamatuoran, pagsalig, pagpaubos, ug Siya usab ang magdala kaninyo sa hingpit nga kamatuoran, ang magtudlo kaninyo, mag-uban ug magpahinumdom kaninyo sa mga pulong ni Molkhiúl YAOHÚSHUA hol-MEHUSHKHÁY, apil na ang buluhaton sa 'RÚKHA-YAOHÚSHUA' aron pailhon kamo sa sala, katarong ug paghukom, karon ug kanunay sumala sa naghingapin Niyang gugma, kaluoy, gracia, gasa, panalangin gikan ni YÁOHU UL kaninyong yaohod (tanan), pinaagi sa Ngalan ni Molkhiúl YAOHÚSHUA hol-MEHUSHKHÁY, am-nám!

Timan-i: dili relihiyon ang namatay alang sa inyong kaluwasan, dili usab relihiyon ang Manluluwas, kondili mao lamang ang bugtong Walay Kataposang Manunubos: YAOHÚSHUA hol-MEHUSHKHÁY!

Wala namo ipasigarbo ang among kaugalingon ni ang among pundok, kondili ang among gipaila kaninyo mao ang mga PERSONA ni YÁOHU UL, Molkhiúl YAOHÚSHUA, ug ang 'RÚKHA-YAOHÚSHUA' - ang Tulo ka Persona sa usa lamang ka Ulo nga Magbubuhat!

Mga walay pulos lamang kami nga mga ulipon sa ni Molkhiúl YAOHÚSHUA, nga Siya mao ang nagtubos kanamo, ug gibuhat lang namo ang angay namong buhaton isip pag-alagad ug gugma diha Kaniya. Mga makasasala gihapon kami nga nakaila, misalig ug midawat sa Molkhiúl YAOHÚSHUA hol-MEHUSHKHÁY!

Daghan ang nagtuo, apan ang labing importanti mao ang pagdawat Kaniya diha sa kasingkasing ug magpailalom sa Iyang mga sugo, isip Iyang mga tinun-an o nagtuon.

Ang mga hinagiban nga gigamit nato sa atong pagpakig-away dili mga hinagiban sa kalibotan, kondili ang gamhanang mga hinagiban ni YÁOHU UL GABÓR, nga molumpag sa mga kota. Gilumpag nato ang sayop nga mga pangatarongan; gipukan nato ang tanang mapagarabohong balabag nga gipatindog batok sa kahibalo ni YÁOHU UL KAOKÁM; gibuntog nato ang tanang hunahuna ug gihimo kini nga masinulondon kang Molkhiúl YAOHÚSHUA hol-MEHUSHKHÁY!

Ug nalamposan na nato karon si ha-satan, pinaagi sa 'DAM' o dugo, ug sa mga pulong, ug tungod kay atong gibuntog ang diablo, namahawa na siya gikan sa yaohod nga mga Yaohúshuahim ug labaw pa kita sa mga malampuson!

Daghang pagapasalamat ug pagdayeg ni YÁOHU UL GAVÓHA (Labing Habog) kay Siya mao ang misiguro nga kanunay kita nga malamposon kauban ni Molkhiúl YAOHÚSHUA. Ug wala nato tugoti nga kawaton pa sa unsa man nga daotan ang mga pulong ni YÁOHU UL, nga natanom na karon ug kanunay sa inyong hunahuna ug kasingkasing! Unsa man ang dili nato tugotan dinhi sa yuta dili usab tugotan sa langit.

Hinumdumi ang pagtambong sa matag tigom ug mga buluhaton sa Oholyao ug ipahibalo kini kaninyo kon kanus-a kini buhata. Magsugod na kamo sa pagbasa sa Balaang Kasulatan ug sa pag-ampo adlaw-adlaw aron magpasalamat, maghatag ug pagdayeg, mangumpisal ni YÁOHU ABÚ, bahin sa mga sala nga nahimo sa matag-adlaw.

Ug bililhon usab ang pagpangayo ug itugyan ni YÁOHU ABUHÚL ang tanan nga inyong mga kakulian ug suliran sa kinabuhi ug ipasolbad kini sa paagi ni YÁOHU UL. Ug unaha ninyo ang Gingharian ni YÁOHU ABUHÚL ug ang tanang butang idugang Niya kaninyo - Man-YÁOHU o Mateo 6:33.

Ug gitugyan namo kamo karon diha sa tataw nga pag-alima ni YÁOHU ABÚ, alang sa inyong pagtubo sa espiritu sa Iyang Gingharian hangtod nga makaingon ninyo ang batasan ni Molkhiúl YAOHÚSHUA hol-MEHUSHKHÁY, hangtod sa Iya unyang naduol nga pagbalik!

Kay nahisulat nga unsa man ang among talian dinhi sa yuta, talian usab didto sa langit; unsa man ang among buhian dinhi sa yuta; pagabuhian usab didto sa langit. Busa, amo kamong gitalian karon sa pagtuman, pagluhod, ug sa hingpit nga pagtuman ug pagpasakop kang Molkhiúl YAOHÚSHUA hol-MEHUSHKHÁY, hangtod sa kahangtoran!

Ug gibuhian usab namo kamo karon gikan sa tanang matang sa pagpanglimbong, pagsimba sa mga lo-ulhim (mga rebulto ug mga estampa) ug gikan sa yaohod nga matang pagpangbihag, sa bakak, ug mga buhat ni satanas ug sa iyang mga daotang espiritu, pinaagi sa 'DAM' o dugo ni Molkhiúl YAOHÚSHUA hol-MEHUSHKHÁY, ug sa Iyang mga anghel ug sa Iyang Ngalan nga - YAOHÚSHUA!

You are free, you are delivered, you are whole, and you are blessed now and forever!

Kon duna kamo o si bisan kinsa sa inyong palibot nga mga panginahanglang espirituhanon ug materyal o kon inyong kinahanglan ang walay bayad nga babasahonon, labi na ang Balaang Kasulatan, sa binisaya kon Hebreo, isulti lang kini kanamo pinaagi sa mga nag-atiman kaninyo sa Oholyao. Ipadala lang kanamo ang ilang mga kumpletong address ug padalhan namo sila sa walay bayad nga mga babasahonon nga maghatag ug kalipay, kaluwasan, ug seguridad!

Ania pa ang lain pang babasahonon nga walay bayad nga mahimo ninyong pangayoon kanamo:

Tinuod, tataw ug walay pagduha-duha nga si Molkhiúl YAOHÚSHUA lamang ang makapagpagawas kaninyo gikan sa tanang pagkabakakon, pagpanglimbong, pagpangbihag, mga tunglo, ug mga katalagman nga gikan sa kang satanas.

Si Molkhiúl YAOHÚSHUA mao ang Kahayag sa Kinabuhi!

Paga-alimahan ka ni Molkhiúl YAOHÚSHUA sa mga patik sa mananap. Mianhi si Molkhiúl YAOHÚSHUA aron maghatag sa kinabuhi ug labaw pa sa mauswagong kinabuhi! Nakig-hiusa ka na karon dili alang sa bag-ong relihiyon kondili diha sa Persona ni Molkhiúl YAOHÚSHUA hol-MEHUSHKHÁY, nga Siya mao ang hingpit nga magpagawas kaninyo gikan sa gingharian sa kangit-ngit ug nagdala kaninyo sa Gingharian sa Kahayag!

Si Molkhiúl YAOHÚSHUA hol-MEHUSHKHÁY ang inyong Manluluwas, Manunubos, Taming, Maghahatag, ug Pangulong Magbalantay sa inyong kalag karon. Ug amo kamong gitugyan sa gahom ug mahigugmaong YÁOHU UL, hangtod sa kahangtoran!

Nagsulti si Molkhiúl YAOHÚSHUA:

'Ayaw kamo paghuna-huna nga mianhi Ahnee aron pagdalag kalinaw sa kalibotan; dili kalinaw ang gidala Ko, kondili espada. Mianhi Ahnee aron magkabangi ang mga anak nga lalaki ug ang ilang amahan, ang mga anak nga babaye ug ang ilang inahan, ug ang mga umagad nga babaye ug ang ilang ugangan nga babaye; ang labing mangil-ad nga kaaway sa tawo mao ra unya ang mga sakop sa iyang kaugalingong panimalay.

Ang nagmahal sa iyang amahan o sa iyang inahan labaw Kanako, dili angay kanako; ug kadtong nagmahal sa iyang anak labaw Kanako, dili angay Kanako. Ang dili mopas-an sa iyang yugo ug mosunod Kanako, dili angay Kanako. Ug kadtong nag-amping sa iyang kinabuhi, kawad-an hinuon niini; apan ang kawad-an sa iyang kinabuhi tungod Kanako, makabaton niini!' - Man-YÁOHU o Mateo 10:34-39

Sulat lang kamo o tawag sa telepono, bisag unsa nga inyong gikinahanglan, ania kami aron tabangan kamo, isip among pagpangalagad kang Molkhiúl YAOHÚSHUA nga atong Manunubos ug Taming. Ayaw kamo kaulaw. Abli ang among kasingkasing ug kamot alang sa pagtabang kaninyo, isip mga ulipon ni Molkhiúl YAOHÚSHUA hol-MEHUSHKHÁY sa Iyang lawas, nga mao ang Oholyao Molkhiúl YAOHÚSHUA hol-MEHUSHKHÁY.

Ipabasa gihapon kining basahon diha sa inyong palibot, ug bisan asa pa, ug magpakopya niini aron ipanghatag sa uban. Dili diploma ang inyong maipanunod sa inyong mga anak, kondili ang maipaila kanila ang bugtong tinuod ug orihinal nga Magbubuhat, nga mao si YÁOHU UL ug ang bugtong tinuod ug orihinal nga Messias nga mao ang: YAOHÚSHUA hol-MEHUSHKHÁY!

Labaw pa gayod Sila kaysa diploma, o bahandi, ug sa tibuok kalibotan! Nahisulat: si YÁOHU UL mao ang naghatag ug gahom aron magmauswagon sa kinabuhi sa malinis o hinlo ug matarong nga paagi! Si YÁOHU UL mao ang klaro nga kasaligan sa kinabuhi, dili ang kuwarta, mga butang, ni ang diploma.

Timan-i: Walay laing ngalan ang gihatag ilalom sa langit aron maluwas ang katawhan, gawas lamang sa bugtong ngalan nga: Y A O H Ú S H U A!

Walay laing ngalan....

Panalanginan unta kamo ni YÁOHU UL kanunay;

Magpabilin unta ang pana-aw ni YÁOHU UL diha kaninyo aron kamo alimahan kanunay;

Hatagan unta kamo kanunay ni YÁOHU UL ug kalinaw, gracia, kaayohan, kabaskog ug walay kataposang kalipay, ug gugmang walay paglubad;

Haolul-YÁOHU UL Shua-oléym, UL Gavóha, UL Khanyao-am!

OL SHÚAM YAOHÚSHUA hol-MEHUSHKHÁY, am-nám!

Olkém shua-oléym...!

Maghiusa kita alang sa paghimaya ni YÁOHU UL, iisa nato ang Iyang Ngalan!

O YÁOHU, YÁOHU pagkahalangdon gayod sa Imong Ngalan ni tibuok kalibotan!

OL SHÚAM YAOHÚSHUA hol-MEHUSHKHÁY, am-nám!
(Sa Ngalan ni YAOHÚSHUA hol-MEHUSHKHÁY, mao gayod...)

Contact now!

Home WWW URL:

http://www.YAOHUSHUA.org/index.html

E-mail Address:

Cohanul@YAOHUSHUA.ORG.IL

WWW Mirror Sites:

http://www.yahushua.org/index.html
http://www.yawhushua.org/index.html
http://Ohol-Yaohúshua.Org/index.html
http://www.lava.net/ohol_yaohushua/index.html

Yaohod kining mga walay-bayad nga mga babasohonong YAOHÚSHUA makit-an ug makuha usab gikan sa mga sumusunod nga lugar sa Internet:

Microsoft Network (MSN) - Religious Resources Library
America Online (AOL) - Religion & Ethics Forum - Interfaith Library

Post Mailing Address:

Palihog hinumdomi kanunay!

'Ang kaluwasan makapalagan lamang diha kang Molkhiúl YAOHÚSHUA, kay wala nay laing ngalan sa tibuok kalibotan nga gihatag ni YÁOHU UL ngadto sa katawhan nga makaluwas kanato!' - Mga Buhat 4:12, Balaang Kasulatan

'Ug kini ang paagi aron makadawat sang kinabuhing dayon: ang ilang pagpakaila Kanimo, YÁOHU UL, nga mao ang Bugtong tinuod nga Magbubuhat, ug kang YAOHÚSHUA, ang Messias nga Imong gipadala!' - Yaokhanam (Juan) 17:3 Balaang Kasulatan

'Kay unya ulian Ko (YÁOHU UL) ang katawohan sa ulay nga pinulongang Hebreo, aron silang tanan magtawag sa Shúam (Ngalan) ni YÁOHU Ulhím, sa pagsimba Kaniya uban ang ulosahon nga pag-uyon.' - Zafna-YÁOHU (Sofonias) 3:9 Balaang Kasulatan

'Busa mangluhod ang yaohod nga binuhat nga atua sa langit, sa yuta, ug sa ilalom sa yuta; sa pagpasidungog sa Ngalan ni Molkhiúl YAOHÚSHUA hol-MEHUSHKHÁY, ug ang yaohod (tanan) magsangyaw nga si Molkhiúl YAOHÚSHUA hol-MEHUSHKHÁY mao ang Manluluwas, alang sa himaya ni YÁOHU UL nga Amahan!' - Filipos 2:10, Balaang Kasulatan

'Maghiusa unta sila, sama Nato nga Usa ra...'

YAOHÚSHUA - ang bugtong paglaom sa tibuok kalibotan!

Balik kita sa YAOHÚSHUA Home Page karon....