|
'Si YAOHUSHUA sa Walay-Kataposang Trayun....'
'BUHATON NATO ANG TAWO SUMALA SA DAGWAY NATO....' Pila ka Persona nga duna ang atong Pangulong Magbubuhat? Tinuod ba ug husto ang doktrina o pagtulon-an bahin sa Tulo ka Persona, o pagtulon-an ba lamang kini nga binuhat sa mga relihiyosong tawo? Unsa man ang kapuslanan niini kon motuo ahnee o dili niining maong pagtulon-ana, unsa man ang mahimong sangpotanan niini sa akong kinaugalingong kaluwasan ug kahimtang sa umaabot nga bag-ong kinabuhi nga walay kataposan? Tawo ba lamang si Molkhiúl YAOHÚSHUA nga giisip nga Messias, o Makagagahom ba gihapon Siya nga walay sinugdan ug walay kataposan? Kon si Molkhiúl YAOHÚSHUA mao ang tinuod nga Makagagahom nga walay kataposan, apan mituo ahnee nga tawo lamang Siya, unsa man ang kalabotan niini sa akong kaugalingong kaluwasan? Kini mao ang pangkasagarang ipangutana sa kadaghanan mahitungod sa atong Pangulong-Magbubuhat, busa atong susihon karon kon unsa ba ang tinuod nga gisulti sa Balaang Kasulatan isip mga tubag sa maong mga pangutana. Kinahanglan nga naa kamoy abli nga panghunahuna ug pagsabot ug ipadaplin una ang mga daang tinuohan mahitungod sa kahimtang sa atong Pangulong Magbubuhat, ug pasagdi sa makadiyot nga ang Pulong sa Magbubuhat nga mao si YÁOHU UL pinaagi sa paglihok sa 'RÚKHA-YAOHÚSHUA' (Balaang Espiritu) ang magdala kaninyo sa hingpit nga kamatuoran, pinaagi ni Molkhiúl YAOHÚSHUA, nga Siya mao ang tinuod nga Dalan, ang Kamatuoran, ug ang Kinabuhi... Ang pagpadayag ni YÁOHU UL sa kalibotan sa paagi nga gitawag nga 'progressive' nga sa ato pa, hinay-hinay, lakang sa lakang, gikan sa himaya ngadto sa kahimayaan, hangtod nga mahitabo ang pagkaputli ug hingpit. Ug ang maayong pananglitan niini mao ang pagpadayag sa Messias o sa Manluluwas sa kalibotan sa tukmang panahon ug gitagna na daan ang Iyang pag-abot. Ang pag-abot ug timailhan ni Gaúl YAOHÚSHUA, nga nasiguro lamang niadtong miabot na Siya ug nadayag Siya niadtong miabot na Siya sa kalibotan, ug bisag linibo ka tuig ang milabay human ipahibalo nga moabot gayod Siya sumala sa nahisulat sa Balaang Kasulatan. Wala kini magpasabot nga dili angay tuohan ang Messias kay linibo ka tuig una ang milabay human ipadayag ang pag-abot Niya. Mosangpot kini sa kasaypanan ug mahimong bakak alang sa mga wala motuo ug mahimong sayop nga pangataronga. Ug ang usa pa ka maayong pananglitan mao ang paghatag kang Moises sa Napulo ka Sugo. Ug dili kini nagpasabot nga dili na kini angay tuohan kay linibo na katuig ang milabay una pa madayag paggikan kang Noah. Usab, mahimo kini nga balikog nga panghuna-huna ug mahimong sayop nga pangatarongan. Ug mao gihapong paagiha kon ang hisgotan mao ang mahitungod sa Tulo ka Persona, ug dili kini nagpasabot nga dili angay tuohan ang Messias human Siya mag-alagad dinhi sa kalibotan nga halos tulo kagatos ka tuig na ang milabay human Siya ipadayag sa katawhan ug dili kini nagpasabot nga dili na angay tuohan ug dili tinuod ang Messias. Kay daghan man god kaayo nga nagsulti nga dili angay tuohan ang tulo ka persona tungod kay nahimo lamang kini sa una nga gidawat sa mga katigulangan nga ginatos ka tuig na ang milabay human mag-alagad si Molkhiúl YAOHÚSHUA dinhi sa yuta. Klaro kaayo nga mahimo kini nga sayop nga pangatarongan kay sumala pa sa nahisulat sa Balaang Kasulatan nga ang paagi sa pagpadayag sa YÁOHU UL sa kalibotan mao ang hinay-hinay, lakang sa lakang o ang gitawag nga 'progressive' sa Iningles. Ug sa matag pagpadayag ni YÁOHU UL sa anam-anam nga paagi diha sa mga kamatuoran ug mga kahulogan sa mga nahisulat sa Balaang Kasulatan sa nagkalain-lain kapanahonan, ug sa maong paagi ni YÁOHU UL dili kini nagpasabot nga mga bakak kini tungod lamang sa mga pangatarongan nga wala kini tuohi o wala hibal-i sa mga nahiuna nga kaliwatan. Maisip kini nga sayop nga pangatarongan nga mosangpot sa sayop nga tinuohan ug paghukom. Kay kon isalikway gani ang kahayag mapulihan kini sa hingpit nga kangitngit. Tinuod gayod nga dili makita ni mabasa ang pulong nga 'Tulo ka Persona' diha sa Balaang Kasulatan, apan dayag kaayo ang mga kamatuoran ug mga ebedinsiya sa daghang mga paagi sa mga Pulong nga nahisulat dinhi. Usab, dili nagpasabot nga kon dili nahisulat ang usa ka butang ug laraw diha sa Balaang Kasulatan, ug dili kini nagpasabot nga dili na kini angay tuohan. Apan ania ang maayong pananglitan bahin niini: tinuod nga dili gayod makaplagan ni mabasa sa Balaang Kasulatan nga gibuhat ni YÁOHU UL ang mananap nga 'orangutan' kay wala kamoy mabasa nga nahisulat nga sama niini diha sa Balaang kasulatan, nan, maiisip kini nga wala magbuhat ang YÁOHU UL sa mananap nga 'orangutan' kay wala mahisulat. Ug tataw kini nga bakak nga pangatarongan ug dili maayong panghunahuna. Ug nagpasabot nga dili na diay angay tuohan ang usa ka butang o pulong ug laraw kay dili man makit-an sa aktuwal nga paagi ug wala masulat sa Balaang Kasulatan, ug dili kini nagpasabot nga dili na katuohan ang maong kamatuoran. Mao gihapon niini ang kamatuoran mahitungod sa pagtulon-an bahin sa 'Tulo ka Persona' nga tataw kaayo nga gitudlo kini ug walay pagduha-duha nga gipahibalo kini sa Balaang Kasulatan, kon ipabilin lamang ni bisan kinsa ang iyang abli nga salabotan ug susihon niya pag-ayo ang mga kamatuoran nga nahisulat dinhi. Unsa man ang kahulogan sa mga pulong nga 'triune' ug 'trinity'? Nagpasabot kini nga naay tulo ug nagkalainlain nga Persona, apan hingpit ang panaghiusa, ug sa tanang butang ug tumong, maisip nga usa lamang ka Pangulong-Magbubuhat. Aron makabaton kamo sa hingpit nga pagsabot bahin sa tinuod nga kahulogan sa pulong nga 'triune' (paglitok: 'tra-yun') ug sa maong paagi, makaila kamo sa Tulo ka Persona sa atong Pangulong Magbubuhat, ug kinahanglan nga papaon, kuhaon, isalikway na karon dayon ang gikan sa huna-huna ang mga sumosunod nga mga BAKAK nga mga pagtulon-an ug bisag sa sinugdanan wala kini itudlo sa Balaang Kasulatan: Ug ania ang mga BAKAK nga pagtulon-an: 1. Nga duna lamang nga usa ka Persona o usa lamang ang Makagagahom nga Siya ang nagbuhat sa tibuok kalibotan ug Siya lamang ang nag-inusa ra nga Walay-Kataposan, walay gigikanan, ug walay kataposan. 2. Nga ang Magbubuhat lamang mao ang Walay-Kataposang Amahan nga nagbuhat sa Anak, ug ang Anak mao ang nagbuhat sa Balaang Espiritu. - ug kini maong sayop nga pagtulon-an, gitawag kini sa Iningles nga 'Arianism.' 3. Nga ang Amahan, ang Anak ug ang Balaang Espiritu maoy usa lamang ug kini mao ang Usa lamang ka Magbubuhat ug Makagagahom. 4. Nga ang Amahan, ang Anak ug ang Balaang Espiritu maoy tulo ka bahin sa usa lamang ka Persona, sama sa tawo nga naay lawas, kalag ug espiritu. 5. Nga ang kamatuoran mahitungod sa Tulo ka Persona, dili na kini kapamatud-an sa Daang Kasabotan. 6. Nga kuno walay bahin sa lawas ang Pangulong Magbubuhat sama sa mata, dalunggan, walay mga kamot, mga tiil ug uban pa. 7. Nga ang Magbubuhat maoy usa lamang ka pagbati sama sa gugma, katarong, gahom ug kini ang naglihok sa tibuok kalibotan. 8. Nga matod pa, si Molkhiúl YAOHÚSHUA, mao Siya gihapon ang Amahan, ug Siya usab ang Balaang Espiritu, nga nagpasabot nga usa lamang ka Persona nga milihok sa tulo ka lain-lain nga hulagway. 9. Nga si Molkhiúl YAOHÚSHUA mao ang gihisgot nga usa ka Persona diha sa Daang kasabotan diha sa Balaang Kasulatan. 10. Nga ang Hebreo nga pinulongan sama sa 'ekhad' nga mahimo lamang kini nga magpasabot sa usa lamang ka numero, busa dili mahimo nga magbaton pa ug usa ka magbubuhat nga natingob sa Tulo ka nagkalain-laing Persona. 11. Nga ang Amahan kuno mao ang 'senior' nga Makagagahom, ug si Molkhiúl YAOHÚSHUA mao ang 'junior' Makagagahom, ug mas labaw nga ubos ang kinaiyahan kaysa Amahan; ug ang Amahan gihapon ang gitawag nga 'Almighty' ug si Molkhiúl YAOHÚSHUA mao lamang ang 'Mighty' sa mga titulo. 12. Nga ang pagtuo mahitungod sa pagtulon-an mahitungod sa Tulo ka Persona sa Pangulong Magbubuhat maoy supak sa kamatuoran nga naay usa lamang ka Magbubuhat. 13. Nga ang Pangulong Magbubuhat maoy walay pagbati sa tawo, busa kon gihisgot na kini isipon kini nga mga pampaanyag lamang nga pinulongan. Usab, kining tanan pulos mga BAKAK nga kinahanglan nga isalikway, papaon, kuhaon gikan sa inyong huna-huna, kon duna man galing nga sama niining maong mga bakak nga pagtulon-an nga naa sa sulod sa inyong huna-huna. Si Molkhiúl YAOHÚSHUA mao ang kamatuoran nga makapagpagawas kaninyo gikan sa tanang bakak nga naggikan kang satanas, nga siya mao ang amahan sa tanang bakak. Ug angay nga ipadaplin una ang bisan unsa nga mga daotang huna-huna, ug mga kahibulangan kuno, ug sabta karon ang mga mahayag nga nahisulat sa Balaang Kasulatan nga magpahibalo kaninyo sa mga tin-aw mahitungod sa kamatuoran sa pagbaton ug tulo ka nagkalainlaing Persona, apan hingpit ang panaghiusa, sa atong Pangulong Magbubuhat. Ug kinahanglan nga atong mahibaloan karon ang mga mosunod nga Pulong nga makaplagan diha sa Daang Kasabotan nga nahisulat sa Balaang Kasulatan: 1. Genesis 3:22 - 'Karon ang tawo nahisama na Kanato' (wala gayod isipa ni YÁOHU UL nga kaingon Niya ang mga kerubin, serafim, ug ang mga arkanghel, busa dili gayod mahimong maghisgot ang pulong nga 'kanato' diha ni YÁOHU UL ug sa mga anghel). 2. Genesis 19:24 - 'Gipaulanan ni YÁOHU UL ang Sodoma ug Gomora sa nagsigang asupre ug kalayo gikan YÁOHU UL sa langit.' 3. Genesis 1:23 - 'Buhaton Nato ang tawo sama sa Atong dagway...' 4. Zacarias 1:7-21 - Duha ka pangulo ang naghisgot niini, ug mabasa hangtod sa Zacarias 13:6-7 nga kon diin duha ka Pangulo ang gihisgot ug isig ka magka-ingon. 5. Genesis 11:7 - 'Busa manaog kita ug libogon ta ang ilang pinulongan aron dili sila magkasinabtanay.' 6. Daniel 7:13 - 'Ug nakita ko uban sa mga panganod sa langit nga daw usa ka tawo, ug miduol Siya sa Walay Kataposan, ug gipaila Siya Kaniya.' 7. Genesis 20:13 - Ang 'Ulhím' ang sinugdanan nganong nagsuroy-suroy ahnee' (pangdaghan ang hebreo nga pulong nga Ulhím) 8. Genesis 35:7 - 'Mitungha o mipakita ang Ulhím kaniya.' (ang gigamit nga berbo sa Hebreo mao ang pangdinaghanay). 9. Mga Salmo 110:1 - 'Nagsulti si YÁOHU UL sa akong Agalon.' 10. Isaias 9:6 - Pagatawgon nga UL Gabbor ang masuso, nga sa ato pa, Labawng Makagagahom.' Sumala sa pasikaran nga nahisulat sa Balaang kasulatan, nga makit-an gayod ang kamatuoran pinaagi sa duha kon tulo nga nagpamatuod ug makit-an nga lig-on gayod ang ilang gipanulti nga pagtulon-an. Ug mahibaloan usab ninyo diha sa Balaang Kasulatan nga sama nila Moises, Daniel, Zacarias, Isaias ug ni David ug silang tanan nagpadayag ug nagpamatuod mahitungod sa kamatuoran sa pagbaton ug Tulo ka Persona diha sa atong Pangulong Magbubuhat, ug mapamatud-an usab kini bisag diha sa Daang Kasabotan. Pahibalo: Ang karaanon nga hebreohanong pinulongang 'Ulhím' maoy nagpasabot sa pangdinaghanay (plural) apan usa lamang kon sangpiton kini, sama sa Ingles nga pinulongan sa 'sheep' ug mahimo kini nga gamiton sa mao gihapong pulong, mahimong isipon kini nga usa lang (singular) maisip usab kini nga pang-dinaghanay (plural) nga hilisgotan. Sama gihapon niini ang pulong nga 'ekhad' nga mahimo nga maghisgot lamang sa usa ka numero, ug mahimo usab nga maghisot sa pangdinaghanay apan maisip kini nga usa ra, sama sa pananglitan kon giunsa kini gamita diha sa Numero 14:23 diha sa Balaang Kasulatan. (Kon buot kamo nga makabaton pag labaw nga kahibalo ug mahayagan mahitungod sa mga titulo ug Ngalan ni Magbubuhat, mahimo nga makapangayo kamo karon dayon sa among gipanghatag nga babasahonon sama sa: 'YAOHÚSHUA' - Ang Messias.) Ug sa Tulo ka Persona sa atong Pangulong Magbubuhat nga bisan sila naay nagkalain-lain (apan hingpit ang panaghiusa) nga Persona, ug tungod sa Ilang paghiusa sa pagpasiugda, nga nakahukom Sila nga modumala sa tulo ka ang-ang (steps) sa pagdumala ug katungdanan diha sa Ilang naghiusang paglihok aron luwason ang katawhan gikan sa sala ug mga silot niini. Busa si YÁOHU UL mao ang nagpasiugda nga magdumala ingon nga Amahan, apan si Molkhiúl YAOHÚSHUA usab maoy nagpasiugda aron magdumala ingon nga Anak ug Manluluwas, ug ang 'RÚKHA-YAOHÚSHUA' usab maoy nagpasiugda aron magdumala ingon nga Manlilipay ug Tigpanalipod (Comforter) sa tanan nga magtutuo. Ug sabta kini pag-ayo: parehas Silag kinaiyahan ingon nga Walay- Kataposan, apan lain-lain ang katungdanan nga gidumalahan, ug sa ilang kinaugalingong pagpasiugda ug naay hugot nga paghiusa nga gibuhat ang usa ka tumong nga luwason ang katawhan nga nahiagom sa pagkadaotan. Kinahanglan nga dili gayod angay pagsagulon ni bisan kinsa ang Persona sa katungdanan nga ilang gibuhat. Lahi gayod ang Persona kontra sa katungdanan nga Iyang gidumalahan. Silang tulo naay usa lamang ka kinaiyahan isip maingon nga Walay-Kataposan, apan nagdumala gihapon sila sa nagkalain-laing katungdanan ug ang maong mga katungdanan naay iya-iyang ang-ang sa pagdumala ug bulohaton aron luwason ang katawhan. Ug ania ang maayong pananglitan nga sama niini: Kon ugaling naay tulo ka mag-igsoon nga may-ong pag-ayo o 'triplets' nga natawo, ug silang tulo hingpit ang pagkamay-ong ug halos walay nalahi diha kanila. Ug sa diha midako na sila ug naglaraw sila aron makatabang sa ilang lungsod, ang gibuhat sa usa nagpasiugda ug napili siya aron mahimong Mayor, ug kadtong ika-duha maoy nagpasiugda ug napili usab siya aron mahimong Maghuhukom, ug kadtong ika-tulo maoy nahimong Pangulo sa mga pulis. Lain-alin ang ilang mga katungdanan, apan kon pagahisgotan mao ang ilang pagkatawo, makit-an gayod nga hugot ang ilang pagkamay-ong, apan bisan pa diha sa ilang katungdanan nga kadtong usa nga mas labaw ang katungdanan didto sa ikaduha. Ug kadtong Pangulo sa mga pulis mahimo sa pag-ingon nga: 'Si Mayor maoy labaw kay kanako.' Ug sa laing higayon makahimo usab siya sa pag-ingon nga: 'Si Mayor ug ahnee usa ra.' Ug sa primerong pagkasulti, ang iyang gihisgot mao ang iyang kaugalingong pagdumala sa iyang gidumalahan nga katungdanan. Ug sa ikaduhang gisulti ang gihisgot niya mao ang iyang kinaiyahan ug pagkatawo. Lahi ang pagkatawo kay sa katungdanan nga gidumalahan ni bisan kinsa. Ug kadtong tulo mahimo nga dungan sila nga moingon sama niini: 'Usa ra gayod kami!' Ug sa unsang pagpasabot? Ug nagkahulogan nga may-ong gayod sila, gikan sa usa lamang ka inahan, nga naglaraw sila aron matabangan ang ilang lungsod, ug silang tulo nagkapareho ang pagbati ug huna-huna! Ug ang ilang mga gisaysay maoy mga kamatuoran, ug mahayagan si bisan kinsa ug sabton sa hustong pagkahulogan niini ug ipasabot kini sa hustong kahulogan! Ug ang usa pa ka karaang paagi ni satanas (ang dragon, bitin) alang sa paglimbong mao ang papilion si bisan kinsa taliwala sa duha ka butang nga magkapareho nga iyaha diay, ug sa dihang malimbongan siya ug mipili sa usa, ug kadtong ikaduha maoy makawat kaniya kay usa ra man ang gipili niya, apan kon duha ang gipili niya dili siya makawatan, tungod kay iyaha ug tinuod gayod ang duha ka gipilian. Ug ania ang pananglitan nga sama niini: Bahin sa testamento nga gibilin sa imong tiyo nga namatay, nahisulat didto sa testamento nga mapanunod nimo kadtong iyang uma apil na ang tanang mga hayop sa sulod niini. Ug ang paagi sa abtik nga abogado sa imong tiya papilion ka kon unsa gayod ang imong angkonon, kon ang kaumahan o ang mga hayop nga naa sa sulod niini. Apan kon magpataka ka lag pili, ug mipili kag usa lang bisag asa diha sa duha ka butang, mabitik ug malimbongan ka gayod! Unsay pilion nimo uma o mga hayop? Ang hustong tubag mao kini: 'Pahawa satanas sa akong atubangan, nahisulat sa testamento nga ang kaumahan APIL NA ang tanan nga mga hayop niini maoy mapanunod ko!' Ug sama gihapon niini, sa pagsabot mahitungod diha sa Walay-Kataposang Kinaiyahan sa atong Pangulong Magbubuhat, kon tingali nga naay mangutana kanimo: 'Pila ka Persona ang atong Magbubuhat, isa o tulo?' Ang hustong tubag mao kini: 'Tulo apan usa!' Mao kini ang kahulogan sa pulong nga 'TRIUNE' (paglitok: tra-yun'). Usab, nga ang karaan nga pinulongang Hebreo nga 'Ulhím' maoy gigamit nga pang-ulusahon (singular) ug mahimo usab nga gamiton kini nga pangdinaghanay (plural) diha sa Balaang Kasulatan! Husto kini ug magkapareho: tulo ka persona, usa ra ka Makagagahom! Mao kana ang tinuod nga paagi o sitwasyon sa atong Pangulong Magbubuhat! Tawo ba lamang si Molkhiúl YAOHÚSHUA o nahisama Siya sa Amahan nga pareho nga Walay-Kataposan? Usab, mao kini ang hustong tubag: 'Si Molkhiúl YAOHÚSHUA maoy 100% nga tawo ug Siya usab 100% nga Makagagahom o Walay Kataposan!' Dili gayod tunga lang nga tawo ug dili usab katunga nga Makagagahom, kondili (100%) nga tawo ug (100%) nga Makagagahom, mao gani nga Siya mao ang gitawag nga Makagagahom nga nahimong tawo! Klaro gayod kaayo! Daygon ug pasalamatan nato karon ang YÁOHU UL KAOKÁM (Maalamon) nga Siya mao ang naghatag ug kaalam, kahayag ug kamatuoran diha kaninyo, karon ug sa kanunay, pinaagi diha sa paglihok kaninyo sa 'RÚKHA-YAOHÚSHUA.' HaolalYaohu Orulyao! Mas labaw ba ang Amahan kontra diha sa Anak o usa ra sila? Usab, ang hustong tubag bahin niini mao kini: Sa Ilang katungdanan ug bulohaton, tinuod gayod nga mas labaw ang Amahan kay sa Anak, ug mahitungod sa Ilang Walay-Kataposang Kinaiyahan, tinuod nga usa ra sila!' Gisalikway na gayod ninyo ang karaanong paagi sa pagpanlimbong ug pagpangawat ni satanas, ang paagi nga 'papilion ka aron malimbongan' - tungod kay ang atong gipili mao ang tanan nga tin-aw nga mga kamatuoran nga gipadayag sa Balaang Kasulatan! Ania ang mga nahisulat sa Balaang Kasulatan nga nagpamatuod nga Walay Kataposan ang Kinaiyahan ni Molkhiúl YAOHÚSHUA, nga sama sa kinaiyahan sa Amahan: 1. Gisimba si Molkhiúl YAOHÚSHUA, sama sa pagsimba nga alang sa Amahan, bisan pa niadtong masuso pa Siya. - Man-YÁOHU o Mateo 2:11 2. Sa tanang higayon nga nag-alagad pa dinhi sa kalibotan si Molkhiúl YAOHÚSHUA, nakadawat Siyag mga pagsimba nga unta diha lamang ni YÁOHU UL angay buhaton sa katawhan. - Marcos 5:22; Lucas 5:8; Lucas17:16; Juan 11:32; Marcos 5:33; Marcos 7:25; Lucas 5:12; Lucas 8:28. 3. Gihukman si Molkhiúl YAOHÚSHUA kay giingon Niya nga tupong o pareho lang Siya ug ang Amahan nga YÁOHU UL. - Juan 5:18; Juan 8:53-59; Juan 10:33; Hebreo 1:5-14; Juan 1:1-2. 'Tungod niini misamot hinuon ang tinguha sa mga kadagkoan sa mga Judio sa pagpatay Kaniya, sanglit dili lamang kay gilapas Niya ang balaod sa Adlawng Igpapahulay, kondili miingon pa gayod Siya nga si YÁOHU UL Iyang Amahan, ug sa ingon niini gipakasama Niya ang Iyang kaugalingon ni YÁOHU UL.' - Juan 5:18 4. Naa sa lawas ni Molkhiúl YAOHÚSHUA ang tibuok kapun-an sa Pangulong Magbubuhat - Colosas 2:9 5. Ginamit ni propeta Isaias ang titulo nga 'UL Gabbor' (UL - nagpasabot nga Walay Kataposan ang kinaiyahan) niadtong mitagna siya mahitungod kang Molkhiúl YAOHÚSHUA. - Isaias 9:6 6. Giangkon ni Molkhiúl YAOHÚSHUA nga Siya ug ang Amahan usa lamang. - Juan 10:30 7. Miingon si Molkhiúl YAOHÚSHUA nga Siya mao ang alef ug ang tav, ang sunugdanan ug ang kataposan. - Gipadayag 22:13 8. Ang gigikanan ni Molkhiúl YAOHÚSHUA mao ang milabay nga walay kataposan. - Miqueas 5:2 9. Mas labaw si Molkhiúl YAOHÚSHUA kay sa kila Moises ug sa mga propeta diha sa Daang Kasulatan. - Man-YÁOHU o Mateo 17:5 10. Putli ug walay sala si Molkhiúl YAOHÚSHUA, ug kini ang kinaiyahan isip Walay Kataposan nga Pangulong Magbubuhat. - Hebreo 4:15 11. Naa sa mga kamot ni Molkhiúl YAOHÚSHUA ang tanang katungdanan sa langit ug sa yuta. - Man-YÁOHU o Mateo 28:18 12. Sa sinugdanan naa na ang Pulong ug ang Pulong kauban sa YÁOHU UL, ug ang Pulong mao man ang UL (Walay-Kataposang, Labing Gamhanan) ug ang Pulong nahimong tawo ug nagpuyo dinhi kanato. - Juan 1:1; 1:14 13. Ug sa Iyang kinaiyahan isip Walay-Kataposang UL, wala Siya maninguha sa kaugalingon Niyang kabantog. - Filipos 2:6-7 14. Pagatawgon Siya nga 'Immanu-UL (nagpasabot nga nag-uban kanato ang Walay-Kataposang UL.' - Man-YÁOHU o Mateo 1:23 15. Wala isipa ni Molkhiúl YAOHÚSHUA nga pagpangilog ang pagpakasama ni YÁOHU UL. - Filipos 2:6 16. Si Molkhiúl YAOHÚSHUA mao ang isig ka magbubuhat sa tibuok kalibotan. - Juan 1:3 17. Ang mga titulo nga angayan lamang sa Walay-Kataposang Magbubuhat maoy gihatag kang Molkhiúl YAOHÚSHUA sumala sa Balaang Kasulatan. Ang mga gipanganak sa tawo maingon nga tawo usab, ang gipanganak sa mga isda maingon nga isda usab, ang mga gipanganak sa mga langgam maingon nga langgam usab; ang bunga sa mangga, mangga usab ug ang bunga sa mansanas, mansanas usab; nagpasabot nga ang matag may kinabuhi maoy magbunga o manganak sumala sa kinaiyahan nga gigikanan. Busa, ang Anak sa Tawo, tawo usab, ug ang Anak sa Makagagahom, makagagahom usab! Ang Anak sa Walay Kataposan, mahimong Walay-Kataposan usab! Si Molkhiúl YAOHÚSHUA mao ang bugtong Anak ni YÁOHU UL, nga naay kinaiyahan nga sama usab sa YÁOHU UL, nga Walay-Kataposan! Kon gigamit diha sa Balaang Kasulatan ang titulo nga 'Anak sa Tawo' nagpasabot nga ang naglihok sa Persona ni Molkhiúl YAOHÚSHUA mao ang Iyang pagkatawo; apan kon sa dihang gigamit na diha Kaniya ang titulo nga 'Anak sa Makagagahom' naglihok diha sa iyang Persona mao ang Iyang pagka-UL - Labing Gamhanan nga Walay Kataposan! Tin-aw gayod kaayo! Daygon ug pasalamatan nato karon si YÁOHU UL ORUL (Ang Kahayag). HaolalYaohu UL Orul! Karon, nakasiguro na gayod kamo nga si Molkhiúl YAOHÚSHUA maoy Walay Kataposan ang kinaiyahan, ug Siya ang nag-inusa ra, tinuod ug orihinal nga Messias, Manluluwas ug Manunubos sa katawhan! Wala na gayoy laing ngalan nga molabaw pa sa ngalan ni Molkhiúl YAOHÚSHUA! Daghan man gihapon nga mga pulong sa Balaang Kasulatan nga nagsulti nga tawo si Molkhiúl YAOHÚSHUA. Tinuod gayod kini kay 100% nga tawo Siya ug 100% usab Siya nga Walay Kataposan. Mao man gani nga ang usa sa Iyang mga titulo mao ang 'Anak sa Tawo.' Timan-i, dili katunga nga tawo ug dili sad katunga nga Walay-Kataposan si Molkhiúl YAOHÚSHUA, kondili siyento por siyento (100%) nga tawo ug siyento por siyento (100%) usab Siya nga Walay Kataposan! Tin-aw gihapon! Ug ania usab ang mga pulong sa Balaang Kasulatan nga magpamatuod nga ang Balaan nga Espiritu o 'RÚKHA-YAOHÚSHUA' maoy kahiusa o kauban sa tulo ka Persona nga Walay Kataposan isip atong Pangulong Magbubuhat: 1. Mapahilak ang 'RÚKHA-YAOHÚSHUA' - Efeso 4:30 2. Nagtudlo ang 'RÚKHA-YAOHÚSHUA.' - Lucas 12:12; 1 Corinto 2:13; Juan 14:26 3. Ang 'RÚKHA-YAOHÚSHUA' mao ang nagahikap sa kasing-kasing sa mga tawo - Juan 16:8 4. Iyang giagak ug gilingaw ang mga magtutuo ni Molkhiúl YAOHÚSHUA - Juan 16:7; Mga Buhat 9:31 5. Mahimo Siya nga mapanghimakakan - Mga Buhat 5:3 6. Nagsulti Siya pinaagi sa mga tawo - Mga Buhat 1:16; 13:2; 21:11; ug 28:25 7. Naghatag Siya sa pagdihog sa lana (anointing) ug gahom - Mga Buhat 10:38; Roma 15:13 8. Ang 'RÚKHA-YAOHÚSHUA' ang Naghukom - Mga Buhat 15:38 9. Siya ang naghatag ug direksyon - Mga Buhat 15:28 10. Nakighiusa ang 'RÚKHA-YAOHÚSHUA' diha sa mga tawo - 1 Cor. 13:14 11. Siya mao ang nagpabala-an o nagahinlo sa mga magtutuo - Roma 15:16 12. Siya mao ang nag tultol sa mga tawo ug gidala sila sa tanang kamatuoran - Juan 16:13 13. Makasugo ang 'RÚKHA-YAOHÚSHUA' sa mga tinugyanan - Mga Buhat 13:4 14. Mahimo Siya nga mapasipalahan - Man-YÁOHU o Mateo 12:31-32 15. Siya ang naghatag sa kamatuoran - Mga Buhat 5:32; 20:23; Roma 9:1; Hebreo 10:15 16. Ang 'RÚKHA-YAOHÚSHUA' ang naghatag sa mga gasa o regalo - 1 Cor. 12 17. Gitabangan Niya ang mga magtutuo alang sa pag-ampo - Roma 8:26; Juan 1:20 18. Ang 'RÚKHA-YAOHÚSHUA' ang naghatag sa mga sugo o mando - Mga Buhat 1:2 19. Mahimo siya nga supakon - Mga Buhat 7:51 20. Siya ang naghatag sa kalinaw ug kalipay sa mga nagtuo kang Molkhiúl YAOHÚSHUA - Roma 14:17; 1 Tessalonica 1:6 21. Gipakita Niya sa mga magtutuo, ang mga mahitabo sa umaabot - Juan 16:13 22. Gipahinumdom Niya sa mga magtutuo ang mga pulong sa Molkhiúl YAOHÚSHUA - Juan 14:26 23. Siya ang nagpahimutang sa mga tigbalantay - Mga Buhat 20:28 24. Nagpuyo ang 'RÚKHA-YAOHÚSHUA' sa kasing kasing sa mga magtutuo - 1 Corinto 6:19; 2 Timoteo 1:14 25. Siya ang maghukom kon nahiangay o dili ang mga tawo - 2 Corinto 6:6 26. Ang magbakak Kaniya nagbakak usab sa Walay-Kataposang Magbubuhat - Mga Buhat 5:1-4 Sa kaulahi-ang pagpamulong ni Emissary Shaul (Apostol Pablo) sa basahon sa 2 Corinto, miingon Siya: 'Ang panalangin ni Molkhiúl YAOHÚSHUA ug ang pag-higugma ni YÁOHU UL, ug ang pakighiusa sa 'RÚKHA-YAOHÚSHUA' maoy maana-a kaninyong tanan...' Miingon usab si Molkhiúl YAOHÚSHUA, 'Bunyagi ninyo sila sa Ngalan ni Amahan ug sa Anak ug sa Balaang Espiritu.' - Man-YÁOHU o Mateo 28:19. Tagda ninyo ang giingon nga 'sa Ngalan' ug dili 'sa mga Pangalan' nga nagpasabot nga naay usa lang ka pang kasagarang Ngalan ni Tulo ka Persona nga milangkob sa atong Pangulong Magbubuhat. Sa pagbunyag sa tubig nga gihimo ni Evangelista Juan diha kang Molkhiúl YAOHÚSHUA, nahisulat: 'Pagkahuman mabunyagan ang Molkhiúl YAOHÚSHUA, mikawas siya - gikan sa tubig, ug dinhi naabli ang langit diha kaniya ug nakita niya ang 'RÚKHA' ni YÁOHU UL na mikunsad Kaniya daw salampati ug mitugdon Kaniya. Ug unya may tingog gikan sa langit nga nag-ingon. 'Kini mao ang hinigugma kong Anak nga nakalipay nako pag-ayo.' - Man-YÁOHU o Mateo 3:16-17. Kini maong mga pulunga mao ang labing maayong kamatuoran nga naay Tulong Persona sa usa ra ka Pangulong Magbubuhat, sabta ninyo pag-ayo ang mga nahitabo. Si Molkhiúl YAOHÚSHUA mao ang gibunyagan ug naa Siya kaniadto ibabaw sa yuta, ang 'RÚKHA-YAOHÚSHUA' usab mikunsad Kaniya nga daw salampati, ug ang tingog sa Amahsi YÁOHU UL, nadungog gikan sa langit nga nag-ingon: Kini ang Akong Anak...' Wala mag-ingon nga kanang gibunyagan Ahnee kana, dili gayod! Ug ang giingon mao kini: 'Kini ang akong Anak' - ug dili usab ang RÚKHA nga daw salampati ang gibunyagan ni ang tingog nga nagsulti. Hayag ug tin-aw kaayo kining nahisulat nga makit-an ang Walay-Kataposang Tulo ka Persona sa usa ka Pangulong Magbubuhat! Kon dili pa kini igo nga pamatuod alang sa uban, mahitabo diha kanila ang giingon nga: 'Kang bisan kinsa nga dili gusto nga motuo, walay igong pamatuod, apan sa mga gustong mutuo, dili na kinahanglan ang pamatuod.' Tagda ninyo nga walay nagpakita nga salampati, kondili hulagway lang - o sama lang sa salampati, Ug bisan pag tinuod nga naay nagpakita nga salamapati, dili kini igo nga pasikaran aron ang mga tawo tugotan sa pagsimba sa mga larawan sa mga salampati tungod kay ginadili gayod kini ni YÁOHU UL, ug tin-aw kaayo nga nahisulat sa Balaang Kasulatan. 'Ayaw pagbuhat ug lo-ulhim o larawan sa bisan unsa didto sa langit o dinhi sa yuta, o dinhi sa tubig ug ana-a ilalom sa yuta.' - Exodo 20:4. Ang pulong nga 'mga langgam' sa mga gihisgot nga pulong maoy sigurado nga apil usab ang mga rebulto, larawan o estatwa kaha sa salampati, tungod kay usa ka matang sa langgam ang salampati. Hilas ug ngil-ad sa pana-aw ni YÁOHU UL ang pagsimba sa salampati, ug klaro kaayo nga silotan ni YÁOHU UL si bisan kinsa nga nagbuhat niining maong sala. Akangdente na siya sa kalendaryo sa langit, gipaabot na lang niya kon kanus-a kini modangat, ug sa unsang paagi mahitabo. Unsa man ang angay buhaton? Maghinulsol na karon dayon ug maghunong na sa binuang nga pagsimba sa mga larawan, rebulto, larawan sa mga tawo, langgam, mga hayop, ug mga isda aron madawat ang mga panalangin ug gasa gikan ni YÁOHU UL, ug aron malikayan ang silot sa maong pagkadaotan. Ug mobalik kita karon sa atong gihisgotan nga pagtulon-an... Nahisulat gihapon sa Balaang Kasulatan: 'Adunay tulo ka saksi: Ang ABÚ (Ama), ang Pulong ug ang Balaang Espiritu ug kining tulo nagkahi-usa!' - 1 Juan 5:7, tin-aw na nahisulat sa Balaang Kasulatan. Nasayod kitang tanan nga si Molkhiúl YAOHÚSHUA mao ang Pulong nga nahimong tawo. Ibutang nato, apan wala usab maga ingon nga tinuod kondili pananglitan lang nga si Molkhiúl YAOHÚSHUA diay gihapon ang Walay- Kataposang Amahan ug usa ka Persona lang ang naglihok ug naghimo sa tulo ka buluhaton sa Magbubuhat isip Amahan, Anak, ug Balaang Espiritu, nagpasabot kini nga angayan usab nga dawaton kining mga mosunod nga mga ibunga nga bakak sa sayop nga pananglitan nga nahisgutan. 1. Nga mahimong bakakon si Molkhiúl YAOHÚSHUA sa dihang nag-ingon Siya nga gisugo Siya sa ABÚ (Amahan), nga nahibaloan man Niya unta nga gisugo Niya ang Iyang kaugalingon; 2. Na si Molkhiúl YAOHÚSHUA ay nagbakak adtong miingon Siya nga wala Siya masayod kon kanus-a Siya mobalik, samtang nahibalo diay Siya niini: 3. Nga mobalik kuno Siya sa ABÚ (Ama), samtang mobalik diay Siya sa Iyang kaugalingon; 4. Ug ang mga pulong nga Iyang gisulti nga kini dili gikan Kaniya, kondili nagagikan sa ABÚ (Amahan), samtang ang tinuod diay niini, gikan lang gihapon kini sa Iyang kaugalingon; 5. Nga gikan Siya sa ABÚ (Amahan), apan Iyang gipanganak ang Iyaha ra usab nga kaugalingon; 6. Nga Siya kuno ang Anak sa panimalay sa Iyang Amahan, samtang Siya diay ang Amahan ug ang Anak; 7. Nga ihalad kuno Niya ang Iyang kaugalingong kinabuhi aron patyon, samtang nasayod Siya nga ang Amahan diay ang tinuod nga patyon; 8. Sa pagkahimugso kang Molkhiúl YAOHÚSHUA, nga nagpasabot nga ania dinhi sa yuta ang masuso nga gidayeg sa mga tawo, ug ang mga anghel sa langit nga malipayong nagdayeg usab sa ABÚ (Amahan), samtang kadto diay nga gipanganak sa yuta mao na ang Amahan, ug nagpasabot nga tinuod gayod nga walay unsa man nga Persona sa langit samtang ania sa kalibotan si Molkhiúl YAOHÚSHUA. 9. Ug sa mga higayon nga nagsuginlanay o nag-istorya ang ABÚ (Amahan) ug Anak ug daghang mga tawo ang makadungog niini, gipakita lang ni Molkhiúl YAOHÚSHUA ang Iyang pagkabatid o pagkasuhito sa 'ventriloquism' o pag-labay ug pag-itsa sa tingog sa laing lugar o mga butang nga pangkasagarang gibuhat sa mga salamangkiro; 10. Nga nagbakak si Molkhiúl YAOHÚSHUA niadtong nagsulti Siya nga molingkod Siya sa tuo sa ABÚ (Amahan), samtang ang tinuod diay, molingkod Siya sa tuo sa Iyang kaugalingon; 11. Nan, dili na mahimong Amahan ni Molkhiúl YAOHÚSHUA ang YÁOHU UL, kondili si Molkhiúl YAOHÚSHUA na mismo ang mahimong Amahan sa Iyang kaugalingon; 12. Gipahisalaag ni Molkhiúl YAOHÚSHUA ang Iyang mga tinun-an, niadtong gisugo Niya sila nga dili sila mag-ampo Kaniya, kondili didto sa Amahan nga YÁOHU UL nga toa sa langit, samtang ang tinuod diay nga mag-ampo gihapon sila sa Iyaha ra usab; 13. Mahimong bakakon si Molkhiúl YAOHÚSHUA niadtong nagsulti Siya nga magpadala Siyag kapuli nga Manlilipay, samtang nasayod diay Siya nga Iyang sugoon mismo ang Iyang kaugalingon, ug daghan pang matingob nga mga bakak nga bunga mahitungod sa sayop nga pagtuo nga usa ra ka Persona ang Amahan ug ang Anak! Ug mao kini ang hayag kaayo nga pananglitan sa usa ka kasaypanan ug sayop nga pagtulon-an nga magbunga sa linibo ka bakak ug sayop nga tinuohan. Nga naggikan sa sayop nga pagsabot sa kamatuoran nianang mga mubo ang salabotan. Ug klaro nga supak o babag ug dakong kabuang ang sayop nga pagtulon-an nga 'unitarian' o 'oneness' nga gitawag sa Ingles. Ug gitawag nga 'heresy' sa Ingles ang mga sayop nga pagtulon-an o pagtulon-an nga supak sa kamatuoran sama sa giingon nga 'oneness' false doctrine. Ug sumala pa sa Balaang Kasulatan nga ang maong matang sa sayop nga doktrina o pagtulon-an maoy gitawag nga 'doctrine of demons' nga sa ato pa, 'pagtulon-an sa mga diablo' nga nagagikan sa kahiladman sa impiyerno! Ayaw gayod kamo palimbong! Wala nato sawaya ni gituis ang mga tawo, kondili kadtong mga sayop nga pagtulon-an lamang, kay dili man mga tawo ang atong kaaway, kondili ang mga pagtulon-an sa diablo. Dili usab nato gusto nga pasakitan ang pagbati ni bisan kinsa, kondili kinahanglan gayod nga ipahibalo sa kadaghanan ang kamatuoran nga gisulti sa Balaang kasulatan. Ug sa paghatag niining maong pagtulon-an, lakip ang among kinasingkasing pagpaubos, gugma, ug kaluoy diha sa mga nangit-ngitan ang salabotan, mao nga gisulat kining pagtulon-ana. Kay si Molkhiúl YAOHÚSHUA ang Kahayag o Suga sa tibuok kalibotan! Busa, mianhi ang Anak ni YÁOHU UL aron laglagon ang mga buhat ni satanas, nga mao ang manlilimbong... matod pa sa 1 Juan 3:8 Tanan nga anghel sa kalangitan, daotan kini o maayo nga anghel ug silang tanan miila sa Amahan nga YÁOHU UL nga lahi kay sa Anak kaniadto sa dihang ania pa sa kalibotan. Ug sa tinud-anay, kini maong pagtulon-an ug kining kamatuoran nga naghisgot sa Tulo ka Persona sa usa lamang ka Pangulong magbubuhat dali ra kaayong tuohan ug madawat ni bisan kinsa. Mao nga mura ug naglisod ang kadaghanan bahin sa pagsabot niini, tungod kay gipugos man god nila nga butangan o sagulan sa mga kahibulongan kining simple ra kaayo nga kamatuoran, pinaagi sa pagpugos nga duna lamang usa ka Persona, usa ka Kinabuhi nga milihok sa tulo ka nagkalain-laing katungdanan. Wala gayoy bisan unsa nga kahibulongan diha sa pagtulon-an mahitungod sa Tulo ka Persona sa usa lamang ka Pangulong Magbubuhat. Wala gayod! Mas hayag pa kay sa sidlak sa adlaw ang pagtulon-an mahitungod sa Tulo ka Persona kon dawaton ug tuohan lang unta ni bisan kinsa ang mga klaro ug tin-aw nga nahisulat sa Balaang Kasulatan ug dili unta pugson nga butangan ug bisa unsa nga mga kahibulongan kuno. Usab, WALAY KAHIBULONGAN diha sa kamatuoran mahitungod sa pagbaton ug Tulo ka Persona sa usa ka Magbubuhat! Walay kahibulongan dinhi, busa dili kinahanglan nga butangan ni bisan kinsa! Kon tin-aw na gani ug klaro ug hayag na ang kahulogan sa matag pulong nga nahisulat, dili na kinahanglan nga pugson nga butangan ug kahibulongan, tungod kay mogawas kini nga gipahimakak ang mga nahisulat, ug magpadulong kini sa mga 'heresies' o mga pagtulon-ang supak. Nag-ingon si Molkhiúl YAOHÚSHUA nga wala Siya mag-inusa ra sa pagpamatuod, kondili duna pay usa ka nagpamatuod mahitungod Kaniya, nga mao si YÁOHU UL nga Amahan! - Juan 5:36-38. Klaro usab nga gisulti ni Molkhiúl YAOHÚSHUA nga sugoon sa ABÚ (Amahan) ang usa pa ka Manlilipay nga mao ang 'RÚKHA-YAOHÚSHUA.' - Juan 14:16. Ang kahulugan sa pulong nga 'another' nagpasabot sa usa ug uban pa. Basaha pag-ayo, sabton pag-ayo, ug tarongon ang pagsabot ug dawaton ang mga pulong nga sumusunod nga naggikan gayod sa Balaang Kasulatan ug samtang nagbasa kamo niini, hatagi ninyo ug hugot nga pagtagad ang mga gisulti ni Molkhiúl YAOHÚSHUA, mahitungod sa Iyang kaugalingon, ug sa Amahan nga YÁOHU UL, ug tagda usab ninyo ang mahitungod sa Ngalan, ug ang paagi Niya sa paggamit Niya sa pulong nga 'usa ra' nga dili man nagpasabot nga usa lamang kon ihapon, kondili daghan gayod apan hugot nga nagkahiusa ug sa tanan nga pagsabot maisip gayod nga usa lamang apan mahimong daghan kung ihapon. 'Compound unity' ang tawag niini sa Ingles. Daw giisip sa pulong nga 'usa ka pamilya' - usa ra gayod, apan mahimong daghan kon ihapon ang mga naa sa sulod niini, apan usa ka pamilya lang gihapon! Basaha ninyo pag-ayo, ania na: Pagkahuman isulti kini ni Molkhiúl YAOHÚSHUA mihangad Siya sa langit ug nag-ampo: 'Amahan ko miabot na ang oras o takna pasidunggi ang Imong Anak, aron ang Anak mag pasidungog Kanimo, kay gihatagan Mo Siyag gahom pagmando, sa tanang tawo aron hatagan Niyag kinabuhing dayon ang tanan nga Imong gitugyan Kaniya, ug kini mao ang kinabuhing dayon. Nga ang mga tawo moila Kanimo, ang bugtong matuod nga YÁOHU UL, ug kang Molkhiúl YAOHÚSHUA nga Imong gipadala. Gipasidunggan Ko Ikaw dinhi sa kalibotan ug gihuman Ko ang Imong gipabuhat Kanako. Karon Amahan, pasidunggi Ahnee (Ako) diha sa Imong pag-pakig-uban Kanako, sa dungog nga Akong gihuptan, uban Kanimo sa wala pa buhata ang kalibotan. Gipaila Ko Ikaw sa mga tawo nga Imong gikuha gikan sa kalibotan ug gihatag Mo kanako. Imo sila ug gitugyan Mo sila Kanako. Gituman nila ang gisulti Mo kanila. Ug karon nahibalo sila nga ang tanan nga gihatag Mo Kanako naggikan Kanimo. Gihatag Ko kanila ang mensahe nga Imong gitugyan Kanako ug kini gidawat nila. Nasayod sila nga tinuod nga Ahnee (Ako) gikan Kanimo, ug nagtuo. Sila nga Ikaw ang nagpadala Kanako. Nag-ampo Ahnee (Ako) alang kanila. Wala Ahnee (Ako) mag-ampo alang sa kalibotan, kondili alang sa mga tawo nga Imong gitugyan Kanako. Kay Imo man sila. Ang tanan nga Akoa Imo. Ug tanan nga Imo Akoa; ug diha kanila gipasidunggan Ahnee (Ako). Ug karon moanha na Ahnee (ako) Kanimo dili na Ahnee (Ako) magdugay dinhi sa kalibotan apan magpabilin sila dinhi. Balaang Amahan, Bantayi sila diha sa gahom sa Imong Ngalan - ang Ngalan nga Imong gihatag Kanako, aron sila mausa ingon nga Ikaw ug Ahnee (Ako) usa lamang! Samtang Ahnee (Ako) uban pa kanila gibantayan Ko sila pinaagi sa gahom sa Imong Ngalan, ang Ngalan nga gihatag Mo Kanako. Gibantayan Ko sila ug walay usa kanila nga nawala, gawas niadtong tawo nga mawala gayod aron matuman ang Kasulatan. Ug karon moanha Ahnee (Ako) Kanimo, ug gisulti Ko kining mga butanga dinhi sa kalibotan aron malipay sila pag-ayo duyog Kanako. Gihatag Ko kanila ang Imong mensahe ug gikasilagan, sila sa kalibotan kay dili man sila iya sa kalibotan. Himoa silang Imo gayod pinaagi sa kamatuoran; gipadala Ko sila sa kalibotan ingon nga Ahnee (Ako) Imong gipadala, nganhi sa kalibotan. Ug tungod kanila gitugyan Ko ang Akong kaugalingon nganha Kanimo aron ma Imo usab sila. Wala Ahnee (Ako) mag-ampo alang lamang kanila, kon dili alang usab niadtong motuo Kanako tungod sa ilang mensahe. Nag-ampo Ahnee (Ako) nga mausa unta sila. Amahan, mausa unta sila dinhi Kanato, ingon nga Ikaw ania Kanako ug Ahnee (Ako) anaa Kanimo, aron motuo ang kalibotan nga Ikaw maoy nagpadala Kanako! Gihatagan Ko sila sa samang dungog nga Imong gihatag Kanako aron sila mausa ingon nga Ikaw ug Ahnee (Ako) usa ra. Ahnee (Ako) anaa kanila ug Ikaw ania Kanako aron sila mausa gayod, ug sa ingon masayod ang kalibotan nga Ikaw nagpadala Kanako, ug nahigugma Ka kanila ingon nga Ikaw nahigugma Kanako. Amahan, gihatag Mo sila Kanako, ug buot Ko nga bisan asa Ahnee (Ako) atua usab sila, aron makakita sila sa Akong himaya, ang himaya nga Imong gihatag Kanako: kay nahigugma Ka man Kanako bisan sa wala pa buhata ang kalibotan! Amahan nga matarong, ang kalibotan wala makaila Kanimo apan nakaila Ahnee (ako) Kanimo ug kini sila nasayod nga Ikaw ang nagpadala Kanako. Gipaila Ko Ikaw kanila ug kini Akong padayonon pagbuhat, aron mabatonan usab nila ang Imong gugma alang Kanako ug magpuyo usab Ahnee (Ako) diha kanila!' - Juan 17, Balaang Kasulatan Si Molkhiúl YAOHÚSHUA ang Kamatuoran, ug walay dili tinuod sa mga pulong ni Molkhiúl YAOHÚSHUA. Ang tanan nga gisulti ni Molkhiúl YAOHÚSHUA nga nahisulat kinahanglan nga tuohan ug dawaton ingon nga mga kamatuoran, tungod kay kon dili dawaton, mahiagom si bisan kinsa sa kakuyaw ug sa ilalom sa silot ni YÁOHU UL, tungod kay mogawas nga daw bakakon si Molkhiúl YAOHÚSHUA. Busa, nga sa matag sulti ni Molkhiúl YAOHÚSHUA sa mga pulong nga 'nato' ug 'kanato' - dinhi makit-an nga hayag ug tin-aw kaayo nga gipadayag Niya dinhi nga lahi nga Persona si YÁOHU UL kay Kaniya, ug Silang duha ang gihisgot sa dihang mosangpit Siya sa 'Nato' ug 'Kanato.' Ayaw gayod pugsa nga butangan ug mga kahibulongan tungod kay hayag na kaayo ug mga tinuod ang kahulogan sa mga gisulti! Ang husto nga patakaran mahitungod sa pagpasabot sa mga nahisulat sa Balaang Kasulatan, mao kini: kon klaro ang mga nahisulat ug tinuod, ug mapuslanon ang 'literal' nga kahulogan niini, dili na gayod kinahanglan nga pugson pa ni bisan kinsa nga butangan sa bisan unsa pa nga mga sayop nga kahulogan ug mga kahibulongan kuno. Ug tinuod man gayod nga naay pipila ka bahin sa Balaang Kasulatan nga tinuod nga may lakip nga mga kahibulongan ug mga tanghaga o sambingay, tungod kay tataw nga nahisulat nga duna gayod, sama sa ilhanan sa anti-Messias nga nahisulat sa Pinadayag 13. Apan kon tin-aw kaayo ang mga gisulti o mga pulong ug walay laing kahulogan kini nga kahibulongan kuno o tanghaga kuno ang mga gisulti, dili gayod mahimo nga pugson pa kini nga butangan sa mga kahibulongan. Ug ania ang hustong pamaagi alang sa paghatag ug kahulogan sa mga nahisulat sa Balaang kasulatan. Pananglitan: bahin dinhi sa gisulti nga, 'hinaot nga mausa sila sama NATO nga USA RA' - kinahanglan nga tuohan kini ug hatagan ug hustong kahulogan ug sa tataw, babaw lang nga kahulogan ug dili na kinahanglan nga pugson pa nga sagulan ug mga kahibulongan ug tanghaga, tungod kay tin-aw na man daan ang gisulti ug ang nagsulti, tin-aw na ang kahulogan sa gisulti ug wala nay bisan unsa nga kahibulongan sa maong kahulogan. Kon pugson ni bisan kinsa nga butangan ug mga kahibulongan kuno ang mga tin-aw nga gisulti sa Balaang Kasulatan, ang maong sayop nga paagi, maoy magdaldal sa mga sayop nga pagtulon-an ug mahimong binuang. 'Hinaot nga mausa sila, sama Nato nga usa ra.' Ang kahulogan sa pulong nga 'NATO' maoy naghisgot nga labaw sa usa! Ug mamatikdan usab ninyo, nga mahitungod diha sa pag-ampo ni Molkhiúl YAOHÚSHUA, nga mohangad Siya sa langit ug dili mopi-ong, dili usab nagpilit ang duha ka kamot, ug dili usab nagduko, ug dili sama sa pamaagi sa pag-ampo sa mga pagano (o mga wala makaila sa tinuod nga Magbubuhat). Si Molkhiúl YAOHÚSHUA gayod ang Kahayag sa Kalibotan! Gidayeg ug gipasalamatan nato karon Si YÁOHU UL nga toa sa langit! Siya mao ang naghatag kaninyo karon sa kahayag, suga, salabotan, kaalam, ug kahibalo, tungod kay hugot ang gugma Niya diha sa matag usa kaninyo! Sa walay sagol nga kahibulongan. Simple, tataw, YÁOHU UL loves you! And we love YÁOHU UL also! Ani-a ang mga nahisulat nga makapag-palig-on ug magpamatuod, nga ang 'RÚKHA-YAOHÚSHUA'(o ang Balaang Espiritu) mao ang usa pa ka lahi nga persona sa atong Pangulong Magbubuhat, nga Siya maoy usa pa ka Persona, gawas sa Amahsi YÁOHU UL ug ni Molkhiúl YAOHÚSHUA. 1. Ang 'RÚKHA-YAOHÚSHUA' maoy kanunay giisip nga usa pa ka Persona, ug dili Siya ang Amahan ni ang Anak kaha. - (Juan 5:32; 14:16-17; 16:7-15) 2. Ang 'RÚKHA-YAOHÚSHUA' ug si Molkhiúl YAOHÚSHUA maoy duha ka manag-bulag nga Persona sa atubangan, sa Amahsi YÁOHU UL. - (Pinadayag 1:4-5; 3:1; 4:5; 5:6) 3. Ang 'RÚKHA-YAOHÚSHUA' maoy gisugo sa Amahan nga YÁOHU UL ngadto kang Molkhiúl YAOHÚSHUA, nga mao ang Anak, aron mapuno Siya sa gahom. Ug mahitungod niining panghitaboa, kinahanglan gayod ang Tulo ka Persona aron mogawas kining: nagsugo, ang gisugo ug ang gisugoang modawat niini. - (Mga Buhat 10:38; Isaiah 11:2; 42:1-7 ug 61:1-2. 4. Ang 'RÚKHA-YAOHÚSHUA' maoy gisugo gikan sa duha ka Amahsi YÁOHU UL ug Molkhiúl YAOHÚSHUA; 5. Ang 'RÚKHA-YAOHÚSHUA' mao ang Menakhem (Comforter - Manlilipay) ug dili Siya ang Messias ug dili usab Siya ang Amahan; 6. Ang magpasipala sa Anak makadawat pa ug kapasayloan, apan ang magpasipala sa 'RÚKHA-YAOHÚSHUA' maoy sala nga walay kapasaylo-an, karong panahona bisan pa sa bag-ong kinabuhi. - (Man-YÁOHU o Mateo 12:31-32; Marcos 3:29-30; Lucas 12:10) 7. Gidawat na sa mga Samaritano si Molkhiúl YAOHÚSHUA apan wala pa nila madawat ang 'RÚKHA-YAOHÚSHUA.' - (Mga Buhat 8: 5-17) 8. Gibuhat ni Molkhiúl YAOHÚSHUA ang pagpangalagad Niya sa yuta, pinaagi sa gahum ug tabang sa 'RÚKHA-YAOHÚSHUA' - (Juan 2:11; Mga Buhat 10:38) 9. Pagkahuman mabanhaw pag usab ni Molkhiúl YAOHÚSHUA nagsulti Siya nga dili Siya ang Espiritu, dili ingon nga sama sa Amahsi YÁOHU UL ug sa 'RÚKHA-YAOHÚSHUA' nga ana-a sa espirituhanong kinaiyahan ug katungdanan. - (Lucas 24:39; Juan 4:24) 10. Ug diha sa mga ulahing panid sa basahon sa Pinadayag, nga makit-an gayod ang tulo ka Persona sa usa lamang ka Pangulong Magbubuhat nga nagkahiusa gayod ug magkauban nga naglihok alang sa pagluwas sa mga magtutuo gikan sa pagkadaotan, ug sa pagsilot kang satanas ug sa mga makasasala. Tagda dinhi, nga ang pagkapuno ug pagbunyag nga gikan sa 'RÚKHA-YAOHÚSHUA' (Balaang Espiritu) nga dili kinahanglan nga madawat una, sa wala pa makadawat sa pagpakatawo pag-usab ug pagsulod sa 'RÚKHA-YAOHÚSHUA' sa kasingkasing ni bisan kinsa nga nagtuo. Mabasa diha sa Juan 20:22 nga gidawat na daan sa mga tinun-an ang 'RÚKHA-YAOHÚSHUA' sa ilang kasing-kasing una pa sila mabunyagi ug mapuno sa 'RÚKHA-YAOHÚSHUA' nga nahisulat usab diha sa Mga Buhat 2:1-24. Usab, sayop kini nga pagtulon-an nga kinahanglan nga isalikway karon dayon.' Ang pagdawat sa 'RÚKHA-YAOHÚSHUA' diha sa inyong kasing-kasing maoy kalig-onan sa inyong pagpakatawo pag-usab, diha sa Ginghari-an ni YÁOHU UL, apan ang pagkapuno ug pagbunyag sa 'RÚKHA-YAOHÚSHUA' maoy gihatag isip regalo aron mapuno sa GAHOM ang mga magtutuo. Ani-a usab ang mga pulong sa Balaang Kasulatan nga nagpakita sa paggamit sa pulong nga 'usa' sa paaging pangkadaghanan o 'compound' nga paagi, ug dili nagpasabot nga usa lang sa numero ang naglangkob niini:
Ang karaang pulong Hebreo nga 'Ulhím' maoy usa ka 'uni-plural' diha sa pinulongang Ingles, ingon nga usa sa mga titulo sa atong Pangulong Magbubuhat. Dili nagpasabot nga usa ka Persona lamang, kondili tulo ka persona kini apan hugot nga nagkahiusa ug managsama, ug sa daghan nga higayon giisip nga usa lamang. Kini maong karaang Hebreo nga pulong maoy nagpasabot nga usa ka managhugpong o magkalangkob, ug dili kini nagpasabot sa usa ka numero lamang nga molangkob sa mga bahin niini. Unsa man karon ang atong kataposang hukom! Nga si YÁOHU Ulhím, mao ang atong Walay Kataposan ug naay kinaiya nga kinaugalingong kinabuhi ingon nga Pangulong Magbubuhat nga nalangkob sa tulo ka nagka-lain lain, magkabuwag ug lain-laing Persona, apan hingpit, ug hugot ang Ilang panaghiusa: Ang Amahan mao si YÁOHU UL, ang Anak mao si Molkhiúl YAOHÚSHUA, ug ang 'RÚKHA-YAOHÚSHUA' nga Siya mao ang Balaan nga Espiritu - ug kini maong tulo ka Persona maingon nga usa ra! Nga ang pagtulon-an ug kamatuoran mahitungod sa Tulo ka Persona sa atong Pangulong Magbubuhat maoy hayag kaayo nga nahisulat sa Balaang Kasulatan ug walay bisan unsa pa nga kahibulongan ug katingalahan nga mahimong ipugos o ikasukol dinhi. Ug nasiguro usab ninyo karon nga si Molkhiúl YAOHÚSHUA nga nahimong tawo, maisip usab nga kahiusa sa mga Persona sa atong Pangulong Magbubuhat ug 100% Siya nga tawo, ug 100% usab Siya nga walay kataposan, nga sama sa Amahan nga YÁOHU UL. 'Hinumdomi, katawhan sa Israel: si YÁOHU Ulhím lamang maoy atong Magbubuhat!' - Deuteronomy 6:4 Ang panalangin ni Molkhiúl YAOHÚSHUA, ug ang gugma ni YÁOHU UL ug ang kapun-an nga gikan sa 'RÚKHA-YAOHÚSHUA' maoy maana-a kaninyo karon ug kanunay. Miingon si Molkhiúl YAOHÚSHUA: 'Busa panlakaw kamo ngadto sa tanang katawhan sa tibuok kalibotan, ug himo-a sila nga akong mga tinun-an, ug bunyagi sila sa Ngalan ni Amahan, sa Anak ug sa Espiritu Santo, ug tudloi sila pagtuman sa tanan nga Akong gisugo kaninyo. Ug hinomdomi! Ahnee (ako) mag-uban kaninyo sa kanunay hangtod sa kataposan sa kalibotan.' - Man-YÁOHU o Mateo 23:19-20.
'Maluwas ka kon ipahayag mo nga si Molkhiúl YAOHÚSHUA mao ang Manluluwas, ug sa kinasingkasing motuo ka nga gibanhaw Siya sa YÁOHU UL.' - Roma 10:9 Balaang Kasulatan. Ang sayop nga pagtulo-an nga 'Unitarian' o 'Oneness' sa pinulongang Ingles, nga lahi ang ilang pagtuo nga sama niini: nga ang Amahan mao ang namatay ug gibanhaw pag-usab sa Amahan ang Iyang kaugalingon gikan sa kamatayon. Apan sukwahi kini sa mga tin-aw nga nahisulat. Maluwas kaha si bisan kinsa nga nagtuo sa mga sayop nga pagtulon-an nga gikan sa diablo? Makuyaw kaayo nga supakon ang klaro nga nahisulat sa Roma 10:9 tungod kay ang nag-inusara nga kinabuhi ug kalag ni bisan kinsa ang nakapatad dinhi! Pasidaan!
Apan ang gihalad ni Molkhiúl YAOHÚSHUA aron maluwas ang tanan mao ang dugo Niya nga walay buling ug putli, hinlo ug hingpit, tungod lagi kay Si Molkhiúl YAOHÚSHUA lamang ang nag-inusa ra nga tawo nga nabuhi dinhi sa kalibotan nga wala gayod makasala. Ang putli ug puro ug hinlo nga 'dam' o dugo lamang ang gidawat sa YÁOHU UL isip pa ngpuy-poy, ug halad nga panghinlo sa mga sala ni bisan kinsa ug aron mawagtang ang kapungot ni YÁOHU UL batok sa mga makasasala. Dili gayod mahimo nga pangtangtang sala ni bisan kinsa ang dugo sa mga baka, karnero, ug kanding ug dili usab kini makahinlo sa kasingkasing sa tawo gikan sa sala, kondili kining tanan maoy pasiuna lamang samtang gipaabot pa ang tinuod nga balaan, hinlo, ug putli nga dugo gikan sa gisaad nga Messias nga Siya mao ang Kordero ni YÁOHU UL. Pagbantay gayod! Kay usa ra ang imong kinabuhi ug kalag nga kini mao ang kinahanglan mo nga siguruhon nga maayo ang kahimtang karong kinabuhia ug labi na gayod sa bag-ong kinabuhi, ug mahimong walay kataposan nga imong matagamtaman didto sa langit o sa impiyerno kaha nga alang sa mga nalimbongan sa kaaway nga mao si satanas (ang kanding). Unsa man ang mapahimuslan ni bisan kinsa, nga bisan pag maangkon niya ang tanang bahandi, kahamugaway, kabantog ug gahom niining kalibotana, ug bisan pag makadaog siya sa tanang matang sa pagpakiglalis ug debate, apan kon ang kapuli niini mao ang iyang walay kataposang pag-antos? Dili gayod magasto ang bahandi didto sa impiyerno. Kay didto wala gayoy kabantog ug gahom, kondili mao lamang ang 'superstar' nga si satanas (star, satar o satur - nga naghisgot kang satanas kining mga pulonga!) Si Molkhiúl YAOHÚSHUA mao ang naghatag kanimo ug kahibalo, katarong, ug pagkabalaan ug pagkatinubos! Haolul-YÁOHU UL Kaokam, ang nag-inusara nga Labing Maalamon nga Walay Kataposan! Usab, nga mao kini ang atong kataposang hukom ug mga nakat-onan nga kamatuoran nga sama niini: Nga si YÁOHU Ulhím, mao ang atong Walay Kataposan ug naay kinaiyahan nga kaugalingong kinabuhi ingon nga Pangulong Magbubuhat ug nalangkob sa tulo ka nagkalain-laing Persona, apan hugot ug hingpit ang Ilang panaghiusa: ang Amahan mao si YÁOHU UL ug ang Anak mao si Molkhiúl YAOHÚSHUA, ug ang 'RÚKHA-YAOHÚSHUA' mao ang Balaang Espiritu - ug kini maong Tulo ka Persona, maisip nga usa ra! Nga ang pagtulon-an ug kamatuoran mahitungod sa Tulo ka Persona sa atong Pangulong Magbubuhat maoy tin-aw kaayo nga nahisulat sa Balaang Kasulatan ug walay bisan unsa pa nga kahibulongan ang mahimo nga ikasukol dinhi. 'Hinumdomi katawhan sa Israel, nga si YÁOHU Ulhím lamang ang atong Magbubuhat! - Deuteronomy 6:4. Kining tanan gihatag kaninyo karon sa panglihuk ug kamatuoran, gugma, pagpaubos, ug sa kinasingkasing nga pag-alagad kang Molkhiúl YAOHÚSHUA. OL SHÚAM YAOHÚSHUA hol-MEHUSHKHÁY, am-nám! Karon nga nagtuo na kamo sa Iyang Ngalan ug gidawat ang tinuod nga Messias lakip ang mga kamatuoran nga gikan Kaniya, busa angay litukon, isulti, ug usbon ko pag-usab, nga kinahanglan nga inyong litukon sa kinasingkasing gayod kini mosunod nga pangaliya aron kamo makadawat karon sa 'RÚKHA-YAOHÚSHUA' o Espiritu ni Molkhiúl YAOHÚSHUA hol-MEHUSHKHÁY, diha sa inyong kasingkasing kon dili pa ninyo kini nabuhat kaniadto. Busa buhata kini karon dayon ug ayaw na saylo-i. Litukon ang mosunod nga pag-ampo:
Gawasnon na kamo karon, baskog, mauswagon, pinasaylo na, gipanalanginan, ug gipuy-an na sa 'RÚKHA-YAOHÚSHUA' diha sa inyong kasingkasing! Daygon nato ug pasalamatan si YÁOHU UL, Ang Labing Halangdon sa yaohod (tanan)! Ug sa inyong bag-ong kinabuhi, magsugod na sa pagtuman sa duha ka labing importanting sugo ni YÁOHU ABÚ (Amahan): 'Higugmaa si YÁOHU UL sa tibuok nimong kasingkasing, tibuok kalag, tibuok kusog, ug tibuok hunahuna!' Ug 'higugmaa ang imong isigkatawo sama sa imong paghigugma sa imong kaugalingon!' Tungod kay kamo mga bag-ong magtutuo ni Molkhiúl YAOHÚSHUA hol-MEHUSHKHÁY, kinahanglan nga magpabunyag kamo sa tubig isip pagtuman sa Iyang sugo (Buhat 2:38). Makigsulti lang kamo kanamo bahin niini ug sa lain pang buluhaton nga imong tambungan sa lawas ni Molkhiúl YAOHÚSHUA hol-MEHUSHKHÁY. Nagtuo kami nga ang 'RÚKHA-YAOHÚSHUA' mao ang naghatag karon sa matag usa kaninyo sa kahayag, kahibalo, kaalam, salabotan, pagpadayag, kamatuoran, pagsalig, pagpaubos, ug Siya usab ang magdala kaninyo sa hingpit nga kamatuoran, ang magtudlo kaninyo, mag-uban ug magpahinumdom kaninyo sa mga pulong ni Molkhiúl YAOHÚSHUA hol-MEHUSHKHÁY, apil na ang buluhaton sa 'RÚKHA-YAOHÚSHUA' aron pailhon kamo sa sala, katarong ug paghukom, karon ug kanunay sumala sa naghingapin Niyang gugma, kaluoy, gracia, gasa, panalangin gikan ni YÁOHU UL kaninyong yaohod (tanan), pinaagi sa Ngalan ni Molkhiúl YAOHÚSHUA hol-MEHUSHKHÁY, am-nám! Timan-i: dili relihiyon ang namatay alang sa inyong kaluwasan, dili usab relihiyon ang Manluluwas, kondili mao lamang ang bugtong Walay Kataposang Manunubos: YAOHÚSHUA hol-MEHUSHKHÁY! Wala namo ipasigarbo ang among kaugalingon ni ang among pundok, kondili ang among gipaila kaninyo mao ang mga PERSONA ni YÁOHU UL, Molkhiúl YAOHÚSHUA, ug ang 'RÚKHA-YAOHÚSHUA' - ang Tulo ka Persona sa usa lamang ka Ulo nga Magbubuhat! Mga walay pulos lamang kami nga mga ulipon sa ni Molkhiúl YAOHÚSHUA, nga Siya mao ang nagtubos kanamo, ug gibuhat lang namo ang angay namong buhaton isip pag-alagad ug gugma diha Kaniya. Mga makasasala gihapon kami nga nakaila, misalig ug midawat sa Molkhiúl YAOHÚSHUA hol-MEHUSHKHÁY! Daghan ang nagtuo, apan ang labing importanti mao ang pagdawat Kaniya diha sa kasingkasing ug magpailalom sa Iyang mga sugo, isip Iyang mga tinun-an o nagtuon. Ang mga hinagiban nga gigamit nato sa atong pagpakig-away dili mga hinagiban sa kalibotan, kondili ang gamhanang mga hinagiban ni YÁOHU UL GABÓR, nga molumpag sa mga kota. Gilumpag nato ang sayop nga mga pangatarongan; gipukan nato ang tanang mapagarabohong balabag nga gipatindog batok sa kahibalo ni YÁOHU UL KAOKÁM; gibuntog nato ang tanang hunahuna ug gihimo kini nga masinulondon kang Molkhiúl YAOHÚSHUA hol-MEHUSHKHÁY! Ug nalamposan na nato karon si ha-satan, pinaagi sa 'DAM' o dugo, ug sa mga pulong, ug tungod kay atong gibuntog ang diablo, namahawa na siya gikan sa yaohod nga mga Yaohúshuahim ug labaw pa kita sa mga malampuson! Daghang pagapasalamat ug pagdayeg ni YÁOHU UL GAVÓHA (Labing Habog) kay Siya mao ang misiguro nga kanunay kita nga malamposon kauban ni Molkhiúl YAOHÚSHUA. Ug wala nato tugoti nga kawaton pa sa unsa man nga daotan ang mga pulong ni YÁOHU UL, nga natanom na karon ug kanunay sa inyong hunahuna ug kasingkasing! Unsa man ang dili nato tugotan dinhi sa yuta dili usab tugotan sa langit. Hinumdumi ang pagtambong sa matag tigom ug mga buluhaton sa Oholyao ug ipahibalo kini kaninyo kon kanus-a kini buhata. Magsugod na kamo sa pagbasa sa Balaang Kasulatan ug sa pag-ampo adlaw-adlaw aron magpasalamat, maghatag ug pagdayeg, mangumpisal ni YÁOHU ABÚ, bahin sa mga sala nga nahimo sa matag-adlaw. Ug bililhon usab ang pagpangayo ug itugyan ni YÁOHU ABUHÚL ang tanan nga inyong mga kakulian ug suliran sa kinabuhi ug ipasolbad kini sa paagi ni YÁOHU UL. Ug unaha ninyo ang Gingharian ni YÁOHU ABUHÚL ug ang tanang butang idugang Niya kaninyo - Man-YÁOHU o Mateo 6:33. Ug gitugyan namo kamo karon diha sa tataw nga pag-alima ni YÁOHU ABÚ, alang sa inyong pagtubo sa espiritu sa Iyang Gingharian hangtod nga makaingon ninyo ang batasan ni Molkhiúl YAOHÚSHUA hol-MEHUSHKHÁY, hangtod sa Iya unyang naduol nga pagbalik! Kay nahisulat nga unsa man ang among talian dinhi sa yuta, talian usab didto sa langit; unsa man ang among buhian dinhi sa yuta; pagabuhian usab didto sa langit. Busa, amo kamong gitalian karon sa pagtuman, pagluhod, ug sa hingpit nga pagtuman ug pagpasakop kang Molkhiúl YAOHÚSHUA hol-MEHUSHKHÁY, hangtod sa kahangtoran! Ug gibuhian usab namo kamo karon gikan sa tanang matang sa pagpanglimbong, pagsimba sa mga lo-ulhim (mga rebulto ug mga estampa) ug gikan sa yaohod nga matang pagpangbihag, sa bakak, ug mga buhat ni satanas ug sa iyang mga daotang espiritu, pinaagi sa 'DAM' o dugo ni Molkhiúl YAOHÚSHUA hol-MEHUSHKHÁY, ug sa Iyang mga anghel ug sa Iyang Ngalan nga - YAOHÚSHUA! You are free, you are delivered, you are whole, and you are blessed now and forever! Kon duna kamo o si bisan kinsa sa inyong palibot nga mga panginahanglang espirituhanon ug materyal o kon inyong kinahanglan ang walay bayad nga babasahonon, labi na ang Balaang Kasulatan, sa binisaya kon Hebreo, isulti lang kini kanamo pinaagi sa mga nag-atiman kaninyo sa Oholyao. Ipadala lang kanamo ang ilang mga kumpletong address ug padalhan namo sila sa walay bayad nga mga babasahonon nga maghatag ug kalipay, kaluwasan, ug seguridad!
Ania pa ang lain pang babasahonon nga walay bayad nga mahimo ninyong pangayoon kanamo:
Tinuod, tataw ug walay pagduha-duha nga si Molkhiúl YAOHÚSHUA lamang ang makapagpagawas kaninyo gikan sa tanang pagkabakakon, pagpanglimbong, pagpangbihag, mga tunglo, ug mga katalagman nga gikan sa kang satanas. Si Molkhiúl YAOHÚSHUA mao ang Kahayag sa Kinabuhi! Paga-alimahan ka ni Molkhiúl YAOHÚSHUA sa mga patik sa mananap. Mianhi si Molkhiúl YAOHÚSHUA aron maghatag sa kinabuhi ug labaw pa sa mauswagong kinabuhi! Nakig-hiusa ka na karon dili alang sa bag-ong relihiyon kondili diha sa Persona ni Molkhiúl YAOHÚSHUA hol-MEHUSHKHÁY, nga Siya mao ang hingpit nga magpagawas kaninyo gikan sa gingharian sa kangit-ngit ug nagdala kaninyo sa Gingharian sa Kahayag! Si Molkhiúl YAOHÚSHUA hol-MEHUSHKHÁY ang inyong Manluluwas, Manunubos, Taming, Maghahatag, ug Pangulong Magbalantay sa inyong kalag karon. Ug amo kamong gitugyan sa gahom ug mahigugmaong YÁOHU UL, hangtod sa kahangtoran! Nagsulti si Molkhiúl YAOHÚSHUA: 'Ayaw kamo paghuna-huna nga mianhi Ahnee aron pagdalag kalinaw sa kalibotan; dili kalinaw ang gidala Ko, kondili espada. Mianhi Ahnee aron magkabangi ang mga anak nga lalaki ug ang ilang amahan, ang mga anak nga babaye ug ang ilang inahan, ug ang mga umagad nga babaye ug ang ilang ugangan nga babaye; ang labing mangil-ad nga kaaway sa tawo mao ra unya ang mga sakop sa iyang kaugalingong panimalay. Ang nagmahal sa iyang amahan o sa iyang inahan labaw Kanako, dili angay kanako; ug kadtong nagmahal sa iyang anak labaw Kanako, dili angay Kanako. Ang dili mopas-an sa iyang yugo ug mosunod Kanako, dili angay Kanako. Ug kadtong nag-amping sa iyang kinabuhi, kawad-an hinuon niini; apan ang kawad-an sa iyang kinabuhi tungod Kanako, makabaton niini!' - Man-YÁOHU o Mateo 10:34-39 Sulat lang kamo o tawag sa telepono, bisag unsa nga inyong gikinahanglan, ania kami aron tabangan kamo, isip among pagpangalagad kang Molkhiúl YAOHÚSHUA nga atong Manunubos ug Taming. Ayaw kamo kaulaw. Abli ang among kasingkasing ug kamot alang sa pagtabang kaninyo, isip mga ulipon ni Molkhiúl YAOHÚSHUA hol-MEHUSHKHÁY sa Iyang lawas, nga mao ang Oholyao Molkhiúl YAOHÚSHUA hol-MEHUSHKHÁY. Ipabasa gihapon kining basahon diha sa inyong palibot, ug bisan asa pa, ug magpakopya niini aron ipanghatag sa uban. Dili diploma ang inyong maipanunod sa inyong mga anak, kondili ang maipaila kanila ang bugtong tinuod ug orihinal nga Magbubuhat, nga mao si YÁOHU UL ug ang bugtong tinuod ug orihinal nga Messias nga mao ang: YAOHÚSHUA hol-MEHUSHKHÁY! Labaw pa gayod Sila kaysa diploma, o bahandi, ug sa tibuok kalibotan! Nahisulat: si YÁOHU UL mao ang naghatag ug gahom aron magmauswagon sa kinabuhi sa malinis o hinlo ug matarong nga paagi! Si YÁOHU UL mao ang klaro nga kasaligan sa kinabuhi, dili ang kuwarta, mga butang, ni ang diploma. Timan-i: Walay laing ngalan ang gihatag ilalom sa langit aron maluwas ang katawhan, gawas lamang sa bugtong ngalan nga: YAOHÚSHUA! Walay laing ngalan.... Panalanginan unta kamo ni YÁOHU UL kanunay; Magpabilin unta ang pana-aw ni YÁOHU UL diha kaninyo aron kamo alimahan kanunay; Hatagan unta kamo kanunay ni YÁOHU UL ug kalinaw, gracia, kaayohan, kabaskog ug walay kataposang kalipay, ug gugmang walay paglubad; Haolul-YÁOHU UL Shua-oléym, UL Gavóha, UL Khanyao-am! Ol Shúam YAOHÚSHUA hol-MEHUSHKHÁY, am-nám! Olkém shua-oléym...! Maghiusa kita alang sa paghimaya ni YÁOHU UL, iisa nato ang Iyang Ngalan! O YÁOHU, YÁOHU pagkahalangdon gayod sa Imong Ngalan ni tibuok kalibotan! Ol Shúam YAOHÚSHUA hol-MEHUSHKHÁY, am-nám! (Sa Ngalan ni YAOHÚSHUA hol-MEHUSHKHÁY, mao gayod...) Contact now!
FTP Mirror Sites:
Webpage:
E-mail Address:
WWW Mirror Sites:
Yaohod kining mga walay-bayad nga mga babasohonong YAOHÚSHUA makit-an ug makuha usab gikan sa mga sumusunod nga lugar sa Internet:
P. O. BOX 1482, JERUSALEM, ISRAEL 91014
Appendix A: Persona sa Usa ka Pangulong Magbubuhat
Hinaot nga mahimong usa ra sila, sama Nato nga usa ra....
Palihog hinumdomi kanunay! 'Ang kaluwasan makapalagan lamang diha kang Molkhiúl YAOHÚSHUA, kay wala nay laing ngalan sa tibuok kalibotan nga gihatag ni YÁOHU UL ngadto sa katawhan nga makaluwas kanato!' - Mga Buhat 4:12, Balaang Kasulatan 'Ug kini ang paagi aron makadawat sang kinabuhing dayon: ang ilang pagpakaila Kanimo, YÁOHU UL, nga mao ang Bugtong tinuod nga Magbubuhat, ug kang YAOHÚSHUA, ang Messias nga Imong gipadala!' - Yaokhanam (Juan) 17:3 Balaang Kasulatan 'Kay unya ulian Ko (YÁOHU UL) ang katawohan sa ulay nga pinulongang Hebreo, aron silang tanan magtawag sa Shúam (Ngalan) ni YÁOHU Ulhím, sa pagsimba Kaniya uban ang ulosahon nga pag-uyon.' - Zafna-YÁOHU (Sofonias) 3:9 Balaang Kasulatan 'Busa mangluhod ang yaohod nga binuhat nga atua sa langit, sa yuta, ug sa ilalom sa yuta; sa pagpasidungog sa Ngalan ni Molkhiúl YAOHÚSHUA hol-MEHUSHKHÁY, ug ang yaohod (tanan) magsangyaw nga si Molkhiúl YAOHÚSHUA hol-MEHUSHKHÁY mao ang Manluluwas, alang sa himaya ni YÁOHU UL nga Amahan!' - Filipos 2:10, Balaang Kasulatan 'Maghiusa unta sila, sama Nato nga Usa ra...' YAOHÚSHUA - ang bugtong paglaom sa tibuok kalibotan!
|
You may click to