YAOHUSHUA IN THE TRIUNE ETERNAL!

YAOHUSHUA IN THE TRIUNE ETERNAL

'Si YAOHUSHUA sa Walay-Kataposang Trayun....'

You may click to DOWNLOAD THEN SAVE the FULL TEXT Cebuano version now....
'BUHATON NATO ANG TAWO SUMALA SA DAGWAY NATO...'
'BUHATON NATO ANG TAWO SUMALA SA DAGWAY NATO....'

Pila ka Persona nga duna ang atong Pangulong Magbubuhat? Tinuod ba ug husto ang doktrina o pagtulon-an bahin sa Tulo ka Persona, o pagtulon-an ba lamang kini nga binuhat sa mga relihiyosong tawo?
Unsa man ang kapuslanan niini kon motuo ahnee o dili niining maong pagtulon-ana, unsa man ang mahimong sangpotanan niini sa akong kinaugalingong kaluwasan ug kahimtang sa umaabot nga bag-ong kinabuhi nga walay kataposan?
Tawo ba lamang ang Molkhiul YAOHUSHUA nga giisip nga Messias, o Makagagahom ba gihapon Siya nga walay sinugdan ug walay kataposan? Kon ang Molkhiul YAOHUSHUA mao ang tinuod nga Makagagahom nga walay kataposan, apan mituo ahnee nga tawo lamang Siya, unsa man ang kalabotan niini sa akong kaugalingong kaluwasan?
Kini mao ang pangkasagarang ipangutana sa kadaghanan mahitungod sa atong Pangulong-Magbubuhat, busa atong susihon karon kon unsa ba ang tinuod nga gisulti sa Balaang Kasulatan isip mga tubag sa maong mga pangutana. Kinahanglan nga naa kamoy abli nga panghunahuna ug pagsabot ug ipadaplin una ang mga daang tinuohan mahitungod sa kahimtang sa atong Pangulong Magbubuhat, ug pasagdi sa makadiyot nga ang Pulong sa Magbubuhat nga mao ang YAOHU UL pinaagi sa paglihok sa 'RUKHA-YAOHUSHUA' (Balaang Espiritu) ang magdala kaninyo sa hingpit nga kamatuoran, pinaagi ni Molkhiul YAOHUSHUA, nga Siya mao ang tinuod nga Dalan, ang Kamatuoran, ug ang Kinabuhi...
Ang pagpadayag sa YAOHU UL sa kalibotan sa paagi nga gitawag nga 'progressive' nga sa ato pa, hinay-hinay, lakang sa lakang, gikan sa himaya ngadto sa kahimayaan, hangtod nga mahitabo ang pagkaputli ug hingpit. Ug ang maayong pananglitan niini mao ang pagpadayag sa Messias o sa Manluluwas sa kalibotan sa tukmang panahon ug gitagna na daan ang Iyang pag-abot. Ang pag-abot ug timailhan ni Gaul YAOHUSHUA, nga nasiguro lamang niadtong miabot na Siya ug nadayag Siya niadtong miabot na Siya sa kalibotan, ug bisag linibo ka tuig ang milabay human ipahibalo nga moabot gayod Siya sumala sa nahisulat sa Balaang Kasulatan. Wala kini magpasabot nga dili angay tuohan ang Messias kay linibo ka tuig una ang milabay human ipadayag ang pag-abot Niya. Mosangpot kini sa kasaypanan ug mahimong bakak alang sa mga wala motuo ug mahimong sayop nga pangataronga. Ug ang usa pa ka maayong pananglitan mao ang paghatag kang Moises sa Napulo ka Sugo. Ug dili kini nagpasabot nga dili na kini angay tuohan kay linibo na katuig ang milabay una pa madayag paggikan kang Noah. Usab, mahimo kini nga balikog nga panghuna-huna ug mahimong sayop nga pangatarongan.
Ug mao gihapong paagiha kon ang hisgotan mao ang mahitungod sa Tulo ka Persona, ug dili kini nagpasabot nga dili angay tuohan ang Messias human Siya mag-alagad dinhi sa kalibotan nga halos tulo kagatos ka tuig na ang milabay human Siya ipadayag sa katawhan ug dili kini nagpasabot nga dili na angay tuohan ug dili tinuod ang Messias. Kay daghan man god kaayo nga nagsulti nga dili angay tuohan ang tulo ka persona tungod kay nahimo lamang kini sa una nga gidawat sa mga katigulangan nga ginatos ka tuig na ang milabay human mag-alagad si Molkhiul YAOHUSHUA dinhi sa yuta. Klaro kaayo nga mahimo kini nga sayop nga pangatarongan kay sumala pa sa nahisulat sa Balaang Kasulatan nga ang paagi sa pagpadayag sa YAOHU UL sa kalibotan mao ang hinay-hinay, lakang sa lakang o ang gitawag nga 'progressive' sa Iningles.
Ug sa matag pagpadayag sa YAOHU UL sa anam-anam nga paagi diha sa mga kamatuoran ug mga kahulogan sa mga nahisulat sa Balaang Kasulatan sa nagkalain-lain kapanahonan, ug sa maong paagi sa YAOHU UL dili kini nagpasabot nga mga bakak kini tungod lamang sa mga pangatarongan nga wala kini tuohi o wala hibal-i sa mga nahiuna nga kaliwatan. Maisip kini nga sayop nga pangatarongan nga mosangpot sa sayop nga tinuohan ug paghukom. Kay kon isalikway gani ang kahayag mapulihan kini sa hingpit nga kangitngit.
Tinuod gayod nga dili makita ni mabasa ang pulong nga 'Tulo ka Persona' diha sa Balaang Kasulatan, apan dayag kaayo ang mga kamatuoran ug mga ebedinsiya sa daghang mga paagi sa mga Pulong nga nahisulat dinhi. Usab, dili nagpasabot nga kon dili nahisulat ang usa ka butang ug laraw diha sa Balaang Kasulatan, ug dili kini nagpasabot nga dili na kini angay tuohan. Apan ania ang maayong pananglitan bahin niini: tinuod nga dili gayod makaplagan ni mabasa sa Balaang Kasulatan nga gibuhat sa YAOHU UL ang mananap nga 'orangutan' kay wala kamoy mabasa nga nahisulat nga sama niini diha sa Balaang kasulatan, nan, maiisip kini nga wala magbuhat ang YAOHU UL sa mananap nga 'orangutan' kay wala mahisulat. Ug tataw kini nga bakak nga pangatarongan ug dili maayong panghunahuna. Ug nagpasabot nga dili na diay angay tuohan ang usa ka butang o pulong ug laraw kay dili man makit-an sa aktuwal nga paagi ug wala masulat sa Balaang Kasulatan, ug dili kini nagpasabot nga dili na katuohan ang maong kamatuoran. Mao gihapon niini ang kamatuoran mahitungod sa pagtulon-an bahin sa 'Tulo ka Persona' nga tataw kaayo nga gitudlo kini ug walay pagduha-duha nga gipahibalo kini sa Balaang Kasulatan, kon ipabilin lamang ni bisan kinsa ang iyang abli nga salabotan ug susihon niya pag-ayo ang mga kamatuoran nga nahisulat dinhi.
Unsa man ang kahulogan sa mga pulong nga 'triune' ug 'trinity'? Nagpasabot kini nga naay tulo ug nagkalainlain nga Persona, apan hingpit ang panaghiusa, ug sa tanang butang ug tumong, maisip nga usa lamang ka Pangulong-Magbubuhat.
Aron makabaton kamo sa hingpit nga pagsabot bahin sa tinuod nga kahulogan sa pulong nga 'triune' (paglitok: 'tra-yun') ug sa maong paagi, makaila kamo sa Tulo ka Persona sa atong Pangulong Magbubuhat, ug kinahanglan nga papaon, kuhaon, isalikway na karon dayon ang gikan sa huna-huna ang mga sumosunod nga mga BAKAK nga mga pagtulon-an ug bisag sa sinugdanan wala kini itudlo sa Balaang Kasulatan:
Ug ania ang mga BAKAK nga pagtulon-an:
1. Nga duna lamang nga usa ka Persona o usa lamang ang Makagagahom nga Siya ang nagbuhat sa tibuok kalibotan ug Siya lamang ang nag-inusa ra nga Walay-Kataposan, walay gigikanan, ug walay kataposan.
2. Nga ang Magbubuhat lamang mao ang Walay-Kataposang Amahan nga nagbuhat sa Anak, ug ang Anak mao ang nagbuhat sa Balaang Espiritu. - ug kini maong sayop nga pagtulon-an, gitawag kini sa Iningles nga 'Arianism.'
3. Nga ang Amahan, ang Anak ug ang Balaang Espiritu maoy usa lamang ug kini mao ang Usa lamang ka Magbubuhat ug Makagagahom.
4. Nga ang Amahan, ang Anak ug ang Balaang Espiritu maoy tulo ka bahin sa usa lamang ka Persona, sama sa tawo nga naay lawas, kalag ug espiritu.
5. Nga ang kamatuoran mahitungod sa Tulo ka Persona, dili na kini kapamatud-an sa Daang Kasabotan.
6. Nga kuno walay bahin sa lawas ang Pangulong Magbubuhat sama sa mata, dalunggan, walay mga kamot, mga tiil ug uban pa.
7. Nga ang Magbubuhat maoy usa lamang ka pagbati sama sa gugma, katarong, gahom ug kini ang naglihok sa tibuok kalibotan.
8. Nga matod pa, ang Molkhiul YAOHUSHUA, mao Siya gihapon ang Amahan, ug Siya usab ang Balaang Espiritu, nga nagpasabot nga usa lamang ka Persona nga milihok sa tulo ka lain-lain nga hulagway.
9. Nga ang Molkhiul YAOHUSHUA mao ang gihisgot nga usa ka Persona diha sa Daang kasabotan diha sa Balaang Kasulatan.
10. Nga ang Hebreo nga pinulongan sama sa 'ekhad' nga mahimo lamang kini nga magpasabot sa usa lamang ka numero, busa dili mahimo nga magbaton pa ug usa ka magbubuhat nga natingob sa Tulo ka nagkalain-laing Persona.
11. Nga ang Amahan kuno mao ang 'senior' nga Makagagahom, ug ang Molkhiul YAOHUSHUA mao ang 'junior' Makagagahom, ug mas labaw nga ubos ang kinaiyahan kaysa Amahan; ug ang Amahan gihapon ang gitawag nga 'Almighty' ug ang Molkhiul YAOHUSHUA mao lamang ang 'Mighty' sa mga titulo.
12. Nga ang pagtuo mahitungod sa pagtulon-an mahitungod sa Tulo ka Persona sa Pangulong Magbubuhat maoy supak sa kamatuoran nga naay usa lamang ka Magbubuhat.
13. Nga ang Pangulong Magbubuhat maoy walay pagbati sa tawo, busa kon gihisgot na kini isipon kini nga mga pampaanyag lamang nga pinulongan.
Usab, kining tanan pulos mga BAKAK nga kinahanglan nga isalikway, papaon, kuhaon gikan sa inyong huna-huna, kon duna man galing nga sama niining maong mga bakak nga pagtulon-an nga naa sa sulod sa inyong huna-huna.
Si Molkhiul YAOHUSHUA mao ang kamatuoran nga makapagpagawas kaninyo gikan sa tanang bakak nga naggikan kang satanas, nga siya mao ang amahan sa tanang bakak.
Ug angay nga ipadaplin una ang bisan unsa nga mga daotang huna-huna, ug mga kahibulangan kuno, ug sabta karon ang mga mahayag nga nahisulat sa Balaang Kasulatan nga magpahibalo kaninyo sa mga tin-aw mahitungod sa kamatuoran sa pagbaton ug tulo ka nagkalainlaing Persona, apan hingpit ang panaghiusa, sa atong Pangulong Magbubuhat.
Ug kinahanglan nga atong mahibaloan karon ang mga mosunod nga Pulong nga makaplagan diha sa Daang Kasabotan nga nahisulat sa Balaang Kasulatan:
1. Genesis 3:22 - 'Karon ang tawo nahisama na Kanato' (wala gayod isipa sa YAOHU UL nga kaingon Niya ang mga kerubin, serafim, ug ang mga arkanghel, busa dili gayod mahimong maghisgot ang pulong nga 'kanato' diha sa YAOHU UL ug sa mga anghel).
2. Genesis 19:24 - 'Gipaulanan sa YAOHU UL ang Sodoma ug Gomora sa nagsigang asupre ug kalayo gikan YAOHU UL sa langit.'
3. Genesis 1:23 - 'Buhaton Nato ang tawo sama sa Atong dagway...'
4. Zacarias 1:7-21 - Duha ka pangulo ang naghisgot niini, ug mabasa hangtod sa Zacarias 13:6-7 nga kon diin duha ka Pangulo ang gihisgot ug isig ka magka-ingon.
5. Genesis 11:7 - 'Busa manaog kita ug libogon ta ang ilang pinulongan aron dili sila magkasinabtanay.'
6. Daniel 7:13 - 'Ug nakita ko uban sa mga panganod sa langit nga daw usa ka tawo, ug miduol Siya sa Walay Kataposan, ug gipaila Siya Kaniya.'
7. Genesis 20:13 - Ang 'ULHIM' ang sinugdanan nganong nagsuroy-suroy ahnee' (pangdaghan ang hebreo nga pulong nga ULHIM)
8. Genesis 35:7 - 'Mitungha o mipakita ang ULHIM kaniya.' (ang gigamit nga berbo sa Hebreo mao ang pangdinaghanay).
9. Mga Salmo 110:1 - 'Nagsulti ang YAOHU UL sa akong Agalon.'
10. Isaias 9:6 - Pagatawgon nga UL Gabbor ang masuso, nga sa ato pa, Labawng Makagagahom.'
Sumala sa pasikaran nga nahisulat sa Balaang kasulatan, nga makit-an gayod ang kamatuoran pinaagi sa duha kon tulo nga nagpamatuod ug makit-an nga lig-on gayod ang ilang gipanulti nga pagtulon-an. Ug mahibaloan usab ninyo diha sa Balaang Kasulatan nga sama nila Moises, Daniel, Zacarias, Isaias ug ni David ug silang tanan nagpadayag ug nagpamatuod mahitungod sa kamatuoran sa pagbaton ug Tulo ka Persona diha sa atong Pangulong Magbubuhat, ug mapamatud-an usab kini bisag diha sa Daang Kasabotan.
Pahibalo: Ang karaanon nga hebreohanong pinulongang 'ULHIM' maoy nagpasabot sa pangdinaghanay (plural) apan usa lamang kon sangpiton kini, sama sa Ingles nga pinulongan sa 'sheep' ug mahimo kini nga gamiton sa mao gihapong pulong, mahimong isipon kini nga usa lang (singular) maisip usab kini nga pang-dinaghanay (plural) nga hilisgotan.
Sama gihapon niini ang pulong nga 'ekhad' nga mahimo nga maghisgot lamang sa usa ka numero, ug mahimo usab nga maghisot sa pangdinaghanay apan maisip kini nga usa ra, sama sa pananglitan kon giunsa kini gamita diha sa Numero 14:23 diha sa Balaang Kasulatan.
(Kon buot kamo nga makabaton pag labaw nga kahibalo ug mahayagan mahitungod sa mga titulo ug Ngalan sa Magbubuhat, mahimo nga makapangayo kamo karon dayon sa among gipanghatag nga babasahonon sama sa: 'YAOHUSHUA' - Ang Messias.)
Ug sa Tulo ka Persona sa atong Pangulong Magbubuhat nga bisan sila naay nagkalain-lain (apan hingpit ang panaghiusa) nga Persona, ug tungod sa Ilang paghiusa sa pagpasiugda, nga nakahukom Sila nga modumala sa tulo ka ang-ang (steps) sa pagdumala ug katungdanan diha sa Ilang naghiusang paglihok aron luwason ang katawhan gikan sa sala ug mga silot niini. Busa ang YAOHU UL mao ang nagpasiugda nga magdumala ingon nga Amahan, apan ang Molkhiul YAOHUSHUA usab maoy nagpasiugda aron magdumala ingon nga Anak ug Manluluwas, ug ang 'RUKHA-YAOHUSHUA' usab maoy nagpasiugda aron magdumala ingon nga Manlilipay ug Tigpanalipod (Comforter) sa tanan nga magtutuo.
Ug sabta kini pag-ayo: parehas Silag kinaiyahan ingon nga Walay- Kataposan, apan lain-lain ang katungdanan nga gidumalahan, ug sa ilang kinaugalingong pagpasiugda ug naay hugot nga paghiusa nga gibuhat ang usa ka tumong nga luwason ang katawhan nga nahiagom sa pagkadaotan. Kinahanglan nga dili gayod angay pagsagulon ni bisan kinsa ang Persona sa katungdanan nga ilang gibuhat. Lahi gayod ang Persona kontra sa katungdanan nga Iyang gidumalahan. Silang tulo naay usa lamang ka kinaiyahan isip maingon nga Walay-Kataposan, apan nagdumala gihapon sila sa nagkalain-laing katungdanan ug ang maong mga katungdanan naay iya-iyang ang-ang sa pagdumala ug bulohaton aron luwason ang katawhan.
Ug ania ang maayong pananglitan nga sama niini: Kon ugaling naay tulo ka mag-igsoon nga may-ong pag-ayo o 'triplets' nga natawo, ug silang tulo hingpit ang pagkamay-ong ug halos walay nalahi diha kanila. Ug sa diha midako na sila ug naglaraw sila aron makatabang sa ilang lungsod, ang gibuhat sa usa nagpasiugda ug napili siya aron mahimong Mayor, ug kadtong ika-duha maoy nagpasiugda ug napili usab siya aron mahimong Maghuhukom, ug kadtong ika-tulo maoy nahimong Pangulo sa mga pulis. Lain-alin ang ilang mga katungdanan, apan kon pagahisgotan mao ang ilang pagkatawo, makit-an gayod nga hugot ang ilang pagkamay-ong, apan bisan pa diha sa ilang katungdanan nga kadtong usa nga mas labaw ang katungdanan didto sa ikaduha. Ug kadtong Pangulo sa mga pulis mahimo sa pag-ingon nga:
'Si Mayor maoy labaw kay kanako.' Ug sa laing higayon makahimo usab siya sa pag-ingon nga: 'Si Mayor ug ahnee usa ra.' Ug sa primerong pagkasulti, ang iyang gihisgot mao ang iyang kaugalingong pagdumala sa iyang gidumalahan nga katungdanan. Ug sa ikaduhang gisulti ang gihisgot niya mao ang iyang kinaiyahan ug pagkatawo. Lahi ang pagkatawo kay sa katungdanan nga gidumalahan ni bisan kinsa. Ug kadtong tulo mahimo nga dungan sila nga moingon sama niini: 'Usa ra gayod kami!' Ug sa unsang pagpasabot? Ug nagkahulogan nga may-ong gayod sila, gikan sa usa lamang ka inahan, nga naglaraw sila aron matabangan ang ilang lungsod, ug silang tulo nagkapareho ang pagbati ug huna-huna! Ug ang ilang mga gisaysay maoy mga kamatuoran, ug mahayagan si bisan kinsa ug sabton sa hustong pagkahulogan niini ug ipasabot kini sa hustong kahulogan!
Ug ang usa pa ka karaang paagi ni satanas (ang dragon, bitin) alang sa paglimbong mao ang papilion si bisan kinsa taliwala sa duha ka butang nga magkapareho nga iyaha diay, ug sa dihang malimbongan siya ug mipili sa usa, ug kadtong ikaduha maoy makawat kaniya kay usa ra man ang gipili niya, apan kon duha ang gipili niya dili siya makawatan, tungod kay iyaha ug tinuod gayod ang duha ka gipilian. Ug ania ang pananglitan nga sama niini: Bahin sa testamento nga gibilin sa imong tiyo nga namatay, nahisulat didto sa testamento nga mapanunod nimo kadtong iyang uma apil na ang tanang mga hayop sa sulod niini. Ug ang paagi sa abtik nga abogado sa imong tiya papilion ka kon unsa gayod ang imong angkonon, kon ang kaumahan o ang mga hayop nga naa sa sulod niini. Apan kon magpataka ka lag pili, ug mipili kag usa lang bisag asa diha sa duha ka butang, mabitik ug malimbongan ka gayod! Unsay pilion nimo uma o mga hayop? Ang hustong tubag mao kini: 'Pahawa satanas sa akong atubangan, nahisulat sa testamento nga ang kaumahan APIL NA ang tanan nga mga hayop niini maoy mapanunod ko!'
Ug sama gihapon niini, sa pagsabot mahitungod diha sa Walay-Kataposang Kinaiyahan sa atong Pangulong Magbubuhat, kon tingali nga naay mangutana kanimo: 'Pila ka Persona ang atong Magbubuhat, isa o tulo?' Ang hustong tubag mao kini: 'Tulo apan usa!' Mao kini ang kahulogan sa pulong nga 'TRIUNE' (paglitok: tra-yun'). Usab, nga ang karaan nga pinulongang Hebreo nga 'ULHIM' maoy gigamit nga pang-ulusahon (singular) ug mahimo usab nga gamiton kini nga pangdinaghanay (plural) diha sa Balaang Kasulatan! Husto kini ug magkapareho: tulo ka persona, usa ra ka Makagagahom! Mao kana ang tinuod nga paagi o sitwasyon sa atong Pangulong Magbubuhat!
Tawo ba lamang ang Molkhiul YAOHUSHUA o nahisama Siya sa Amahan nga pareho nga Walay-Kataposan? Usab, mao kini ang hustong tubag: 'Ang Molkhiul YAOHUSHUA maoy 100% nga tawo ug Siya usab 100% nga Makagagahom o Walay Kataposan!'
Dili gayod tunga lang nga tawo ug dili usab katunga nga Makagagahom, kondili (100%) nga tawo ug (100%) nga Makagagahom, mao gani nga Siya mao ang gitawag nga Makagagahom nga nahimong tawo! Klaro gayod kaayo! Daygon ug pasalamatan nato karon ang YAOHU UL KAOKAM (Maalamon) nga Siya mao ang naghatag ug kaalam, kahayag ug kamatuoran diha kaninyo, karon ug sa kanunay, pinaagi diha sa paglihok kaninyo sa 'RUKHA-YAOHUSHUA.' HaolalYaohu Orulyao!
Mas labaw ba ang Amahan kontra diha sa Anak o usa ra sila? Usab, ang hustong tubag bahin niini mao kini: Sa Ilang katungdanan ug bulohaton, tinuod gayod nga mas labaw ang Amahan kay sa Anak, ug mahitungod sa Ilang Walay-Kataposang Kinaiyahan, tinuod nga usa ra sila!'
Gisalikway na gayod ninyo ang karaanong paagi sa pagpanlimbong ug pagpangawat ni satanas, ang paagi nga 'papilion ka aron malimbongan' - tungod kay ang atong gipili mao ang tanan nga tin-aw nga mga kamatuoran nga gipadayag sa Balaang Kasulatan!
Ania ang mga nahisulat sa Balaang Kasulatan nga nagpamatuod nga Walay Kataposan ang Kinaiyahan ni Molkhiul YAOHUSHUA, nga sama sa kinaiyahan sa Amahan:
1. Gisimba ang Molkhiul YAOHUSHUA, sama sa pagsimba nga alang sa Amahan, bisan pa niadtong masuso pa Siya. - Mateo 2:11
2. Sa tanang higayon nga nag-alagad pa dinhi sa kalibotan si Molkhiul YAOHUSHUA, nakadawat Siyag mga pagsimba nga unta diha lamang sa YAOHU UL angay buhaton sa katawhan. - Marcos 5:22; Lucas 5:8; Lucas17:16; Juan 11:32; Marcos 5:33; Marcos 7:25; Lucas 5:12; Lucas 8:28.
3. Gihukman si Molkhiul YAOHUSHUA kay giingon Niya nga tupong o pareho lang Siya ug ang Amahan nga YAOHU UL. - Juan 5:18; Juan 8:53-59; Juan 10:33; Hebreo 1:5-14; Juan 1:1-2.
'Tungod niini misamot hinuon ang tinguha sa mga kadagkoan sa mga Judio sa pagpatay Kaniya, sanglit dili lamang kay gilapas Niya ang balaod sa Adlawng Igpapahulay, kondili miingon pa gayod Siya nga ang YAOHU UL Iyang Amahan, ug sa ingon niini gipakasama Niya ang Iyang kaugalingon sa YAOHU UL.' - Juan 5:18
4. Naa sa lawas ni Molkhiul YAOHUSHUA ang tibuok kapun-an sa Pangulong Magbubuhat - Colosas 2:9
5. Ginamit ni propeta Isaias ang titulo nga 'UL Gabbor' (UL - nagpasabot nga Walay Kataposan ang kinaiyahan) niadtong mitagna siya mahitungod kang Molkhiul YAOHUSHUA. - Isaias 9:6
6. Giangkon ni Molkhiul YAOHUSHUA nga Siya ug ang Amahan usa lamang. - Juan 10:30
7. Miingon si Molkhiul YAOHUSHUA nga Siya mao ang alef ug ang tav, ang sunugdanan ug ang kataposan. - Gipadayag 22:13
8. Ang gigikanan ni Molkhiul YAOHUSHUA mao ang milabay nga walay kataposan. - Miqueas 5:2
9. Mas labaw si Molkhiul YAOHUSHUA kay sa kila Moises ug sa mga propeta diha sa Daang Kasulatan. - Mateo 17:5 10. Putli ug walay sala ang Molkhiul YAOHUSHUA, ug kini ang kinaiyahan isip Walay Kataposan nga Pangulong Magbubuhat. - Hebreo 4:15 11. Naa sa mga kamot ni Molkhiul YAOHUSHUA ang tanang katungdanan sa langit ug sa yuta. - Mateo 28:18 12. Sa sinugdanan naa na ang Pulong ug ang Pulong kauban sa YAOHU UL, ug ang Pulong mao man ang UL (Walay-Kataposang, Labing Gamhanan) ug ang Pulong nahimong tawo ug nagpuyo dinhi kanato. - Juan 1:1; 1:14
13. Ug sa Iyang kinaiyahan isip Walay-Kataposang UL, wala Siya maninguha sa kaugalingon Niyang kabantog. - Filipos 2:6-7
14. Pagatawgon Siya nga 'Immanu-UL (nagpasabot nga nag-uban kanato ang Walay-Kataposang UL.' - Mateo 1:23
15. Wala isipa sa Molkhiul YAOHUSHUA nga pagpangilog ang pagpakasama sa YAOHU UL. - Filipos 2:6
16. Ang Molkhiul YAOHUSHUA mao ang isig ka magbubuhat sa tibuok kalibotan. - Juan 1:3
17. Ang mga titulo nga angayan lamang sa Walay-Kataposang Magbubuhat maoy gihatag kang Molkhiul YAOHUSHUA sumala sa Balaang Kasulatan.
Ang mga gipanganak sa tawo maingon nga tawo usab, ang gipanganak sa mga isda maingon nga isda usab, ang mga gipanganak sa mga langgam maingon nga langgam usab; ang bunga sa mangga, mangga usab ug ang bunga sa mansanas, mansanas usab; nagpasabot nga ang matag may kinabuhi maoy magbunga o manganak sumala sa kinaiyahan nga gigikanan.
Busa, ang Anak sa Tawo, tawo usab, ug ang Anak sa Makagagahom, makagagahom usab! Ang Anak sa Walay Kataposan, mahimong Walay-Kataposan usab! Ang Molkhiul YAOHUSHUA mao ang bugtong Anak sa YAOHU UL, nga naay kinaiyahan nga sama usab sa YAOHU UL, nga Walay-Kataposan!
Kon gigamit diha sa Balaang Kasulatan ang titulo nga 'Anak sa Tawo' nagpasabot nga ang naglihok sa Persona sa Molkhiul YAOHUSHUA mao ang Iyang pagkatawo; apan kon sa dihang gigamit na diha Kaniya ang titulo nga 'Anak sa Makagagahom' naglihok diha sa iyang Persona mao ang Iyang pagka-UL - Labing Gamhanan nga Walay Kataposan! Tin-aw gayod kaayo! Daygon ug pasalamatan nato karon ang YAOHU UL ORUL (Ang Kahayag). HaolalYaohu UL Orul!
Karon, nakasiguro na gayod kamo nga ang Molkhiul YAOHUSHUA maoy Walay Kataposan ang kinaiyahan, ug Siya ang nag-inusa ra, tinuod ug orihinal nga Messias, Manluluwas ug Manunubos sa katawhan! Wala na gayoy laing ngalan nga molabaw pa sa ngalan ni Molkhiul YAOHUSHUA! Daghan man gihapon nga mga pulong sa Balaang Kasulatan nga nagsulti nga tawo ang Molkhiul YAOHUSHUA. Tinuod gayod kini kay 100% nga tawo Siya ug 100% usab Siya nga Walay Kataposan. Mao man gani nga ang usa sa Iyang mga titulo mao ang 'Anak sa Tawo.' Timan-i, dili katunga nga tawo ug dili sad katunga nga Walay-Kataposan ang Molkhiul YAOHUSHUA, kondili siyento por siyento (100%) nga tawo ug siyento por siyento (100%) usab Siya nga Walay Kataposan! Tin-aw gihapon!
Ug ania usab ang mga pulong sa Balaang Kasulatan nga magpamatuod nga ang Balaan nga Espiritu o 'RUKHA-YAOHUSHUA' maoy kahiusa o kauban sa tulo ka Persona nga Walay Kataposan isip atong Pangulong Magbubuhat:
1. Mapahilak ang 'RUKHA-YAOHUSHUA' - Efeso 4:30
2. Nagtudlo ang 'RUKHA-YAOHUSHUA.' - Lucas 12:12; 1 Corinto 2:13; Juan 14:26
3. Ang 'RUKHA-YAOHUSHUA' mao ang nagahikap sa kasing-kasing sa mga tawo - Juan 16:8
4. Iyang giagak ug gilingaw ang mga magtutuo sa Molkhiul YAOHUSHUA - Juan 16:7; Mga Buhat 9:31
5. Mahimo Siya nga mapanghimakakan - Mga Buhat 5:3
6. Nagsulti Siya pinaagi sa mga tawo - Mga Buhat 1:16; 13:2; 21:11; ug 28:25
7. Naghatag Siya sa pagdihog sa lana (anointing) ug gahom - Mga Buhat 10:38; Roma 15:13
8. Ang 'RUKHA-YAOHUSHUA' ang Naghukom - Mga Buhat 15:38
9. Siya ang naghatag ug direksyon - Mga Buhat 15:28
10. Nakighiusa ang 'RUKHA-YAOHUSHUA' diha sa mga tawo - 1 Cor. 13:14
11. Siya mao ang nagpabala-an o nagahinlo sa mga magtutuo - Roma 15:16
12. Siya mao ang nag tultol sa mga tawo ug gidala sila sa tanang kamatuoran - Juan 16:13
13. Makasugo ang 'RUKHA-YAOHUSHUA' sa mga tinugyanan - Mga Buhat 13:4
14. Mahimo Siya nga mapasipalahan - Mateo 12:31-32
15. Siya ang naghatag sa kamatuoran - Mga Buhat 5:32; 20:23; Roma 9:1; Hebreo 10:15
16. Ang 'RUKHA-YAOHUSHUA' ang naghatag sa mga gasa o regalo - 1 Cor. 12
17. Gitabangan Niya ang mga magtutuo alang sa pag-ampo - Roma 8:26; Juan 1:20
18. Ang 'RUKHA-YAOHUSHUA' ang naghatag sa mga sugo o mando - Mga Buhat 1:2
19. Mahimo siya nga supakon - Mga Buhat 7:51
20. Siya ang naghatag sa kalinaw ug kalipay sa mga nagtuo kang Molkhiul YAOHUSHUA - Roma 14:17; 1 Tessalonica 1:6
21. Gipakita Niya sa mga magtutuo, ang mga mahitabo sa umaabot - Juan 16:13
22. Gipahinumdom Niya sa mga magtutuo ang mga pulong sa Molkhiul YAOHUSHUA - Juan 14:26
23. Siya ang nagpahimutang sa mga tigbalantay - Mga Buhat 20:28
24. Nagpuyo ang 'RUKHA-YAOHUSHUA' sa kasing kasing sa mga magtutuo - 1 Corinto 6:19; 2 Timoteo 1:14
25. Siya ang maghukom kon nahiangay o dili ang mga tawo - 2 Corinto 6:6
26. Ang magbakak Kaniya nagbakak usab sa Walay-Kataposang Magbubuhat - Mga Buhat 5:1-4
Sa kaulahi-ang pagpamulong ni Emissary Shaul (Apostol Pablo) sa basahon sa 2 Corinto, miingon Siya: 'Ang panalangin sa Molkhiul YAOHUSHUA ug ang pag-higugma sa YAOHU UL, ug ang pakighiusa sa 'RUKHA-YAOHUSHUA' maoy maana-a kaninyong tanan...'
Miingon usab si Molkhiul YAOHUSHUA, 'Bunyagi ninyo sila sa Ngalan sa Amahan ug sa Anak ug sa Balaang Espiritu.' - Mateo 28:19.
Tagda ninyo ang giingon nga 'sa Ngalan' ug dili 'sa mga Pangalan' nga nagpasabot nga naay usa lang ka pang kasagarang Ngalan sa Tulo ka Persona nga milangkob sa atong Pangulong Magbubuhat.
Sa pagbunyag sa tubig nga gihimo ni Evangelista Juan diha kang Molkhiul YAOHUSHUA, nahisulat: 'Pagkahuman mabunyagan ang Molkhiul YAOHUSHUA, mikawas siya - gikan sa tubig, ug dinhi naabli ang langit diha kaniya ug nakita niya ang 'RUKHA' sa YAOHU UL na mikunsad Kaniya daw salampati ug mitugdon Kaniya. Ug unya may tingog gikan sa langit nga nag-ingon. 'Kini mao ang hinigugma kong Anak nga nakalipay nako pag-ayo.' - Mateo 3:16-17.
Kini maong mga pulunga mao ang labing maayong kamatuoran nga naay Tulong Persona sa usa ra ka Pangulong Magbubuhat, sabta ninyo pag-ayo ang mga nahitabo. Ang Molkhiul YAOHUSHUA mao ang gibunyagan ug naa Siya kaniadto ibabaw sa yuta, ang 'RUKHA-YAOHUSHUA' usab mikunsad Kaniya nga daw salampati, ug ang tingog sa Amahang YAOHU UL, nadungog gikan sa langit nga nag-ingon:
Kini ang Akong Anak...' Wala mag-ingon nga kanang gibunyagan Ahnee kana, dili gayod! Ug ang giingon mao kini: 'Kini ang akong Anak' - ug dili usab ang RUKHA nga daw salampati ang gibunyagan ni ang tingog nga nagsulti. Hayag ug tin-aw kaayo kining nahisulat nga makit-an ang Walay-Kataposang Tulo ka Persona sa usa ka Pangulong Magbubuhat! Kon dili pa kini igo nga pamatuod alang sa uban, mahitabo diha kanila ang giingon nga:
'Kang bisan kinsa nga dili gusto nga motuo, walay igong pamatuod, apan sa mga gustong mutuo, dili na kinahanglan ang pamatuod.'
Tagda ninyo nga walay nagpakita nga salampati, kondili hulagway lang - o sama lang sa salampati, Ug bisan pag tinuod nga naay nagpakita nga salamapati, dili kini igo nga pasikaran aron ang mga tawo tugotan sa pagsimba sa mga larawan sa mga salampati tungod kay ginadili gayod kini sa YAOHU UL, ug tin-aw kaayo nga nahisulat sa Balaang Kasulatan.
'Ayaw pagbuhat ug lo-ulhim o larawan sa bisan unsa didto sa langit o dinhi sa yuta, o dinhi sa tubig ug ana-a ilalom sa yuta.' - Exodo 20:4.
Ang pulong nga 'mga langgam' sa mga gihisgot nga pulong maoy sigurado nga apil usab ang mga rebulto, larawan o estatwa kaha sa salampati, tungod kay usa ka matang sa langgam ang salampati. Hilas ug ngil-ad sa pana-aw sa YAOHU UL ang pagsimba sa salampati, ug klaro kaayo nga silotan sa YAOHU UL si bisan kinsa nga nagbuhat niining maong sala. Aksidente na siya sa kalendaryo sa langit, gipaabot na lang niya kon kanus-a kini modangat, ug sa unsang paagi mahitabo. Unsa man ang angay buhaton? Maghinulsol na karon dayon ug maghunong na sa binuang nga pagsimba sa mga larawan, rebulto, larawan sa mga tawo, langgam, mga hayop, ug mga isda aron madawat ang mga panalangin ug gasa gikan sa YAOHU UL, ug aron malikayan ang silot sa maong pagkadaotan.
Ug mobalik kita karon sa atong gihisgotan nga pagtulon-an...
Nahisulat gihapon sa Balaang Kasulatan:
'Adunay tulo ka saksi: Ang ABU (Ama), ang Pulong ug ang Balaang Espiritu ug kining tulo nagkahi-usa!' - 1 Juan 5:7, tin-aw na nahisulat sa Balaang Kasulatan.
Nasayod kitang tanan nga ang Molkhiul YAOHUSHUA mao ang Pulong nga nahimong tawo.
Ibutang nato, apan wala usab maga ingon nga tinuod kondili pananglitan lang nga ang Molkhiul YAOHUSHUA diay gihapon ang Walay- Kataposang Amahan ug usa ka Persona lang ang naglihok ug naghimo sa tulo ka buluhaton sa Magbubuhat isip Amahan, Anak, ug Balaang Espiritu, nagpasabot kini nga angayan usab nga dawaton kining mga mosunod nga mga ibunga nga bakak sa sayop nga pananglitan nga nahisgutan.
1. Nga mahimong bakakon ang Molkhiul YAOHUSHUA sa dihang nag-ingon Siya nga gisugo Siya sa ABU (Amahan), nga nahibaloan man Niya unta nga gisugo Niya ang Iyang kaugalingon;
2. Na ang Molkhiul YAOHUSHUA ay nagbakak adtong miingon Siya nga wala Siya masayod kon kanus-a Siya mobalik, samtang nahibalo diay Siya niini:
3. Nga mobalik kuno Siya sa ABU (Ama), samtang mobalik diay Siya sa Iyang kaugalingon;
4. Ug ang mga pulong nga Iyang gisulti nga kini dili gikan Kaniya, kondili nagagikan sa ABU (Amahan), samtang ang tinuod diay niini, gikan lang gihapon kini sa Iyang kaugalingon;
5. Nga gikan Siya sa ABU (Amahan), apan Iyang gipanganak ang Iyaha ra usab nga kaugalingon;
6. Nga Siya kuno ang Anak sa panimalay sa Iyang Amahan, samtang Siya diay ang Amahan ug ang Anak;
7. Nga ihalad kuno Niya ang Iyang kaugalingong kinabuhi aron patyon, samtang nasayod Siya nga ang Amahan diay ang tinuod nga patyon;
8. Sa pagkahimugso kang Molkhiul YAOHUSHUA, nga nagpasabot nga ania dinhi sa yuta ang masuso nga gidayeg sa mga tawo, ug ang mga anghel sa langit nga malipayong nagdayeg usab sa ABU (Amahan), samtang kadto diay nga gipanganak sa yuta mao na ang Amahan, ug nagpasabot nga tinuod gayod nga walay unsa man nga Persona sa langit samtang ania sa kalibotan si Molkhiul YAOHUSHUA.
9. Ug sa mga higayon nga nagsuginlanay o nag-istorya ang ABU (Amahan) ug Anak ug daghang mga tawo ang makadungog niini, gipakita lang ni Molkhiul YAOHUSHUA ang Iyang pagkabatid o pagkasuhito sa 'ventriloquism' o pag-labay ug pag-itsa sa tingog sa laing lugar o mga butang nga pangkasagarang gibuhat sa mga salamangkiro;
10. Nga nagbakak ang Molkhiul YAOHUSHUA niadtong nagsulti Siya nga molingkod Siya sa tuo sa ABU (Amahan), samtang ang tinuod diay, molingkod Siya sa tuo sa Iyang kaugalingon;
11. Nan, dili na mahimong Amahan ni Molkhiul YAOHUSHUA ang YAOHU UL, kondili si Molkhiul YAOHUSHUA na mismo ang mahimong Amahan sa Iyang kaugalingon;
12. Gipahisalaag ni Molkhiul YAOHUSHUA ang Iyang mga tinun-an, niadtong gisugo Niya sila nga dili sila mag-ampo Kaniya, kondili didto sa Amahan nga YAOHU UL nga toa sa langit, samtang ang tinuod diay nga mag-ampo gihapon sila sa Iyaha ra usab;
13. Mahimong bakakon ang Molkhiul YAOHUSHUA niadtong nagsulti Siya nga magpadala Siyag kapuli nga Manlilipay, samtang nasayod diay Siya nga Iyang sugoon mismo ang Iyang kaugalingon, ug daghan pang matingob nga mga bakak nga bunga mahitungod sa sayop nga pagtuo nga usa ra ka Persona ang Amahan ug ang Anak!
Ug mao kini ang hayag kaayo nga pananglitan sa usa ka kasaypanan ug sayop nga pagtulon-an nga magbunga sa linibo ka bakak ug sayop nga tinuohan. Nga naggikan sa sayop nga pagsabot sa kamatuoran nianang mga mubo ang salabotan. Ug klaro nga supak o babag ug dakong kabuang ang sayop nga pagtulon-an nga 'unitarian' o 'oneness' nga gitawag sa Ingles. Ug gitawag nga 'heresy' sa Ingles ang mga sayop nga pagtulon-an o pagtulon-an nga supak sa kamatuoran sama sa giingon nga 'oneness' false doctrine. Ug sumala pa sa Balaang Kasulatan nga ang maong matang sa sayop nga doktrina o pagtulon-an maoy gitawag nga 'doctrine of demons' nga sa ato pa, 'pagtulon-an sa mga diablo' nga nagagikan sa kahiladman sa impiyerno! Ayaw gayod kamo palimbong!
Wala nato sawaya ni gituis ang mga tawo, kondili kadtong mga sayop nga pagtulon-an lamang, kay dili man mga tawo ang atong kaaway, kondili ang mga pagtulon-an sa diablo. Dili usab nato gusto nga pasakitan ang pagbati ni bisan kinsa, kondili kinahanglan gayod nga ipahibalo sa kadaghanan ang kamatuoran nga gisulti sa Balaang kasulatan. Ug sa paghatag niining maong pagtulon-an, lakip ang among kinasingkasing pagpaubos, gugma, ug kaluoy diha sa mga nangit-ngitan ang salabotan, mao nga gisulat kining pagtulon-ana. Kay ang Molkhiul YAOHUSHUA ang Kahayag o Suga sa tibuok kalibotan!
Busa, mianhi ang Anak sa YAOHU UL aron laglagon ang mga buhat ni satanas, nga mao ang manlilimbong... matod pa sa 1 Juan 3:8 Tanan nga anghel sa kalangitan, daotan kini o maayo nga anghel ug silang tanan miila sa Amahan nga YAOHU UL nga lahi kay sa Anak kaniadto sa dihang ania pa sa kalibotan.
Ug sa tinud-anay, kini maong pagtulon-an ug kining kamatuoran nga naghisgot sa Tulo ka Persona sa usa lamang ka Pangulong magbubuhat dali ra kaayong tuohan ug madawat ni bisan kinsa. Mao nga mura ug naglisod ang kadaghanan bahin sa pagsabot niini, tungod kay gipugos man god nila nga butangan o sagulan sa mga kahibulongan kining simple ra kaayo nga kamatuoran, pinaagi sa pagpugos nga duna lamang usa ka Persona, usa ka Kinabuhi nga milihok sa tulo ka nagkalain-laing katungdanan. Wala gayoy bisan unsa nga kahibulongan diha sa pagtulon-an mahitungod sa Tulo ka Persona sa usa lamang ka Pangulong Magbubuhat. Wala gayod! Mas hayag pa kay sa sidlak sa adlaw ang pagtulon-an mahitungod sa Tulo ka Persona kon dawaton ug tuohan lang unta ni bisan kinsa ang mga klaro ug tin-aw nga nahisulat sa Balaang Kasulatan ug dili unta pugson nga butangan ug bisa unsa nga mga kahibulongan kuno. Usab, WALAY KAHIBULONGAN diha sa kamatuoran mahitungod sa pagbaton ug Tulo ka Persona sa usa ka Magbubuhat! Walay kahibulongan dinhi, busa dili kinahanglan nga butangan ni bisan kinsa!
Kon tin-aw na gani ug klaro ug hayag na ang kahulogan sa matag pulong nga nahisulat, dili na kinahanglan nga pugson nga butangan ug kahibulongan, tungod kay mogawas kini nga gipahimakak ang mga nahisulat, ug magpadulong kini sa mga 'heresies' o mga pagtulon-ang supak.
Nag-ingon si Molkhiul YAOHUSHUA nga wala Siya mag-inusa ra sa pagpamatuod, kondili duna pay usa ka nagpamatuod mahitungod Kaniya, nga mao ang YAOHU UL nga Amahan! - Juan 5:36-38.
Klaro usab nga gisulti ni Molkhiul YAOHUSHUA nga sugoon sa ABU (Amahan) ang usa pa ka Manlilipay nga mao ang 'RUKHA-YAOHUSHUA.' - Juan 14:16.
Ang kahulugan sa pulong nga 'another' nagpasabot sa usa ug uban pa.
Basaha pag-ayo, sabton pag-ayo, ug tarongon ang pagsabot ug dawaton ang mga pulong nga sumusunod nga naggikan gayod sa Balaang Kasulatan ug samtang nagbasa kamo niini, hatagi ninyo ug hugot nga pagtagad ang mga gisulti ni Molkhiul YAOHUSHUA, mahitungod sa Iyang kaugalingon, ug sa Amahan nga YAOHU UL, ug tagda usab ninyo ang mahitungod sa Ngalan, ug ang paagi Niya sa paggamit Niya sa pulong nga 'usa ra' nga dili man nagpasabot nga usa lamang kon ihapon, kondili daghan gayod apan hugot nga nagkahiusa ug sa tanan nga pagsabot maisip gayod nga usa lamang apan mahimong daghan kung ihapon. 'Compound unity' ang tawag niini sa Ingles. Daw giisip sa pulong nga 'usa ka pamilya' - usa ra gayod, apan mahimong daghan kon ihapon ang mga naa sa sulod niini, apan usa ka pamilya lang gihapon! Basaha ninyo pag-ayo, ania na:
Pagkahuman isulti kini ni Molkhiul YAOHUSHUA mihangad Siya sa langit ug nag-ampo:
'Amahan ko miabot na ang oras o takna pasidunggi ang Imong Anak, aron ang Anak mag pasidungog Kanimo, kay gihatagan Mo Siyag gahom pagmando, sa tanang tawo aron hatagan Niyag kinabuhing dayon ang tanan nga Imong gitugyan Kaniya, ug kini mao ang kinabuhing dayon. Nga ang mga tawo moila Kanimo, ang bugtong matuod nga YAOHU UL, ug kang Molkhiul YAOHUSHUA nga Imong gipadala. Gipasidunggan Ko Ikaw dinhi sa kalibotan ug gihuman Ko ang Imong gipabuhat Kanako. Karon Amahan, pasidunggi Ahnee (Ako) diha sa Imong pag-pakig-uban Kanako, sa dungog nga Akong gihuptan, uban Kanimo sa wala pa buhata ang kalibotan.
Gipaila Ko Ikaw sa mga tawo nga Imong gikuha gikan sa kalibotan ug gihatag Mo kanako. Imo sila ug gitugyan Mo sila Kanako. Gituman nila ang gisulti Mo kanila. Ug karon nahibalo sila nga ang tanan nga gihatag Mo Kanako naggikan Kanimo. Gihatag Ko kanila ang mensahe nga Imong gitugyan Kanako ug kini gidawat nila. Nasayod sila nga tinuod nga Ahnee (Ako) gikan Kanimo, ug nagtuo. Sila nga Ikaw ang nagpadala Kanako. Nag-ampo Ahnee (Ako) alang kanila. Wala Ahnee (Ako) mag-ampo alang sa kalibotan, kondili alang sa mga tawo nga Imong gitugyan Kanako.
Kay Imo man sila. Ang tanan nga Akoa Imo. Ug tanan nga Imo Akoa; ug diha kanila gipasidunggan Ahnee (Ako). Ug karon moanha na Ahnee (ako) Kanimo dili na Ahnee (Ako) magdugay dinhi sa kalibotan apan magpabilin sila dinhi. Balaang Amahan, Bantayi sila diha sa gahom sa Imong Ngalan - ang Ngalan nga Imong gihatag Kanako, aron sila mausa ingon nga Ikaw ug Ahnee (Ako) usa lamang! Samtang Ahnee (Ako) uban pa kanila gibantayan Ko sila pinaagi sa gahom sa Imong Ngalan, ang Ngalan nga gihatag Mo Kanako. Gibantayan Ko sila ug walay usa kanila nga nawala, gawas niadtong tawo nga mawala gayod aron matuman ang Kasulatan.
Ug karon moanha Ahnee (Ako) Kanimo, ug gisulti Ko kining mga butanga dinhi sa kalibotan aron malipay sila pag-ayo duyog Kanako. Gihatag Ko kanila ang Imong mensahe ug gikasilagan, sila sa kalibotan kay dili man sila iya sa kalibotan. Himoa silang Imo gayod pinaagi sa kamatuoran; gipadala Ko sila sa kalibotan ingon nga Ahnee (Ako) Imong gipadala, nganhi sa kalibotan. Ug tungod kanila gitugyan Ko ang Akong kaugalingon nganha Kanimo aron ma Imo usab sila. Wala Ahnee (Ako) mag-ampo alang lamang kanila, kon dili alang usab niadtong motuo Kanako tungod sa ilang mensahe. Nag-ampo Ahnee (Ako) nga mausa unta sila. Amahan, mausa unta sila dinhi Kanato, ingon nga Ikaw ania Kanako ug Ahnee (Ako) anaa Kanimo, aron motuo ang kalibotan nga Ikaw maoy nagpadala Kanako! Gihatagan Ko sila sa samang dungog nga Imong gihatag Kanako aron sila mausa ingon nga Ikaw ug Ahnee (Ako) usa ra. Ahnee (Ako) anaa kanila ug Ikaw ania Kanako aron sila mausa gayod, ug sa ingon masayod ang kalibotan nga Ikaw nagpadala Kanako, ug nahigugma Ka kanila ingon nga Ikaw nahigugma Kanako.
Amahan, gihatag Mo sila Kanako, ug buot Ko nga bisan asa Ahnee (Ako) atua usab sila, aron makakita sila sa Akong himaya, ang himaya nga Imong gihatag Kanako: kay nahigugma Ka man Kanako bisan sa wala pa buhata ang kalibotan!
Amahan nga matarong, ang kalibotan wala makaila Kanimo apan nakaila Ahnee (ako) Kanimo ug kini sila nasayod nga Ikaw ang nagpadala Kanako. Gipaila Ko Ikaw kanila ug kini Akong padayonon pagbuhat, aron mabatonan usab nila ang Imong gugma alang Kanako ug magpuyo usab Ahnee (Ako) diha kanila!' - Juan 17, Balaang Kasulatan
Ang Molkhiul YAOHUSHUA ang Kamatuoran, ug walay dili tinuod sa mga pulong sa Molkhiul YAOHUSHUA.
Ang tanan nga gisulti ni Molkhiul YAOHUSHUA nga nahisulat kinahanglan nga tuohan ug dawaton ingon nga mga kamatuoran, tungod kay kon dili dawaton, mahiagom si bisan kinsa sa kakuyaw ug sa ilalom sa silot sa YAOHU UL, tungod kay mogawas nga daw bakakon ang Molkhiul YAOHUSHUA. Busa, nga sa matag sulti ni Molkhiul YAOHUSHUA sa mga pulong nga 'nato' ug 'kanato' - dinhi makit-an nga hayag ug tin-aw kaayo nga gipadayag Niya dinhi nga lahi nga Persona ang YAOHU UL kay Kaniya, ug Silang duha ang gihisgot sa dihang mosangpit Siya sa 'Nato' ug 'Kanato.' Ayaw gayod pugsa nga butangan ug mga kahibulongan tungod kay hayag na kaayo ug mga tinuod ang kahulogan sa mga gisulti!
Ang husto nga patakaran mahitungod sa pagpasabot sa mga nahisulat sa Balaang Kasulatan, mao kini: kon klaro ang mga nahisulat ug tinuod, ug mapuslanon ang 'literal' nga kahulogan niini, dili na gayod kinahanglan nga pugson pa ni bisan kinsa nga butangan sa bisan unsa pa nga mga sayop nga kahulogan ug mga kahibulongan kuno. Ug tinuod man gayod nga naay pipila ka bahin sa Balaang Kasulatan nga tinuod nga may lakip nga mga kahibulongan ug mga tanghaga o sambingay, tungod kay tataw nga nahisulat nga duna gayod, sama sa ilhanan sa anti-Messias nga nahisulat sa Pinadayag 13. Apan kon tin-aw kaayo ang mga gisulti o mga pulong ug walay laing kahulogan kini nga kahibulongan kuno o tanghaga kuno ang mga gisulti, dili gayod mahimo nga pugson pa kini nga butangan sa mga kahibulongan. Ug ania ang hustong pamaagi alang sa paghatag ug kahulogan sa mga nahisulat sa Balaang kasulatan.
Pananglitan: bahin dinhi sa gisulti nga, 'hinaot nga mausa sila sama NATO nga USA RA' - kinahanglan nga tuohan kini ug hatagan ug hustong kahulogan ug sa tataw, babaw lang nga kahulogan ug dili na kinahanglan nga pugson pa nga sagulan ug mga kahibulongan ug tanghaga, tungod kay tin-aw na man daan ang gisulti ug ang nagsulti, tin-aw na ang kahulogan sa gisulti ug wala nay bisan unsa nga kahibulongan sa maong kahulogan. Kon pugson ni bisan kinsa nga butangan ug mga kahibulongan kuno ang mga tin-aw nga gisulti sa Balaang Kasulatan, ang maong sayop nga paagi, maoy magdaldal sa mga sayop nga pagtulon-an ug mahimong binuang.
'Hinaot nga mausa sila, sama Nato nga usa ra.'
Ang kahulogan sa pulong nga 'NATO' maoy naghisgot nga labaw sa usa! Ug mamatikdan usab ninyo, nga mahitungod diha sa pag-ampo ni Molkhiul YAOHUSHUA, nga mohangad Siya sa langit ug dili mopi-ong, dili usab nagpilit ang duha ka kamot, ug dili usab nagduko, ug dili sama sa pamaagi sa pag-ampo sa mga pagano (o mga wala makaila sa tinuod nga Magbubuhat).
Ang Molkhiul YAOHUSHUA gayod ang Kahayag sa Kalibotan! Gidayeg ug gipasalamatan nato karon Si YAOHU UL nga toa sa langit! Siya mao ang naghatag kaninyo karon sa kahayag, suga, salabotan, kaalam, ug kahibalo, tungod kay hugot ang gugma Niya diha sa matag usa kaninyo! Sa walay sagol nga kahibulongan. Simple, tataw, YAOHU UL loves you! And we love YAOHU UL also! Ani-a ang mga nahisulat nga makapag-palig-on ug magpamatuod, nga ang 'RUKHA-YAOHUSHUA'(o ang Balaang Espiritu) mao ang usa pa ka lahi nga persona sa atong Pangulong Magbubuhat, nga Siya maoy usa pa ka Persona, gawas sa Amahang YAOHU UL ug sa Molkhiul YAOHUSHUA.
1. Ang 'RUKHA-YAOHUSHUA' maoy kanunay giisip nga usa pa ka Persona, ug dili Siya ang Amahan ni ang Anak kaha. - (Juan 5:32; 14:16-17; 16:7-15)
2. Ang 'RUKHA-YAOHUSHUA' ug ang Molkhiul YAOHUSHUA maoy duha ka manag-bulag nga Persona sa atubangan, sa Amahang YAOHU UL. - (Pinadayag 1:4-5; 3:1; 4:5; 5:6)
3. Ang 'RUKHA-YAOHUSHUA' maoy gisugo sa Amahan nga YAOHU UL ngadto kang Molkhiul YAOHUSHUA, nga mao ang Anak, aron mapuno Siya sa gahom. Ug mahitungod niining panghitaboa, kinahanglan gayod ang Tulo ka Persona aron mogawas kining: nagsugo, ang gisugo ug ang gisugoang modawat niini. - (Mga Buhat 10:38; Isaiah 11:2; 42:1-7 ug 61:1-2.
4. Ang 'RUKHA-YAOHUSHUA' maoy gisugo gikan sa duha ka Amahang YAOHU UL ug Molkhiul YAOHUSHUA;
5. Ang 'RUKHA-YAOHUSHUA' mao ang Menakhem (Comforter - Manlilipay) ug dili Siya ang Messias ug dili usab Siya ang Amahan;
6. Ang magpasipala sa Anak makadawat pa ug kapasayloan, apan ang magpasipala sa 'RUKHA-YAOHUSHUA' maoy sala nga walay kapasaylo-an, karong panahona bisan pa sa bag-ong kinabuhi. - (Mateo 12:31-32; Marcos 3:29-30; Lucas 12:10)
7. Gidawat na sa mga Samaritano ang Molkhiul YAOHUSHUA apan wala pa nila madawat ang 'RUKHA-YAOHUSHUA.' - (Mga Buhat 8: 5-17)
8. Gibuhat sa Molkhiul YAOHUSHUA ang pagpangalagad Niya sa yuta, pinaagi sa gahum ug tabang sa 'RUKHA-YAOHUSHUA' - (Juan 2:11; Mga Buhat 10:38)
9. Pagkahuman mabanhaw pag usab ni Molkhiul YAOHUSHUA nagsulti Siya nga dili Siya ang Espiritu, dili ingon nga sama sa Amahang YAOHU UL ug sa 'RUKHA-YAOHUSHUA' nga ana-a sa espirituhanong kinaiyahan ug katungdanan. - (Lucas 24:39; Juan 4:24)
10. Ug diha sa mga ulahing panid sa basahon sa Pinadayag, nga makit-an gayod ang tulo ka Persona sa usa lamang ka Pangulong Magbubuhat nga nagkahiusa gayod ug magkauban nga naglihok alang sa pagluwas sa mga magtutuo gikan sa pagkadaotan, ug sa pagsilot kang satanas ug sa mga makasasala.
Tagda dinhi, nga ang pagkapuno ug pagbunyag nga gikan sa 'RUKHA-YAOHUSHUA' (Balaang Espiritu) nga dili kinahanglan nga madawat una, sa wala pa makadawat sa pagpakatawo pag-usab ug pagsulod sa 'RUKHA-YAOHUSHUA' sa kasingkasing ni bisan kinsa nga nagtuo. Mabasa diha sa Juan 20:22 nga gidawat na daan sa mga tinun-an ang 'RUKHA-YAOHUSHUA' sa ilang kasing-kasing una pa sila mabunyagi ug mapuno sa 'RUKHA-YAOHUSHUA' nga nahisulat usab diha sa Mga Buhat 2:1-24. Usab, sayop kini nga pagtulon-an nga kinahanglan nga isalikway karon dayon.'
Ang pagdawat sa 'RUKHA-YAOHUSHUA' diha sa inyong kasing-kasing maoy kalig-onan sa inyong pagpakatawo pag-usab, diha sa Ginghari-an sa YAOHU UL, apan ang pagkapuno ug pagbunyag sa 'RUKHA-YAOHUSHUA' maoy gihatag isip regalo aron mapuno sa GAHOM ang mga magtutuo.
Ani-a usab ang mga pulong sa Balaang Kasulatan nga nagpakita sa paggamit sa pulong nga 'usa' sa paaging pangkadaghanan o 'compound' nga paagi, ug dili nagpasabot nga usa lang sa numero ang naglangkob niini:
1. 'Ang lalaki ug ang babaye nahimong usa nga lawas.' - Genesis 2:24.
2. 'Sama na sa Atong dagway ang tawo.' - Genesis 3:22.
3. 'Ani-a: usa ra ang mga tawo ug silang tanan usa ra ang sinultihan.' - Genesis 11:6.
4. 'Usa ka sanga nga may usa ka pongpong nga paras' - Numero 13:23.
5. Ang mga Yaohushuahim (mga magtutuo sa Molkhiul YAOHUSHUA) maoy hingpit nga nagkahiusa ug giisip nga usa ra - Galacia 3:28.
6. Nahimong usa o maghiusa ang Israel ug ang Judah. - Ezekiel 37:22.
7. Usa ra ka adlaw ang gabii ug ang adlaw. - Genesis 1:5
8. Magkahiusa ang mga Judio ug mga Pagano diha kang Molkhiul YAOHUSHUA - Efeso 2:14-16.
9. Pagbaton kamo sa usa huna-huna ug pagbati. -1 Peter 3:8. 10. Usa ra ang YAOHU ULHIM. - Deuteronomy 6:4.
Ang karaang pulong Hebreo nga 'ULHIM' maoy usa ka 'uni-plural' diha sa pinulongang Ingles, ingon nga usa sa mga titulo sa atong Pangulong Magbubuhat. Dili nagpasabot nga usa ka Persona lamang, kondili tulo ka persona kini apan hugot nga nagkahiusa ug managsama, ug sa daghan nga higayon giisip nga usa lamang. Kini maong karaang Hebreo nga pulong maoy nagpasabot nga usa ka managhugpong o magkalangkob, ug dili kini nagpasabot sa usa ka numero lamang nga molangkob sa mga bahin niini.
Unsa man karon ang atong kataposang hukom!
Nga ang YAOHU ULHIM, mao ang atong Walay Kataposan ug naay kinaiya nga kinaugalingong kinabuhi ingon nga Pangulong Magbubuhat nga nalangkob sa tulo ka nagka-lain lain, magkabuwag ug lain-laing Persona, apan hingpit, ug hugot ang Ilang panaghiusa: Ang Amahan mao ang YAOHU UL, ang Anak mao si Molkhiul YAOHUSHUA, ug ang 'RUKHA-YAOHUSHUA' nga Siya mao ang Balaan nga Espiritu - ug kini maong tulo ka Persona maingon nga usa ra!
Nga ang pagtulon-an ug kamatuoran mahitungod sa Tulo ka Persona sa atong Pangulong Magbubuhat maoy hayag kaayo nga nahisulat sa Balaang Kasulatan ug walay bisan unsa pa nga kahibulongan ug katingalahan nga mahimong ipugos o ikasukol dinhi.
Ug nasiguro usab ninyo karon nga si Molkhiul YAOHUSHUA nga nahimong tawo, maisip usab nga kahiusa sa mga Persona sa atong Pangulong Magbubuhat ug 100% Siya nga tawo, ug 100% usab Siya nga walay kataposan, nga sama sa Amahan nga YAOHU UL.
'Hinumdomi, katawhan sa Israel: ang YAOHU ULHIM lamang maoy atong Magbubuhat!' - Deuteronomy 6:4
Ang panalangin sa Molkhiul YAOHUSHUA, ug ang gugma sa YAOHU UL ug ang kapun-an nga gikan sa 'RUKHA-YAOHUSHUA' maoy maana-a kaninyo karon ug kanunay.
Miingon ang Molkhiul YAOHUSHUA:
'Busa panlakaw kamo ngadto sa tanang katawhan sa tibuok kalibotan, ug himo-a sila nga akong mga tinun-an, ug bunyagi sila sa Ngalan sa Amahan, sa Anak ug sa Espiritu Santo, ug tudloi sila pagtuman sa tanan nga Akong gisugo kaninyo. Ug hinomdomi! Ahnee (ako) mag-uban kaninyo sa kanunay hangtod sa kataposan sa kalibotan.' - Mateo 23:19-20.
Q. Unsa man karon kon mutuo ahnee o dili sa pagtulon-an mahitungod sa Tulo ka Persona, unsa man ang mahimong kapuslanan niini sa akong kinaugalingong kaluwasan ug kahimtang sa bag-ong kinabuhi?
A. Si bisan kinsa nga dili motuo sa kamatuoran sa pagbaton ug Tulo ka Persona sa usa ka Pangulong Magbubuhat, nagsalig diay siya nga ang Amahan maoy namatay alang sa iyang kaluwasan, ug nagpasabot nga ang Amahan mao ang Messias, ug ang Amahan mao ang nabanhaw pag-usab gikan sa kamatayon. Namatay diay ang Amahan nga YAOHU UL sumala sa iyang tinuohan. Samtang mao kini ang tin-aw nga nahisulat:
'Maluwas ka kon ipahayag mo nga si Molkhiul YAOHUSHUA mao ang Manluluwas, ug sa kinasingkasing motuo ka nga gibanhaw Siya sa YAOHU UL.' - Roma 10:9 Balaang Kasulatan.
Ang sayop nga pagtulo-an nga 'Unitarian' o 'Oneness' sa pinulongang Ingles, nga lahi ang ilang pagtuo nga sama niini: nga ang Amahan mao ang namatay ug gibanhaw pag-usab sa Amahan ang Iyang kaugalingon gikan sa kamatayon. Apan sukwahi kini sa mga tin-aw nga nahisulat. Maluwas kaha si bisan kinsa nga nagtuo sa mga sayop nga pagtulon-an nga gikan sa diablo? Makuyaw kaayo nga supakon ang klaro nga nahisulat sa Roma 10:9 tungod kay ang nag-inusara nga kinabuhi ug kalag ni bisan kinsa ang nakapatad dinhi! Pasidaan!
Q. Kon ang Molkhiul YAOHUSHUA mao gayod ang Walay kataposan, sama sa Amahan YAOHU UL, apan nalimbongan gayod ahnee (ako) ug napatuo nga tawo lang kuno Siya, o usa ka propeta nga tig-sulti lamang sa YAOHU UL, unsa man usab ang kapuslanan niini sa akong kinaugalingong kinabuhi ug sa kaluwasan?
A. Daotan kaayo nga kuhaan ang kabililhon ug matang sa halad nga gitagana ni Molkhiul YAOHUSHUA alang sa paghinlo sa sala ni bisan kinsa, ang Iyang kaugalingong 'dam' o Dugo mao ang giula aron pangpuy-poy sa kasuko sa YAOHU UL batok sa pagkadaotan. Ang halad o ang 'sacrifice' nga gitagana ni Molkhiul YAOHUSHUA, dili kini maingon nga pangkasagarang halad lamang, dili kini sama sa pangkasagarang nga halad nga gisugo unta sa YAOHU UL kang Abraham nga iyang himoon , sa paagi nga ihalad niya ang iyang kaugalingong anak nga mao si Isaac ug nagpasabot gayod nga pangkasagarang halad lamang sa usa ka buhi nga tawo nga ihalad sa YAOHU UL.
Apan ang gihalad ni Molkhiul YAOHUSHUA aron maluwas ang tanan mao ang dugo Niya nga walay buling ug putli, hinlo ug hingpit, tungod lagi kay Si Molkhiul YAOHUSHUA lamang ang nag-inusa ra nga tawo nga nabuhi dinhi sa kalibotan nga wala gayod makasala. Ang putli ug puro ug hinlo nga 'dam' o dugo lamang ang gidawat sa YAOHU UL isip pa ngpuy-poy, ug halad nga panghinlo sa mga sala ni bisan kinsa ug aron mawagtang ang kapungot sa YAOHU UL batok sa mga makasasala. Dili gayod mahimo nga pangtangtang sala ni bisan kinsa ang dugo sa mga baka, karnero, ug kanding ug dili usab kini makahinlo sa kasingkasing sa tawo gikan sa sala, kondili kining tanan maoy pasiuna lamang samtang gipaabot pa ang tinuod nga balaan, hinlo, ug putli nga dugo gikan sa gisaad nga Messias nga Siya mao ang Kordero sa YAOHU UL.
Pagbantay gayod! Kay usa ra ang imong kinabuhi ug kalag nga kini mao ang kinahanglan mo nga siguruhon nga maayo ang kahimtang karong kinabuhia ug labi na gayod sa bag-ong kinabuhi, ug mahimong walay kataposan nga imong matagamtaman didto sa langit o sa impiyerno kaha nga alang sa mga nalimbongan sa kaaway nga mao si satanas (ang kanding).
Unsa man ang mapahimuslan ni bisan kinsa, nga bisan pag maangkon niya ang tanang bahandi, kahamugaway, kabantog ug gahom niining kalibotana, ug bisan pag makadaog siya sa tanang matang sa pagpakiglalis ug debate, apan kon ang kapuli niini mao ang iyang walay kataposang pag-antos? Dili gayod magasto ang bahandi didto sa impiyerno. Kay didto wala gayoy kabantog ug gahom, kondili mao lamang ang 'superstar' nga si satanas (star, satar o satur - nga naghisgot kang satanas kining mga pulonga!)
Si Molkhiul YAOHUSHUA mao ang naghatag kanimo ug kahibalo, katarong, ug pagkabalaan ug pagkatinubos! HaolulYAOHU UL Kaokam, ang nag-inusara nga Labing Maalamon nga Walay Kataposan!
Usab, nga mao kini ang atong kataposang hukom ug mga nakat-onan nga kamatuoran nga sama niini:
Nga ang YAOHU ULHIM, mao ang atong Walay Kataposan ug naay kinaiyahan nga kaugalingong kinabuhi ingon nga Pangulong Magbubuhat ug nalangkob sa tulo ka nagkalain-laing Persona, apan hugot ug hingpit ang Ilang panaghiusa: ang Amahan mao ang YAOHU UL ug ang Anak mao ang Molkhiul YAOHUSHUA, ug ang 'RUKHA-YAOHUSHUA' mao ang Balaang Espiritu - ug kini maong Tulo ka Persona, maisip nga usa ra!
Nga ang pagtulon-an ug kamatuoran mahitungod sa Tulo ka Persona sa atong Pangulong Magbubuhat maoy tin-aw kaayo nga nahisulat sa Balaang Kasulatan ug walay bisan unsa pa nga kahibulongan ang mahimo nga ikasukol dinhi.
'Hinumdomi katawhan sa Israel, nga ang YAOHU ULHIM lamang ang atong Magbubuhat! - Deuteronomy 6:4.
Kining tanan gihatag kaninyo karon sa panglihuk ug kamatuoran, gugma, pagpaubos, ug sa kinasingkasing nga pag-alagad kang Molkhiul YAOHUSHUA.
BE HOL SHUAM YAOHUSHUA hol-MEHUSHKHAY, amnao!

Karon nga nagtuo na kamo sa Iyang Ngalan ug gidawat ang tinuod nga Mesias lakip ang mga kamatuoran nga gikan Kaniya, busa angay litukon, isulti, ug usbon ko pag-usab, nga kinahanglan nga inyong litukon sa kinasingkasing gayod kini mosunod nga pangaliya aron kamo makadawat karon sa 'RUKHA-YAOHUSHUA' o Espiritu sa Molkhiul YAOHUSHUA hol-MEHUSHKHAY, diha sa inyong kasingkasing kon dili pa ninyo kini nabuhat kaniadto. Busa buhata kini karon dayon ug ayaw na saylo-i. Litukon ang mosunod nga pag-ampo:
PAG-AMPO ALANG SA PAGHINULSOL
YAOHU UL nga langitnon, ang UL ni Abraham, ni Isaac ug ni Yaocaf;
Giila ko Ikaw karon, giangkon ug gituohan isip bugtong tinuod nga Magbubuhat ko ug ang Labing Makagagahom sa yaohod (tanan);
Kamo mao ang YAOHU UL, ang Balaan sa Israel ug ahnee imong gibuhat;
Giangkon Ko karon diha sa Imong atubangan, nga ahnee hingpit nga nakasala batok Kanimo ug ahnee karon nangayo ug pasaylo, kaluoy, ug paghinlo gikan sa yaohod (tanan) nga daotan nga gihimo ko, ug diha sa pagsupak ko sa Imong mga sugo, kay gipasaylo ko naman ang yaohod nga nakasala batok kanako;
Palihog, hinloi ahnee karon pinaagi sa balaan nga 'DAM' o dugo sa Molkhiul YAOHUSHUA hol-MEHUSHKHAY;
Gihimo ko karon ug giila ang Molkhiul YAOHUSHUA hol-MEHUSHKHAY isip kaugalingon kong Molkhiul (Pinuno) ug Mihushuayao (Manluluwas) karon ug hangtod sa kahangtoran, ang Molkhiul YAOHUSHUA hol-MEHUSHKHAY, ang Imong Mesias nga gipadala;
Nagtuo ahnee nga walay laing ngalan nga gihatag ilalom sa langit aron maluwas ang katawhan gawas sa Ngalan nga YAOHUSHUA hol-MEHUSHKHAY; ug YAOHU UL ang Imong bugtong Ngalan nga magpabilin ug ang Ngalan nga itawag Kanimo sa yaohod nga kaliwatan, sumala sa nahisulat sa Imong Balaang kasulatan;
Nagtuo ahnee nga ang Molkhiul YAOHUSHUA mao ang namatay aron tubson ahnee sa kamatayon; Siya mao ang walay sala apan giisip na makasasala aron ahnee nga makasasala isipon nga matarong diha sa Imong atubangan, pinaagi sa pagtuo ko kang Molkhiul YAOHUSHUA hol-MEHUSHKHAY;
Nagtuo ahnee nga ang Molkhiul YAOHUSHUA mao ang nagpakamatay alang kanako, gilubong, ug nabanhaw pag-usab, misaka sa langit, ug karon naglingkod Siya sa tuo sa YAOHU UL, ug mobalik pag-usab sa dili madugay, aron maghari ug maghukom sa mga makasasala;
Nagtuo ahnee nga mabanhaw pag-usab ang mga matarong ngadto sa kinabuhing walay kataposan diha sa Kanimo; ug ang mga daotan nagpadulong sa walay kataposang silot;
Gipangayo ko karon ug gidawat ang 'RUKHA-YAOHUSHUA' sa akong kasingkasing, aron ahnee tudloan, dalhon sa hingpit nga kamatuoran, ug tabangan ug pahinumdoman, karon ug hangtod sa kahangtoran;
Daghang salamat sa kapasayloan, kaluoy, paghinlo kanako nga gikan Kanimo, ug gidawat ko kini karon nga naay hingpit nga pagtuo;
Kay nahisulat man nga maluwas si bisan kinsa nga mosangpit sa Imong tinuod nga Ngalan; ug gituohan ko gayod kini sa kinasingkasing;
Gihimo ko karon kining yaohod (tanan)
BE HOL SHUAM YAOHUSHUA hol-MEHUSHKHAY, amnao!

(Sa Ngalan ni YAOHUSHUA hol-MEHUSHKHAY, amnao!)

Gawasnon na kamo karon, baskog, mauswagon, pinasaylo na, gipanalanginan, ug gipuy-an na sa 'RUKHA-YAOHUSHUA' diha sa inyong kasingkasing!
Daygon nato ug pasalamatan ang YAOHU UL, Ang Labing Halangdon sa yaohod (tanan)!
Ug sa inyong bag-ong kinabuhi, magsugod na sa pagtuman sa duha ka labing importanting sugo sa YAOHU ABU (Amahan):
'Higugmaa ang YAOHU UL sa tibuok nimong kasingkasing, tibuok kalag, tibuok kusog, ug tibuok hunahuna!' Ug 'higugmaa ang imong isigkatawo sama sa imong paghigugma sa imong kaugalingon!'
Tungod kay kamo mga bag-ong magtutuo ni Molkhiul YAOHUSHUA hol-MEHUSHKHAY, kinahanglan nga magpabunyag kamo sa tubig isip pagtuman sa Iyang sugo (Buhat 2:38). Makigsulti lang kamo kanamo bahin niini ug sa lain pang buluhaton nga imong tambungan sa lawas ni Molkhiul YAOHUSHUA hol-MEHUSHKHAY.
Nagtuo kami nga ang 'RUKHA-YAOHUSHUA' mao ang naghatag karon sa matag usa kaninyo sa kahayag, kahibalo, kaalam, salabotan, pagpadayag, kamatuoran, pagsalig, pagpaubos, ug Siya usab ang magdala kaninyo sa hingpit nga kamatuoran, ang magtudlo kaninyo, mag-uban ug magpahinumdom kaninyo sa mga pulong ni Molkhiul YAOHUSHUA hol-MEHUSHKHAY, apil na ang buluhaton sa 'RUKHA-YAOHUSHUA' aron pailhon kamo sa sala, katarong ug paghukom, karon ug kanunay sumala sa naghingapin Niyang gugma, kaluoy, gracia, gasa, panalangin gikan sa YAOHU UL kaninyong yaohod (tanan), pinaagi sa Ngalan ni Molkhiul YAOHUSHUA hol-MEHUSHKHAY, amnao!
Timan-i: dili relihiyon ang namatay alang sa inyong kaluwasan, dili usab relihiyon ang Manluluwas, kondili mao lamang ang bugtong Walay Kataposang Manunubos: YAOHUSHUA hol-MEHUSHKHAY!
Wala namo ipasigarbo ang among kaugalingon ni ang among pundok, kondili ang among gipaila kaninyo mao ang mga PERSONA sa YAOHU UL, Molkhiul YAOHUSHUA, ug ang 'RUKHA-YAOHUSHUA' - ang Tulo ka Persona sa usa lamang ka Ulo nga Magbubuhat!
Mga walay pulos lamang kami nga mga ulipon sa ni Molkhiul YAOHUSHUA, nga Siya mao ang nagtubos kanamo, ug gibuhat lang namo ang angay namong buhaton isip pag-alagad ug gugma diha Kaniya. Mga makasasala gihapon kami nga nakaila, misalig ug midawat sa Molkhiul YAOHUSHUA hol-MEHUSHKHAY!
Daghan ang nagtuo, apan ang labing importanti mao ang pagdawat Kaniya diha sa kasingkasing ug magpailalom sa Iyang mga sugo, isip Iyang mga tinun-an o nagtuon.
Ang mga hinagiban nga gigamit nato sa atong pagpakig-away dili mga hinagiban sa kalibotan, kondili ang gamhanang mga hinagiban sa YAOHU UL GABOR, nga molumpag sa mga kota. Gilumpag nato ang sayop nga mga pangatarongan; gipukan nato ang tanang mapagarabohong balabag nga gipatindog batok sa kahibalo sa YAOHU UL KAOKAM; gibuntog nato ang tanang hunahuna ug gihimo kini nga masinulondon kang Molkhiul YAOHUSHUA hol-MEHUSHKHAY!
Ug nalamposan na nato karon si ha-satan, pinaagi sa 'DAM' o dugo, ug sa mga pulong, ug tungod kay atong gibuntog ang diablo, namahawa na siya gikan sa yaohod nga mga Yaohushuahim ug labaw pa kita sa mga malampuson!
Daghang pagapasalamat ug pagdayeg sa YAOHU UL GAVOHA (Labing Habog) kay Siya mao ang misiguro nga kanunay kita nga malamposon kauban ni Molkhiul YAOHUSHUA. Ug wala nato tugoti nga kawaton pa sa unsa man nga daotan ang mga pulong sa YAOHU UL, nga natanom na karon ug kanunay sa inyong hunahuna ug kasingkasing! Unsa man ang dili nato tugotan dinhi sa yuta dili usab tugotan sa langit.
Hinumdumi ang pagtambong sa matag tigom ug mga buluhaton sa Oholyao ug ipahibalo kini kaninyo kon kanus-a kini buhata. Magsugod na kamo sa pagbasa sa Balaang Kasulatan ug sa pag-ampo adlaw-adlaw aron magpasalamat, maghatag ug pagdayeg, mangumpisal sa YAOHU ABU, bahin sa mga sala nga nahimo sa matag-adlaw.
Ug bililhon usab ang pagpangayo ug itugyan sa YAOHU UL ABU ang tanan nga inyong mga kakulian ug suliran sa kinabuhi ug ipasolbad kini sa paagi sa YAOHU UL. Ug unaha ninyo ang Gingharian sa YAOHU UL ABU ug ang tanang butang idugang Niya kaninyo - Manyaohu (Mateo) 6:33.
Ug gitugyan namo kamo karon diha sa tataw nga pag-alima sa YAOHU ABU, alang sa inyong pagtubo sa espiritu sa Iyang Gingharian hangtod nga makaingon ninyo ang batasan ni Molkhiul YAOHUSHUA hol-MEHUSHKHAY, hangtod sa Iya unyang naduol nga pagbalik!
Kay nahisulat nga unsa man ang among talian dinhi sa yuta, talian usab didto sa langit; unsa man ang among buhian dinhi sa yuta; pagabuhian usab didto sa langit. Busa, amo kamong gitalian karon sa pagtuman, pagluhod, ug sa hingpit nga pagtuman ug pagpasakop sa Molkhiul YAOHUSHUA hol-MEHUSHKHAY, hangtod sa kahangtoran!
Ug gibuhian usab namo kamo karon gikan sa tanang matang sa pagpanglimbong, pagsimba sa mga lo-ulhim (mga rebulto ug mga estampa) ug gikan sa yaohod nga matang pagpangbihag, sa bakak, ug mga buhat ni satanas ug sa iyang mga daotang espiritu, pinaagi sa 'DAM' o dugo sa Molkhiul YAOHUSHUA hol-MEHUSHKHAY, ug sa Iyang mga anghel ug sa Iyang Ngalan nga - YAOHUSHUA!
You are free, you are delivered, you are whole, and you are blessed now and forever!
Kon duna kamo o si bisan kinsa sa inyong palibot nga mga panginahanglang espirituhanon ug materyal o kon inyong kinahanglan ang walay bayad nga babasahonon, labi na ang Balaang Kasulatan, sa binisaya kon Hebreo, isulti lang kini kanamo pinaagi sa mga nag-atiman kaninyo sa Oholyao. Ipadala lang kanamo ang ilang mga kumpletong address ug padalhan namo sila sa walay bayad nga mga babasahonon nga maghatag ug kalipay, kaluwasan, ug seguridad!

Ania pa ang lain pang babasahonon nga walay bayad nga mahimo ninyong pangayoon kanamo:
Q. Kinsa man si 'allah' ug si 'mohammed' nga gisimba sa mga muslim?
Q. Ngano man nga nagtuo kita nga ang Balaang Kasulatan mao ang orihinal nga Hebreo nga sulti sa atong Magbubuhat?
Q. Unsa man ang kahulogan nianang pagpakatawo pag-usab?
Q. Nganong nagtuo man kita nga ang Molkhiul YAOHUSHUA mao ang tinuod nga Messias?
Q. Unsa man matang sa bunyag ang gisugo aron atong buhaton?
Q. Tinuod ba nga ang 'islam' ug 'kristianismo parehas nga nagagikan sa papa sa roma?
Q. Nganong sayop man ang paggamit sa titulo nga 'El' ug 'Elohim'? Kinsa ba diay ang tinuod nga gihisgot sa gitawag nga 'El' ug 'Elohim' ug 'El Shaddai'?
Q. Kinsa ba diay sila si 'god,' 'ha-shem,' ug 'adonay' nga gisangpit sa kadaghanan isip ilang Magbubuhat kuno?
Q. Naghisgot ba sa usa ka espiritung idolo sa dili makita nga paagi ang pulong nga 'zeus,' 'diyos,' 'theos' ug 'deus'?
Q. Nganong dili mahatagan sa mga atheist (mga nagtuo nga walay Magbubuhat) sa tinuod nga tubag ang mga pangutana mahitungod sa pinakauna nga nagpalihok sa kalibotan, asa padulong ug kanus-a matapos ang kalibotan, kinsa ang nagbuhat sa 'atom' ug sa pinaka-diyutayng nga sangkap sa tanang binuhat?
Q. Giisip ba sa YAOHU UL nga 'infanticide' o pagpatay sa masuso ang pagkuha gikan sa sabakan?
Q. Giisip ba sa YAOHU UL nga pagpanapaw ang pagpakasal sa usa ka tawo nga gibiyaan na sa iyang tinuod nga katiayon?
Q. Nganong daghan man ang mga kabos ug daghan usab ang dato? Naa pa bay sekreto sa likod niini? Tinuod ba ang gitawag nga 'suwerti' ug 'malas'?
Q. Nganong gisimba man sa daghang mga kabataan dinhi sa kalibotan ang mga damo, dahon, ug lain pang mga ihalas nga damo (gidili nga dahon) ug nganong naulipon man sila niini?
Q. Unsa man nga mga ilado nga relihiyon karon ang wala nakahibalo nga nagsimba na diay sa adlaw, sa bulan ug sa mga bitoon?
Q. Tinuod ba nga ang Molkhiul YAOHUSHUA diha bitaya sa poste ug dili sa krus? Simbolo ba sa pagano nga idolo nga si Tammuz ang krus?
Q. Tinuod ba nga si 'buddha' mao ang idolo sa pagka-inot o dalo sa pagkaon ug sa pagtulog?
Q. Tinuod ba nga sugo sa koran nga maghiusa ang muslim ug kristiyano kon makigbatok kontra sa mga Judio?
Q. Kang kinsa nga Ngalan ang makaplagan sa pulong nga 'kri-stiyan-o' ngalan ba sa tinuod nga Magbubuhat o ngalan sa kaaway nga si satanas? Ug unsa sad ang makita diha sa pulong nga: 'pale-stin-ian'?
Q. Tinuod ba nga si Hari Juan Carlos de Borbon nga hari sa Espana maoy gihisgot nga 'anti-mesias' diha sa Balaang Kasulatan?
Q. Tinuod ba nga milyones ang misubay sa dako ug sayon nga dalan padulong sa kamatayon ug kalaglagan, apan diyutay ra ang makakaplag ug nagsubay sa sigpit ug lisod nga dalan padulong sa kinabuhing walay kataposan?
Q. Unsa man ang mga 'wicked occult objects and symbols' ug unsa ang kapildihan nga ihatag niini diha sa mga tawong nag-amping niini?
Q. Tinuod ba nga gigamit sa mga salamangkiro ug pagpangabat ang mga pangkasagarang simbolo sama sa bituon (stars), kilat, bangaw, mga porma nga kasingkasing, nga mao kini ang simbolo sa kanding nga si satanas.
Q. Tinuod ba gayod nga gidili sa YAOHU UL diha sa Balaang Kasulatan ang paghimo ug 'seance' (grupo nga nakig-istorya sa mga daotang espiritu) ug pagkonsulta sa mga salamangkiro, paghimo ug 'faith healers,' ug mga 'mediums' ug lakip na dinhi ang pagpakig-istorya sa mga patay (necromancy), ug paggamit sa mga 'orasyon' (orakulo)? Unsa man ang silot ug katalagman alang sa mga naghimo niini?

Tinuod, tataw ug walay pagduha-duha nga ang Molkhiul YAOHUSHUA lamang ang makapagpagawas kaninyo gikan sa tanang pagkabakakon, pagpanglimbong, pagpangbihag, mga tunglo, ug mga katalagman nga gikan sa kang satanas.
Ang Molkhiul YAOHUSHUA mao ang Kahayag sa Kinabuhi!
Paga-alimahan ka ni Molkhiul YAOHUSHUA sa mga patik sa mananap. Mianhi ang Molkhiul YAOHUSHUA aron maghatag sa kinabuhi ug labaw pa sa mauswagong kinabuhi! Nakig-hiusa ka na karon dili alang sa bag-ong relihiyon kondili diha sa Persona sa Molkhiul YAOHUSHUA hol-MEHUSHKHAY, nga Siya mao ang hingpit nga magpagawas kaninyo gikan sa gingharian sa kangit-ngit ug nagdala kaninyo sa Gingharian sa Kahayag!
Ang Molkhiul YAOHUSHUA hol-MEHUSHKHAY ang inyong Manluluwas, Manunubos, Taming, Maghahatag, ug Pangulong Magbalantay sa inyong kalag karon. Ug amo kamong gitugyan sa gahom ug mahigugmaong YAOHU UL, hangtod sa kahangtoran!
Nagsulti ang Molkhiul YAOHUSHUA:
'Ayaw kamo paghuna-huna nga mianhi Ahnee aron pagdalag kalinaw sa kalibotan; dili kalinaw ang gidala Ko, kondili espada. Mianhi Ahnee aron magkabangi ang mga anak nga lalaki ug ang ilang amahan, ang mga anak nga babaye ug ang ilang inahan, ug ang mga umagad nga babaye ug ang ilang ugangan nga babaye; ang labing mangil-ad nga kaaway sa tawo mao ra unya ang mga sakop sa iyang kaugalingong panimalay.
Ang nagmahal sa iyang amahan o sa iyang inahan labaw Kanako, dili angay kanako; ug kadtong nagmahal sa iyang anak labaw Kanako, dili angay Kanako. Ang dili mopas-an sa iyang yugo ug mosunod Kanako, dili angay Kanako. Ug kadtong nag-amping sa iyang kinabuhi, kawad-an hinuon niini; apan ang kawad-an sa iyang kinabuhi tungod Kanako, makabaton niini!' - Manyaohu (Mateo) 10:34-39
Sulat lang kamo o tawag sa telepono, bisag unsa nga inyong gikinahanglan, ania kami aron tabangan kamo, isip among pagpangalagad sa Molkhiul YAOHUSHUA nga atong Manunubos ug Taming. Ayaw kamo kaulaw. Abli ang among kasingkasing ug kamot alang sa pagtabang kaninyo, isip mga ulipon ni Molkhiul YAOHUSHUA hol-MEHUSHKHAY sa Iyang lawas, nga mao ang Oholyao Molkhiul YAOHUSHUA hol-MEHUSHKHAY.
Ipabasa gihapon kining basahon diha sa inyong palibot, ug bisan asa pa, ug magpakopya niini aron ipanghatag sa uban. Dili diploma ang inyong maipanunod sa inyong mga anak, kondili ang maipaila kanila ang bugtong tinuod ug orihinal nga Magbubuhat, nga mao ang YAOHU UL ug ang bugtong tinuod ug orihinal nga Messias nga mao ang: YAOHUSHUA hol-MEHUSHKHAY!
Labaw pa gayod Sila kaysa diploma, o bahandi, ug sa tibuok kalibotan! Nahisulat: ang YAOHU UL mao ang naghatag ug gahom aron magmauswagon sa kinabuhi sa malinis o hinlo ug matarong nga paagi! Ang YAOHU UL mao ang klaro nga kasaligan sa kinabuhi, dili ang kuwarta, mga butang, ni ang diploma.
Timan-i: Walay laing ngalan ang gihatag ilalom sa langit aron maluwas ang katawhan, gawas lamang sa bugtong ngalan nga: YAOHUSHUA!
Walay laing ngalan....
Panalanginan unta kamo sa YAOHU UL kanunay;
Magpabilin unta ang pana-aw sa YAOHU UL diha kaninyo aron kamo alimahan kanunay;
Hatagan unta kamo kanunay sa YAOHU UL ug kalinaw, gracia, kaayohan, kabaskog ug walay kataposang kalipay, ug gugmang walay paglubad;
Haolul-YAOHU UL Shua-oleym, UL Gavoha, UL Khanyao-am!
BE HOL-SHUAM YAOHUSHUA hol-MEHUSHKHAY, amnao!
Olkem shua-oleym...!
Maghiusa kita alang sa paghimaya sa YAOHU UL, iisa nato ang Iyang Ngalan!
O YAOHU, YAOHU pagkahalangdon gayod sa Imong Ngalan sa tibuok kalibotan!
BE HOL-SHUAM YAOHUSHUA hol-MEHUSHKHAY, amnao!
(Sa Ngalan ni YAOHUSHUA hol-MEHUSHKHAY, mao gayod...)
Contact now!

FTP Mirror Sites:

ftp.dux.ru/pub/Yaohush

ftp.wr.com.au/pub/yaohush

ftp.yaohushua.org/pub/yaohush

ftp.Yaohushua.org.za/pub/yaohush

Home WWW URL:
http://www.YAOHUSHUA.org/index.html

E-mail Address:
Cohanul@YAOHUSHUA.ORG

WWW Mirror Sites:
http://www.yahushua.org/index.html
http://www.yawhushua.org/index.html
http://www.yauhushua.org/index.html
http://yaohush.america.net/index.html
http://Ohol-Yaohushua.Org/index.html
http://www.Yaohushua.org.za/index.html
http://www.yaohushua.org.uk/index.html
http://www.ap.net.hk/~yauhush/Default.HTML
http://www.dux.ru/guest/Yaohush/Default.html
http://www.lava.net/ohol_yaohushua/index.html
http://www.portalinc.com/~yahushua/index.html
http://www.purplenet.net/~yahushua/Default.html
http://www1.webquest.com/~yahushua/index.html
http://ourworld.compuserve.com/homepages/YAOHUSHUA/

Yaohod kining mga walay-bayad nga mga babasohonong YAOHUSHUA makit-an ug makuha usab gikan sa mga sumusunod nga lugar sa Internet:

Microsoft Network (MSN) - Religious Resources Library
America Online (AOL) - Religion & Ethics Forum - Interfaith Library
CompuServe Religion Forum Library (6) - Interfaith Dialogue Section.
CompuServe Religion Forum Library (22) - Messianic Believers Section

CompuServe E-Mail Address:
YAOHUSHUA@CompuServe.Com

Postal Mailing Address:

OHOL YAOHUSHUA
P. O. BOX 1482,
JERUSALEM, ISRAEL 91014

Appendix A:
Mga Titulo ug mga Katungdanan sa Tulo ka Persona sa Usa ka Pangulong Magbubuhat

YAOHU UL

ULHIM - Genesis 1:1
YAOHU UL - Genesis 2:4-22
Labing Gamhanan na UL - Genesis 14:18-22
Labing Gamhanang UL - Genesis 17:1; Pahayag 19:15
Walay-Kataposang UL - Genesis 21:33
UL sa Langit - Genesis 24:3
UL sa Yuta - Genesis 24:3; Pinadayag 11:4
YAOHU UL sa langit - Genesis 24:7
Labing Gamhanan, Walay-Kataposan - Genesis 28:3;43:14; 48:3
Makusog nga UL - Genesis 49:24
UL ni Abraham - Exodo 3:6
UL ni Isaac - Exodo 3:6
UL ni Jacob - 2 Samuel 23:1
Ahnee (ako) mao - Exodo 3:13-15
UL sa mga Hebreo - Exodo 5:3
YAOHU - Exodus 6:3; Mga Awit 83:18
UL sa Israel - Exodo 24:10
Aboghuan nga Tig-panimalos - Exodo 34:14
UL sa mga Espiritu sa Tanang Unod - Numero: 16:22; 27:16
UL sa mga Ulhim - Deuteronomio - 10:17
Walay-Kataposang UL - Josue 3:10
YAOHU UL sa Israel - Josue 22:16; 24:2
YAOHU UL sa mga Ulhim - Josue 22:2
Gamhanan sa Israel - I Samuel 15:29
Bato - 2 Samuel 22:32
UL sa Akong Bato - 2 Samuel 22:3
UL ni David - 2 Cronica 34:3
Makatarungang UL - Salmo 7:9
Paril - Salmo 18:2; 91:3
Gamhanan - Salmo 18:2
Kalo - Salmo 18:2; 91:4
Trumpeta sa Kaluwasan - Salmo 18:2
Habog nga Tore - Salmo 18:2
UL sa Akong Kaluwasan - Salmo 18:46
UL sa kahimayaan - Salmo 29:3
UL sa Kamatuoran - Salmo 31:15; Isaias 65:16
YAOHU - Salmo 68:4
Labing Gamhanan - Salmo 91:1, 9
Kuta - Salmo 91:2, 9
Ang Balaan sa Israel - Isaias 30:15
Mahimayaong YAOHU - Isaias 33:21
Magbubuhat - Isaias 40:28
YAOHU UL sa mga Pundok - Isaias 22:5
YAOHU UL, ang Imong Manluluwas ug Tigpagpalingkawas - Isaias 60:16
Labing Gamhanan nga UL ni Jacob - Isaias 60:16
YAOHU ang Pangulo sa Panon sa Langit - Jeremias 7:3, 21
Matuod na UL - Jeremias 10:10; Juan 17:3
Halangdon ug Gamhanang UL - Jeremias 32:18
UL sa Tanang Unod - Jeremias 32:27
Gidugayon sa mga Adlaw - Daniel 7:9, 22
UL sa Paghukom - Malakias 2:17
UL sa mga Buhi - Marcos 12:27
Dili kabulingan nga UL - Roma 1:23
UL sa Malahutayon ug Kalooy - Roma 15:5
UL sa Paglaom - Roma 16:20
UL sa Kaharuhay - 2 Corinto 1:3
UL sa Paghigugma ug Kalinaw - 2 Corinto 13:11
Buhi ug Matuod nga UL - 1 Tesalonica 1:9
Bugtong Maalamon nga UL - 1 Timoteo 1:17
Mapanalangin ug Bugtong Pangulo, Hari sa mga Hari, Pangulo sa Tanang Pangulo - 1 Timoteo 6:15-16
Halangdong UL - Tito 2:13; Pinadayag 19:17
UL nga Maghuhukom sa Tanan - Hebreo 12:23
UL nga Amahan - 1 Pedro 1:2; 2 Juan 3
UL sa Tanang Panalangin - 1 Pedro 5:10
Bugtong YAOHU UL - Judas 4
YAOHU ang Labing Gamhanan sa Tanan - Pinadayag 4:8; 11:17
YAOHU UL Omnipotente - Pinadayag 19:6
YAOHU UL sa mga Balaang Propeta - Pinadayag 22:6

YAOHUSHUA hol-MEHUSHKHAY

Binhi sa Babaye - Genesis 3:15
Shiloh - Genesis 49:10
Bituon Gikan kang Jacob - Numero 24:17
Propeta - Deuteronomio 18:15; Lucas 24:19
Bato sa Kaluwasan - Deuteronomio 32:15
Tigpataliwala - Job 9:33
Dinihogan sa Lana (Messias) - Salmo 2:2
Ang Anak - Salmo 2:12; Hebreo 3:6
Santuario - Isaias 8:14
Batong Kapandulan - Isaias 8:14
Katingalahan - Isaias 9:6
Magtatambag - Isaias 9:6
Gamhanang UL - Isaias 9:6
Gamot sa Kinabuhi nga Walay-Kataposan - Isaias 9:6
Prinsipe sa Kalinaw - Isaias 9:6
Sungkod Gikan kay Yishai o Jesse - Isaias 11:1
Ang Sanga (Nazareno) - Isaias 11:1; Zacarias 3:8; 6:12
Timaan sa katawhan - Isaias 11:10
Akong Alagad -Isaias 42:1; Mateo 12:18
Akong Pinili - Isaias 44:1
Gipasinaw nga Sungkod - Isaias 49:2
Manunubos - Isaias 59:20
Angel sa Iyang Presencia - Isaias 63:9
YAOHU Among Katarungan - Jeremias 23:6
Binhi sa Pagka Inila - Ezekiel 34:29
Messias (Mehushkhay) - Daniel 9:25; Juan 4:25
Hukom sa Israel - Mikas 5:1
Gipangandoy sa Tanang Nasod - Hageo 2:7
Siya'y Akong Kauban - Zacarias 13:7
Tigpaputli ug Tagahinlo - Malakias 3:3
Adlaw sa Katarung - Malakias 4:2
YAOHUSHUA hol-MEHUSHKHAY - Mateo 1:1
Anak ni David - Mateo 1:1; 9:27
MEHUSHKHAY - Mateo 1:17; 2:4
YAOHUSHUA - Mateo 1:21
Immanu-UL - Mateo 1:23
Hari sa mga Judio - Mateo 2:2; 21:5
Gobernador - Mateo 2:6
Nazareno (Sanga) - Mateo 2:23
Anak sa UL - Mateo 4:3
Pangulo - Mateo 8:19
Anak sa Tawo - Mateo 8:20
Mananambal - Mateo 9:12
Ang Lalaking Kaslonon - Mateo 9:15
Higala sa Mga Makasasala - Mateo 11;19
Ang Gihigugma - Mateo 12:18
Magsabwag sa Binhi - Mateo 13:3
Anak sa Kahitas-an - Lucas 1:69
Dayspring - Lucas 1:78
MEHUSHKHAY YAOHUSHUA - Lucas 2:11
Manluluwas - Lucas 2:11
Kalinaw sa Israel - Lucas 2:30
YAOHUSHUA nga Taga-Nazareth - Lucas 4:34
Balaang UL - Lucas 4:34
Ang Pulong - Juan 1:1-2
UL - Juan 1:1-3; 20:28; Hebreo 1:8
Matuod nga Kahayag - Juan 1:9
Bugtong nga Anak - Juan 1:18; 3:16
Kordero sa UL - Juan 1:29; Pinadayag 5:6
Hari sa Israel - Juan 1:49
Magtutudlo - Juan 3:2
Regalo sa UL - Juan 4:10
Manluluwas sa Kalibotan - Juan 4:42
Pan sa UL - Juan 6:33
Pan sa Kinabuhi - Juan 6:35; 48:51
Kahayag sa Kalibotan - Juan 8:12
Pultahan sa Panon - Juan 10:7
Maayong Magbalantay - Juan 10:11
Dalan, Kamatuoran, ug Kinabuhi - Juan 14:6
Sanga - Juan 15:1-8
Pangulo ug UL - Juan 20:28
Balaan ug Makatarungan - Buhat 3:14
Balaan nga Bata YAOHUSHUA - Buhat 4:27
Prinsipe ug Manluluwas - Buhat 5:31
Pangulo sa Tanan - Buhat 10:36
Halad Pahinungod - Roma 3:25; 1 Juan 2:2
YAOHUSHUA hol-MEHUSHKHAY, Atong Pangulo - Roma 6:23
Tighatag sa Kaluwasan - Roma 11:26
MEHUSHKHAY YAOHUSHUA - 1 Cor. 1:2; 1 Tim. 2:5
Gahom sa UL - 1 Corinto 1:24
Kaalam sa YAOHU UL - 1 Corinto 1:30
Pangulo sa Himaya - 1 Cor. 2:8
Atong Pascua (Pesak) - 1 Cor. 5:7
Espiritwal nga Bato - 1 Cor. 10:4
Unang Bunga - 1 Cor. 15:23
Ulahing Adan - 1 Cor. 15:45
Ikaduhang Tawo (Adan) - 1 Cor. 4:4
Binhi ni Abraham - Galacia 3:29
Batong Sukaranan - Efeso 2:20
Pangulo sa Manag-igsoon - Colosas 1:18
Tigpatali-wala - 1 Timoteo 2:4-5
Ang Tawo nga si MEHUSHKHAY YAOHUSHUA - 1 Timoteo 2:5
Panubos sa Tanan - 1 Timoteo 2:6
Binhi ni David - 2 Timoteo 2:8
YAOHUSHUA hol-MEHUSHKHAY na Atong Manluluwas - Tito 1:4
Kahayag sa Iyang Himaya - Hebreo 1:3
Larawang Hayag sa Iyang Persona - Hebreo 1:3
Tig Pugong sa Tanan nga Butang - Hebreo 1:3
Kapitan sa Kaluwasan - Hebreo 2:10
Apostol ug Pangulong Saserdote sa Atong Gipadayag - Hebreo 3:1
Tigpasi-una - Hebreo 6:20
Saserdote sa Santuario - Hebreo 8:2
Nagpanunod - Hebreo 9:16-17
Gigikanan ug Mag human sa Atong Pag-tuo - Hebreo 12:2
Balaang Magbalantay sa Mga Karnero - Hebreo 13:20
Magbalantay ug Obispo sa Kalag - 1 Pedro 2:25
Pangulo nga Tigbalantay - 1 Pedro 5:4
Pangulo ug Manluluwas YAOHUSHUA hol-MEHUSHKHAY - 2 Pedro 1:11
Bituon sa Adlaw - 2 Pedro 1:19
Manlalaban - 1 Juan 2:1
YAOHUSHUA hol-MEHUSHKHAY ang Matarong - 1 Juan 2:1
Kinabuhi nga Walay-Kataposan - 1 Juan 5:20
Matinud-anon nga Saksi - Pinadayag 1:5
Unang Salingsing Gikan sa Mga Patay - Pinadayag 1:5
Prinsipe sa Mga Hari sa Kalibotan - Pinadayag 1:5
Alef ug Tav, Sinugdanan ug Kataposan - Pinadayag 1:8; 21:6; 22:13
Sinugdanan ug ang Kataposan - Pinadayag 1:8
Bituon sa Kabuntagon - Pinadayag 2:28
Amnao - Matuod nga Saksi - Pinadayag 3:14
Tigdumala sa Katawhan - Pinadayag 3:14; Efeso 3:9; Colosas 1:15-18
Leon sa Tribo ni Judah - Pinadayag 5:5
Kaliwat ni David - Pinadayag 5:5
Pulong sa YAOHU UL - Pinadayag 19:13
Hari sa mga hari, Pangulo sa mga pangulo - Pinadayag 19:16
Gamot ug liwat ni David - Pinadayag 22:16
Hayag nga Bituon sa Kabuntagon - Pinadayag 22:16

'RUKHA-YAOHUSHUA'
(Balaang Espiritu)

RUKHA sa UL - (22 ulit) Genesis 1:2; 41:38; Mateo 3:16; 1 Cor. 2:11-14
RUKHA sa Kaalam - Exodo 28:3; Deut. 34:9; Isaias 11:2; Efeso 1:17
RUKHA (113 ulit) - Numero 11:17, 25; Ezekiel 1:20; 2:2; Galacia 6:8; Efeso 2:22
Iyang RUKHA - Numero 11:29; Salmo 106:33; Isaias 48:16; Roma 8:11; 1 Corinto 2:10
Imong RUKHA - 2 Hari 2:9; Salmo 104:30; 139:7
Akong RUKHA - Isaias 42:1; Buhat 2:17-18
RUKHA sa YAOHU UL - (30 ulit) - Mga Hukom 3:10; 6:34; 11:29; 13:25; 14:6, 19; 15:14; Lucas 4:18; 2 Cor. 3:17-18
RUKHA ni Elias(UliYAOHU) - 2 Hari 2:15; Lucas 1:17
Imong Maayong RUKHA - Nehemias 9:20
Imong Gawasnong RUKHA - Salmo 51:12
RUKHA sa Paghukom - Isaias 4:4; 28:6
RUKHA sa Pagsunog - Isaias 4:4
RUKHA sa Kaalam ug Panabot - Isaias 11:2
RUKHA sa Kaalam ug Pagkahadlok sa YAOHU UL - Isaias 11:2; 2 Timoteo 1:7
RUKHA sa Mga Balaan nga ULHIM - Daniel 4:8-9; 18:5-11
Labing Maayong RUKHA - Daniel 5:12; 6:3
RUKHA sa ULHIM - Daniel 5:14
RUKHA sa Panalangin ug Mga Pagpakilooy - Zacarias 12:10; Hebreo 10:29
Balaan nga RUKHA - (89 ulit) -Mateo 1:18-20; 3:11-32; 28:19; 1 Juan 5:7
RUKHA sa Imong ABU - Mateo 10:20
Gahom sa Kahitas-an - Lucas 1:35
Ang Balaan na RUKHA - Lucas 11:13
Tig-Agak - Juan 4:14; 15:26
RUKHA sa Kamatuoran - Juan 14:17; 15:26; 16:13; 1 Juan 4:6; 5:6
RUKHA sa Kabala-anon - Roma 1:4
RUKHA sa Kinabuhi - Roma 8:2
RUKHA sa MEHUSHKHAY - Roma 8:9; 1 Pedro 1:11
RUKHA sa pagka-adap - Roma 8:15
RUKHA sa Buhing UL - 2 Cor. 3:3
RUKHA Iyang Anak - Galacia 4:6
Balaan nga RUKHA sa Saad - Efeso 1:13
RUKHA sa Kaalam ug Katin-awan - Efeso 1:17
Balaan nga RUKHA sa UL - Efeso 4:30
RUKHA sa YAOHUSHUA hol-MEHUSHKHAY - Filipos 1:19
Walay-Kataposang RUKHA - Hebreo 9:14
RUKHA sa Kahimayaan - 1 Pedro 4:14
RUKHA sa Panag-na - Gipadayag 19:10

Hinaot nga mahimong usa ra sila, sama Nato nga usa ra....

Palihog hinumdomi kanunay!
'Ang kaluwasan makapalagan lamang diha kang Molkhiul YAOHUSHUA, kay wala nay laing ngalan sa tibuok kalibotan nga gihatag sa YAOHU UL ngadto sa katawhan nga makaluwas kanato!' - Mga Buhat 4:12, Balaang Kasulatan
'Busa mangluhod ang yoahod nga binuhat nga atua sa langit, sa yuta, ug sa ilalom sa yuta; sa pagpasidungog sa Ngalan sa Molkhiul YAOHUSHUA hol-MEHUSHKHAY, ug ang yaohod (tanan) magsangyaw nga si Molkhiul YAOHUSHUA hol-MEHUSHKHAY mao ang Manluluwas, alang sa himaya sa YAOHU UL nga Amahan.!' - Filipos 2:10, Balaang Kasulatan
'Maghiusa unta sila, sama Nato nga Usa ra...'
YAOHUSHUA - ang bugtong paglaom sa tibuok kalibotan!

Balik kita sa YAOHUSHUA Home Page karon....

Your SOUND system should be 'ON'